المشاركة الأصلية كتبت بواسطة متزوج ولكن!

ماهو انت لحالك ياخوي وحيد الحمدلله على كل شي غيرنا بمستشفيات النقاهه مفتح عيونه بس ولايدري له ١٠ و٢٠ سنه وربما يحس بالالم ولايقدر يتكلم يتعب جسده من وضعيه مايقدر يقول حىكوني يااااارب لك الحمد والله اننا في نعمه عند هؤلاء بل انهم يتمنون رهابنا ويتمنون قلقنا على الاقل فيه امل لكن هم وش يقولهم الطبيب مافي امل للأسف .. الا بقدر الله والله القادر حنا تزين يوم وتشين يومين ومره تزين يومين وتشين يوم لكن غيرنا تعبان على مدار اليوم والشهور والسنين ..

واذا صار رهاب اها وش صار انطبقت السماء على الارض الحمدلله لايكلف الله نفسا الا وسعها خلني ماروح اعيد مع الناس الحمدللهمادام اني اكل بيدي واقضي حاجتي بيدي ماحد يكشف عورتي ولاحد يتضايق من خدمتي الحمدلله اولا واخر والله ياخوي وحيد ان لي ٢٠ سنه كل صباح عيد بالبيت لحالي ودي اطلع مع الناس ودي اعيد معهم لكن ودي احضر اجتماعات العايله احس بتأنيب الضمير لكن الحمدلله لاذكرت ان هذي اعظم مصايبي اقول الحمدلله خلهم يقولون وينه ليه مايجي خلني ارتبك قدامهم وبعدين؟
دنياك هذي ماتجي لك على الكيف
مافيه شخصٍ بالخلايق صفت له
والله ياخوي ان لي ٣ سنوات الان ماطلع لاحد ولا اجي منعزل تماما عن الناء ولو رحت لاحد ابي اطلع بسرعه رهاب توتر تلعثم احراج الخ طيب وبعدين الحمدلله مازلت اكرر دامني آكل بيدي فأنا بنعمه
دامني اتحرك واقوم واقعد هذي نعمه تبي شكر
تصدق اني قايم من النوم وشعوى الخوف لاعب فيني وقلق مستمر وبس اتحرك وشوي يروح وشوي يجي ولكن نقول اللهم لك الحمد ولك الشكر مازلنا في نعمه ..
لو يجيك انفلونزا او رهاب شديد وقلق شديد قلت لو ارجع لوضعي الحالي راضي راضي ..

عموما ان شاءالله اننا على اجر وسع صدرك والكمال لله تعالى والرهاب ماهو مرض مزمن ماهو سرطان ولاهو شلل اعرف كثير قصوا علينا قصصهم والان يعتلون المنابر خطباء ومقدمين ..