نفساني - عرض مشاركة واحدة

12-01-2025, 01:37 PM

مرحبا إخواني

انا كنت معاكم في من ٣ سنين لما بدت فيني نوبات الهلع مفاجئه وعانيت من فتره لين قررت اروح الطبيب..و وصف لي الدواء برنتلكس ..بأمانه كان فعال جدا ومريح ..بس بعد سنه تقريبا ..بدت فيني اعراض الجانبيه وبقوه الا وهي حرقان المعده غير محتمل .. وقررت إني اترك الدواء تدريجيا ..علما بأن لله الحمد حالتي استقرت بعد العلاج .. ولكن هناك نوبات خفيفه كانت تجيني كل فتره وفتره بعيده وكنت اخذ حيه او نصف حبه من البرنتلكس عشان أهدأ .. لين لله الحمد تركت الدواء..

ولكن ..

هاي الفتره صارت عندي ضغوطات ونفسيه تعبت منها .. صارت افكار السلبيه والسوداويه سيطرت على ..وخوف من المستقبل بدرجه فظيعه و وسواس المرض اللي خارجه عن ارادتي حاولت اسيطر عليها ولكن ما قدرت ..كل شي صغير ..يصير عظيم بعيني ..خوف من المستقبل عرقل حياتي ولو إني إنسانه مصليه مسميه ومتوكله على الله سبحانه ...

بعد تفكير عميق قررت إني أزور الطبيب للمره الثانيه كي بدأ العلاج مره أخرى ..

طبعا الدكتور اول ما شافني سألني انتي صار لك فتره قديمه
تعالجتي ..شو اللي خلاك ترجعين ؟؟

شرحت له حالتي ..وبعديين قلتله مابي دواء برنتلكس ايي شي ثاني يكون خفيف ع المعده وما يسبب حرقان ..

كتب لي افيسكور ..

المهم اليوم صار لي 5 يوم استخدمه بس ماعرف اشرح لكم كيف ..أول يوم كانت اعصابي هاااااديه حتى مالي خلق اسولف ولا اتكلم كان كل شي فيني مرتخي..

اما ثاني وثالث ورابع يوم ..احس ان ما زالت الأفكار السلبيه موجوده مع نوبات الهلع خفييييفه جداااا ..تجيني بين وبين ..

بشكل ملحوظ عندي رفض للأكل حتى لو كان لذيذ ابي اكل لاني يوعانه بس ماقدر معدة ترفض الطعام ..وعندي برود في بعض الانشطه كنت امارسها او احبها ..

اول يوم العلاج كان عندي تعرق فظيع وبروده لدرجه اني خفت وقلت شو هذا ..بس اشوي وراحت ..بعدين عرفت انها من اعراض بداية العلاج ..

بس لما اقارن بين فعالية برنتلكس وعالية افسكور ..لاحظت ان برنتلكس بدأ مفعوله من اول نصف حبه وخلاني بعالم ثاني وشعور جدا جميل ..بس افيكسور عكسه تماما

قاللي جرب افيكسور ارحوكم يساعدني حالته ومدى فعاليته عليه

المصدر: نفساني