المشاركة الأصلية كتبت بواسطة سكون النفس

أيوه يختي كنت عاوزه اخس بس مش دلوقتي أنا قررت أخس قبل ٥ شهور والحمدلله بعد ماطلبت

العون من ربنا ... خسيت كتيييييير يختي بعد محاولات فاشله أوي .... والآن أنا في مرحلة تثبيت

الوزن ومش عاوزه أتخن تاني في رمضان ولا كيلو حتى زاد وزني يختي من الست الغده الدرقيه

بتاعتي كسلت ومش عاوزه تشتغل وكمان السكر بتاعي كان في مرحلة ماقبل السكري وكمان يختي

الإكتئاب لما يزورني يخليني بس عاوزه آكل وأنام يعني لو ما لحقتش نفسي بالتحاليل والعلاج

كنت عديت ووصلت مرحلة السكري .... ماقدرتش أنقص في وزني الا بعد استقرار غدتي والسكر

وعرفت إنهم السبب في نوبات الإكتئاب ... أتبعت الصيام المتقطع والإمتناع عن الخبز والمعجنات

والمقليات والحلويات والإقلال جداً من المكرونات و الرز وإستبدال السكر الأبيض بسكر ستيفيا

والملح بملح هملايا الوردي .... أستفدت كثير من يوتيوب د ميرهان قنديل متخصصه في الصيام

المتقطع وأسلوبها بسيط ومشجع ومقنع وكذلك د رضا بخش بس دا بيشجع على الصيام لساعات

طويله مش زي الدكتوره ميرهان .... وتوته توته توه وخلصت الحدوته حلوه ؟ ولا ملتوته 🤗