|
وسواس امراض القلب والخفقان وخوارج الانقباض (هنا)
السلام عليكم ورحمة الله وبركاته
اسعد الله كل اوقاتكم بالخير..
راح ادخل بالتفاصيل
في يوم من الايام وانا راجع من العمل للمنزل، والامور كانت على مايرام، وكل شي طبيعي
فجأة شعرت بدوخه، او شي اشبه بالدوخة، مع شعور بأنه سيغمى علي! لمدة ثواني توقعت انه انخفاض سكر!
اخذت حلوى قريبه مني واكلتها.. وبدا قلبي يخفق بقوه وبسرعه من الخوف!
رجعت البيت وانا بحالة خوف شديدة جداً.. ماقدرت انام.. بدا الوسواس يلعب براسي ان فيني سكر..
وبدأت اعراض السكر علي وحده ورى الثانيه حتى رحت وحللت وطلعت سليم ولافيني شي!
عموما ما اطول عليكم..
بدأت الاعراض وحده ورى الثانيه
معده، قولون، دم مع البراز وانتم بكرامه..
ثم بدات معي نوبات الهلع، وهنا كان الفاصل الحقيقي للوسواس وللخوف..
لان بعد نوبات الهلع بدات معي نغزات القلب، فجاه، ولخبطة النبض!
سويت كل الفحوصات سليمه -الحمدلله-
ولكن النغزات هذي حتى الان مواصله معاي بشكل غريب!
واعتقد هي الي تسمى خوارج انقباض
وخصوصا عند المشي.. تزيد
وهذا اكثر شي خلاني اوسوس اكثر واكثر..
والان بكمل سنتين في هالوضع السيء !
ابي تجاربكم
وارائكم وحلولكم ايضاً.
شكراً للجميع!
|