السلام عليكم و رحمة الله و بركاته

شخباركم يا أعضاء ؟

اصلا مليت من كثر ما اكتب مواضيع
ما ودي اكتب لكن احس انكم فاهميني
على الاقل اتكلم مع اشخاص تفهمني و لا اني اتكلم مع اشخاص تفهم من كلامي اني مجنونة

انا من رجعت من العمرة و حالتي أخطر عن قبل
مع اني دعيت و دعيييت وايد هناك و حطيت في بالي
اني برجع و بكون انسانة ثانية لكن؟

الاعراض هي :
اني افكر بالموت كل شوي و احس يتقرب مني
بتقولون كلنا جي ؟
بقول لكم .. الافكار كل يوم قاعدة تتغيّر
و تسيطر عليه بطريقة محد يستوعبها

24 ساعة احس اني مضايقة
احس اني خايفة احس اني مودّعة احس اني حزينة
احسسسسسسس اني ابا اصيح و بس اصيح و مابا احد يسألني وش فيج ؟!

كل ما اتكلم مع احد احس بخوف و انا اتكلم معاه احس اني ما برمسه مرة اخرى

ممم و بعد في شي
انا احس ان في اشياء غريبة قاعدة تصير فيني
يعني مثلا و انا اتسبح احس اني اشوف اشياء و احس بشي حواليا
يمكن وهم ؟
الاشياء هاي تخليني اقول يمكن لاني بموت !

ما ارقد بسهولة مع اني اسمع سورة البقرة قبل النوم !
اتخيل كل اللي ماتوا من أهلي .. و اقول ليش قاعدة افكر فيهم ؟!

انا واعية من الرقاد قبل شوي
حلّمت ..
ماعرف يعني بس اللي اذكره ان صديقتي قاعدة تدور ابوها اللي كان تعبان على الفراش
لكن و انا احلم حسيت ان انا اللي قاعدة ادور ابوي اللي متوفي اصلاً
نشيت من الرقاد و انا خايفة والله

و اول ما نشيت .. اليهال قاعدين يسولفون
و يقولون اسم ابوي و هم يسولفون ...


مب متهنية لا في رقادي و لا في قعدتي و لا في شيء

ساعات اقول اصلا مستحيل الله الرحمن بيخلي عبده يتعذب جي
و ساعات اقول لا .. يمكن صدق الغرابة و الخوف هاي اعراض حقيقية

ساعات اقول لاني قاعدة اطيع الشيطان .. كل يوم يطلع لي بحركة يديدة
بس فجأة اقول .. لا لا الاشياء اللي تصير فيني مب شوي

انا قاعدة اشوف اليأس في كل مكان والله
و ما ابا اييأس !!
ابا تكون عندي ثقة ابا اكون صبورة

بس ..

مشاعري هالايام تخليني صدق أحس ان ما باليد حيلة

أمس الفليل كنت قاعدة أصيح ، يعني ماعرف وين أروح شو أسوي
أبا أمي لكنها مسافرة مع أخي حفظهما الله .
تكلمت مع صديقتي بس ما قلت لها ب شو احس بس قلت لها خايفة و مضايقة و اصيح
قالت لي لا تفكرين و نامي ..

بس الحمدلله تكلمت مع صديقتي الثانية و سمعت صورة البقرة و راحت الافكار شوي
لكن قبل لا انام ردت لي .. و في الاخير نمت و انا مستسلمة لها .

ما اعرف شو اسوي .. ادري مليتوا و حلكم بيكون مثل ما هو ما بيتغيّر
بس اعتبروها مجرد فضفضة لناس تفهم ما فيني ..



الله كريم :')

المصدر: نفساني