المشاركة الأصلية كتبت بواسطة صِبا محمد

صبآح الخيير ..
كيفكم آن شالله كويسين ..
مآتتخيلوا قد آيش موضوعكم ذآ خفف علي آلله يسعدكم ويجزآكم خير ويخفف عننا وعنكم
طبعاً رآح آقولكم قصتي وهالمرض جديد علي الله يبعده عنا وعنكم يارب العالمين ..
بدى معي بتــآريخ 27 / 7 من هالسنه .. يوم مآ آنسآه وآلله

اول ماجاني كنت اسولف مع البنات وعآدي جداً ضحك وسـوآلف
وتآخرت عن النـوم لاني كنت مواصله ومااكلت واشرب كوفي وكثرت منه
ومن ضمن سوالفنا بنت خالتي تحكينا عن اختها يوم انكتمت وانها كانت بتموت ومن هالحكي
انا استغربت كلامها وكل ماتقول كلمة صار يجيني نفس الشي اللي توصفه
ماجت الساعه 11 ونص الا انا خلاص مو قادره اوقف
احلف لكم بايات الله ياجماعه اني واقفه وكني بعالم ثاني
دايخه ورجففففففففه قويه بجسمي وتنميل بدى من اصابع رجلي وكل ماله يزيد ..
قلت خلاص انا بموت والبنات اخر مره اشوفهم فيها هي الان
ونظراتهم وخوفهم علي كانت تخوفني اكثر
صرت امشي واصرخ ماني عارفه وش اقول احساس جديد وشي غريب علي
لبست العبايه وخلاص اقول فنفسي رايحه المستشفى لموتي واشوف غرفتي
وبيتنا ع اساس اني اخر مره اشوفها فيه
وانا بالسياره انكتمت وقلبي يدق وخفقاااااااااان مو طبيعي قلبي احسه بيخرج ورجفه
دخلت المستشفى وانا قلبي احسه بيوقف من كثر الخفقان ..
اول مادخلت ع الدكتور الله يجزاه خير كان رجل كبير وعاقل وكان يقرا بمصحف
اول ماشافني انصدم من منظري وصار يقولي هدي على نفسك وش فيك
يوم شفت وجهه كذا قلت بس اكيد عارف شي ومخبي علي صرت اوسوس
وقاس الضغط قالي والله مافيك شي ضغطك ممتاز هو يقول كذا وانا اشك بكلامة انه مخبي علي
لدرجة اني فكيت العبايه وشلت النقاب ومافكرت باحد من الخوف ابي اتنفس وابي ارتاح
حولني على باطنيه وكذا
وانا بالمستشفى بالانتظار لو اقولكم ماتصدقون اني صرت اضرب برجلي بالارض عشان التمنيل يروح
وادعي يارب لا تاخذ روحي الحين
الله لا يعيده من يوم
رجعت البيت وانا ابكي واصلي واقرا واستغفر الله مدري وش اقول بالصلاه من الخوف
اتمددت وصرت بنومي تجيني زي الفزات بالدقيقه مرتين او 3 افز
مارتحت واتقلب وادعي وقعدت يومين على هالحال
ومن يومها ماشفت خير الله يكتب لي الاجر بس ..
حتى الكوفي اللي كنت اشربه بذاك اليوم صتر اشوفه اخاف منه قسم بالله مااشربه ابد

هذي اول مره تجيني ..

وبدت تطور عندي الحاله كل ماجاني الم بجسمي قلت سرطان الله يبعدنا واياكم عنه
صرت احس الدنيا تمشي بسرعه بعض الاحيان تجيني حاله غريبه
صرت انكتم وماقدر اتنفس ورحت المستشتفى والاكسيجن تمام وتخطيط قلب اوكي وتحليل دم مافي شي غير نقص بالدم بسيط واخذت فيتامينات وكلو اوكي
بس تنفس عميق ماقدر ابدا احس اني بموت وصرت ابكي اكتئاااااااب مو طبيعي

لي يومين صارت تجيني نغزااات بجسمي وابكي وادهن بزيت زيتون مقري عليه ..
ولما اقرى قران ارتاح كثييير بس بعد ساعه او نص ساعه ترجع ..
قريت عنها اللي قال فقر دم واللي قال الشيطان يهيء لك مادري وين الصح

ابي حل بليز وش تنصحوني فيه خصوصا اني لا سمعت احد توفى تضيق فيني الدنيا
ويرجع الخوف اكثر من اول وانا ادري انه هلع بس اخاف واخاف من القبر
واحس اني لما اجي انام افز بعض الايام اتاكد انا حيه والا ميته

بعض الاحيان افكر اقول لسه عمري 22 ويصير لي هالشي
واقول اني لسه صغيره على هالاكتئاب
وصاحباتي يطلعوا ينبسطوا وانا هنا مقهوره وخايفه واقول فنفسي كيف مايفكروا زيي
مريحين بالهم ولا هم خايفين من الموت ولا شي مع انه مصيرنا كلنا
ويمكن يومهم قبل يومي بعد الشر عننا كلنا بس هم مرتاحين وانا لا
والله اني اموت باليوم 1000 مره من هالتفكير ..
اللهم اني احتسبت اجر وكل مامر بي لك يارب العالمين ..
ســــآعدوني بليييييز :(

المشاركة الأصلية كتبت بواسطة صِبا محمد

بس عندي مشكله اللي هي زي النغزات بجسمي زي الابر او القرصات
سويت تحليل دم وماطلع عندي شي كبير الحمدلله اللهم نقص بكريات الدم الحمرا
وهذي بالتغذيه تخف واعطتني حبوب وفيتامينا يعني الحمدلله سليمة
بس جسمي صار فيه نغزات هل انتوا جاتكم
لاني سمعت انها نفسيه من ناس ويقولوا الشيخ طارق الحبيب ذكرها
ف ابي اعرف هل احد منكم يجيه نغزات والالا طمنوني الله يرضالي عليكم
صار يتهيألي انه مرض شين الله يبعدنا واياكم عنه
وهل فيكم احد نفسه يحسه مقطوع يعني نفس عميق مااخذه الا بعد تعب
اظهر اركع عشان اتنفس كويس ومو كل مره تضبط