آخـر العنقود

بيانات اضافيه [ + ]

رقم العضوية : 37017  تاريخ التسجيل :  01 2012  أخر زيارة : 17-12-2014 (09:01 PM)  المشاركات : 66 [ + ]  التقييم :  10

لوني المفضل : Cadetblue

مرحبا ..

بماإنك مارديت أنا أحتاج إجابة
اليوم أربعين يوم أخذت السيربلاكس يعني بأتحسن ؟؟


--

المشكلة إن صار لي موقفين هدتني بالمرة

الأربعاء
الأكزيما ثارت على أمي ولي كم يوم أأجلها عشان وقت الدورة !!
ورحت معاها لعيادة الجلدية لما خفيت
المهم إننا طلعنا من البيت وأنا بخير ومافيني شيء أصلاً مو وقت تعب ومافيني نقطة وهن
من دخلنا المستشفى تعبت !!
ليه طيب ؟؟
صرت ماسكه كرسيها والفلبيني يدفها وجلست على أقرب كرسي ماقدرت أكمل
ودخلنا ع العيادة حتى ماسألتها كثير
الطبيبة تعرفنا قالت فيك شيء قلت المايستينا أتعبتني !!
وطلعنا من عندها يمكن شغلنا كله ربع ساعة
لما جينا طالعين ودانا الفلبيني مع طريق الطواريء عشان أقرب للمواقف طحت بالطواريء

مو مشكلة طيحتي
متخيل الرعب اللي نزل على أمي !!
متخيل ربكة ولد أختي !!
متخيل أن كل أحد يسأل وش فيها لأن أغلبية الممرضات والمراسلين يعرفوني !!
فشللللةةةةةةةةةةةةةةةةةةةةةةة تمنيت الأرض تبلعني

مو مهم كله
قاسوا ضغطي
نازل شوي خلوني أجلس لحد ماأستقريت
راح ولد أختي يودي أمي السيارة وقال راجع لي لاتتحركين
ماانتتظرت أستحيت يجي أحد ويسألني بعد
وتوكلت على الله ومشيت
وصلت للسيارة
طلعتها غلط !! وأبتلشت الشكوى لله ..
المهم سكر الباب ومشينا !! كنا بالمواقف والإسعاف ورانا جايب مريض والرجة اللي صارت
تكفيني سنتين قدام ع الفشلة ..

وجبتك ياعبد المعين !! أحس أمي تقوله ..

أمي قبل نمشي يقولون لها تروح معاك فلانة وتروح فلانة معطينها خيارات كثيرة
حلفت مايروح إلا أنا
ورحت
لما جينا البيت سألتني صرتِ تتعبين أكثر من أول ؟؟
بنضيع أنا وأبوك << متخيل هالجملة وربي صاعقة على رآسي أقسم بالله
كرهت نفسي وحسيت الدنيا صغيرة
قلت لها الله كريم شدة وتزول ماعليه بكرة أخف يمكن نكسة وهن والحمد لله
قالت تروحين الطبيب ؟؟
قلت لا بأتنوم وهناك لو أطيح بالحمام ماأنتبهوا لي هنا أحسن
عدى باقي اليوم تقريباً شبه عادي المغرب كان عندنا زوجات أخواني وعيالهم وأمي مو معاهم تطالعني بس

الخميس عدى تمام مع إنهم ملاحظين تعبي
بالليل تعشينا ماطبخت طبعاً !! وهنا مشكلة لأني لما أقول من برى كلهم يعرفون إني تعبانة خخخخ
سهروا أخواني معانا لوقت متأخر عشان الخميس وأغلب عيالهم مو بالبيت
لما مشوا قلت لها بأنام وشيكت على البيت كالعادة ونومت أهلي ونمت !!
قبل الفجر صحيت وهنانة شوي وأخذت ميستنون وماتنشطت ليه ؟؟
رحت بأسوي فطور أبوي وطحت بالمطبخ !!
جات الشغالة وسوت كل شيء لما ودته بالصالة شافتها أمي بالعادة الشغالة ماأصحيها بوقت الفجر أنا أسوي كل شيء
أمي تأكدت إني تعبانة مرة
وقلقت كثير عليّ
وجيت توضيت وصليت وقلت لها لاتقول لأبوي يتضايق
لما خلصت صلاة كان أبوي جاء بالعادة لما يجي أكون بالصالة وأسولف معاه وكذا
اليوم فقدني !!
طل ع غرفتي ساره وينك !!
لقاني متربعة طايحة !! آخر حسي بنفسي لما جيت أقوم مخلصة صلاة
ماحسيته إلا ماسك رآسي ويشهدني !! حسيت به وقلت أنا بخير ماعليه قمت بالقوة
ونمت على سريري
طبعاً هم ماناموا وكل شوي أحسهم يطلون
تعب عليهم وضعهم اليوم كسروا خاطري فوق تعبي ..




هذا ملخص مواقفي من الأربعاء !!

اللي يصير معاي وأنا واقفة عيوني تغيب وماأسمع إلا دقات قلبي
من أول لما أتعب أمشي لحد أي مكان وأجلس حتى لو نكون بالسوق أو مكان عام
ليه الحين قلبي يدق بسرعة وأختنق عيوني يغيب عنها النظر وأتنفس بصعوبة وأطيح

وش صاير بي !!
تحاليلي كويسة والوهن يمكن نكسة نفسية كالعادة !!

مخنوقة مرتبكة مآكله هواء ومو على بعضي مشتتة وأحتاج أتلم
يسألوني وشلونك ؟؟ ..
ماأقدر أرد وش أقول !!
قلت بخير
بس وهن شوي
تضيع كلماتي وأبكي
كل ماقلت لهم وهن أبكي
لأني بس رميته ع الوهن بجد ماأعرف وش فيني



أستودع الله كل ماكتبت
شكراً إنك قريت الكلام

قول لي أي شيء بأصدقك !! ..