نفساني - عرض مشاركة واحدة

27-09-2013, 06:15 PM

بسم الله الرحمن الرحيم
السلام عليكم ورحمه الله وبركاته
اشكركم من كل قلبي على هذا المنتدى والله يجعل ما تقدمونه في ميزان حسناتكم
انا مشكلتي معقده شوي وما اقدر اقولها لاي احد ومو عارفه كيف احلها احس بشعور يوجع وفوق طاقتي اتحمله ..ما ادري انا عاطفيه بزياده او اتعلق بالناس انا نفسي مو عارفه..
انا مريت بتجربه حب وانفصلنا وبعد ما انفصلنا بسنه انخطبت وحبيت خطيبي وتعلقت فيه وكان فيه شغلات مو حلوه وتحملت عشان ما اخسره بس في نفس الوقت اغراض الشخص الاول عندي ما رميتها خبيتها بمكان بدولابي وما افتحه ولا اطالعها ولا اشوفها بس ما قدرت ارميها نهائيا وبعدها انفصلت عن خطيبي وكان فيه شخص محترم جدا يساعدني ويعاملني باحترام اي شي اطلبه منه يسويه لي وبعدها اعترف لي انه يحبني كنت خايفه يقول لي كذا لان مافيه الصفات الي ابغاها (فقير/مو مكمل تعليمه ما اخذ الثانوي/اصغر مني بسنه/من بلد غير بلدي بس بعد ما قال انه يحبني بكيت من قلبي وحسيت بضيق وبعدت عنه نهائيا وبعدها بثلاثه شهور انخطبت ما قدرت اوافق علي الي خطبني وتذكرت الشخص الاخير وانه مو ذنبه انه فقير او ما كمل دراسته ما ادري كيف اوصف شعوري حسيت بالذنب تجاهه وانه ما يستاهل ابعد عنه واكسر قلبه عشان شغلات مو بيده هو اخلاقه حلوه ويخاف الله وذا المفروض المهم وانه ممكن يكون هو الشخص الي يسعدني واحيانا احس بالظلم المفروض قرار الزواج يكون لي لحالي كلنا مسلمين اختاره من غير جنسيتي او من غير قبيلتي هذي حياتي انا لحالي الي بعيش معاه مو اهلي ولا الناس ..واحيانا يجيني شعور بالقوه وان الله معي وممكن اتزوج اي شخص انا مقتنعه فيه بدون ما اشيل هم اهلي يوافقون ولا لا .. انا مو خاينه ولا بنت شريره انا فعلا ابغى اعرف اختار شريك حياتي واكون له هو لحاله بجسمي بمشاعري بكل شي
من جد ضايعه ومحتاره ..الله يفرج هم الي يفرج همي رح ادعيله بكل صلاتي ..
وشكرا

المصدر: نفساني