نفساني - عرض مشاركة واحدة - النوم الطويل عطل حياتي.. شاركوني رأيكم....

29-12-2024, 07:55 PM

السلام عليكم ورحمة الله وبركاته

حياك الله اخونا طه

تدري يوم شفت عنوان الموضوع قلت مين نفض الغبار عن موضوعي

فكرت انه احد المواضيع اللي سبق كتبتها

تدري ياخوي اني من عام ١٤٢٧ الي عام ١٤٣٧

ما يقارب عشر سنوات و انا في شبه غيبوبة

راحت أجمل سنوات عمري و زهرتها في النوم

وقتها كنت اتنقل بين كورسات البروزاك و السيروكسات و السيبرالكس .. اتناول أحدها مدة عام ثم اترك عام اخر ثم العام اللي بعده اتناول سيبرالكس و هكذا

و سواء كنت اتناول او ما اتناول كنت انام الساعة ٨ المساء لين ٤ عصر اليوم الثاني

عشرين ساعة يعني عشرين ساعة

حتى لو كنت في زيارة اسحب أقرب مركا و انا وسط الخلايق و اروح في سابع نومة تقل تسعينية
لين تنتهي الزيارة ثم يقوموني

ما اقدر اتجاوز الساعة الثامنة .. معصي

لدرجة ناس من جماعتنا توفوا الله يرحمهم ما دريت عنهم

حرفيا كنت مغيبة عشر سنوات

حتى جوالي قعدت على ابو كشاف لين غيرته للمطور بعد ذيك المدة .. كنت اخر وحدة اشتريه و آخر وحدة تحمل الواتس

سبحان الله قد يكون للمرض الروحي علاقة

لان يا كثر الخلايق اللي تتناول الأدوية النفسية ما صار لها كذا