نفساني - عرض مشاركة واحدة

01-04-2025, 03:31 PM

أدري بتقول انت حرمة و انا رب بيت و مسؤول

تدري هذي الحرمة هي ربة و رب البيت بنفس الوقت

اقوم بكل مهام الام و الاب من طبخ و تنظيف و عناية و متابعة فواتير و مقاضي و صيانة و مستشفيات و دوائر و سداد إيجار

امي و اخوي كأنهم حرفيا طفلين

كأني ارملة بطفلين

اوقات من شدة الإرهاق اتمنى احد يروح يطفي النار عن الأكل او يحمل عني كيس النفايات

لا يوجد

لان اخوي مريض الفصام ينام اوقات كثيرة مدة يومين متواصلة و أكثر ، انا اللي أسقط علاجه في فمه بعد ما اشربه الحليب او العصير بالمصاص عشان الأدوية ما تسبب له قرحة بالمعدة

وش نسوي لازم نصبر و نحارب طالما ما زال فينا نفس

مو بكيفنا ، ورانا التزامات و مسؤوليات ربي يعيننا عليها يارب العالمين