نفساني - عرض مشاركة واحدة

26-10-2013, 05:44 PM

واياكي يا طيبة، وولا يهمك أختي، حاضر وبأي وقت، تكلمي عن كل اللي بخاطرك :)

الاكتئاب بالصورة اللي وصفتيها يعتبر اكتئاب بسيط
ولا أقصد انه بسيط من ناحية المعاناة، لا، اكيد انك تعانين منه ومتضايقة ومزعجك وترغبي في علاجه
لكن اقصد انه ان شاالله غير معيق ولا هو صعب العلاج

ممكن العلاج الفكري المعرفي يكون كافي بالنسبة لك، اضافة لتحسن ظروفك الاجتماعية او في العمل
يمكن اذا تزوجتي وربي وفقك بإبن حلال واستقريتي في عملك ، تكون نفسيتك احسن ويستقر مزاجك

في كل الأحوال اختي حلو ان الانسان يلقى شي يتسلى فيه او يستمتع فيه
السفر والشراء والأسواق شيء ممتع لكن يبيلها ميزانية :) وتكون حلوة مع الاعتدال

التلفزيون فيه قنوات حلوة مثل الوثائقيات وناشيونال جيوجرافيك وفتافيت
وابعدي عن القنوات اللي تنرفز زي الجزيرة الاخبارية والعربية وام بي سي ودعاياتها المنرفزة

النت والقراءة وكتابة الخواطر وفعل الخير والصحبة الطيبة والمجهود الرياضي الخفيف زي المشي
والسباحة والإيروبك الخفيف كلها أشياء تريح النفس وتشغل الوقت

بالنسبة لسيبراليكس فهو من الادوية الممتازة من ناحية ان ماله اعراض جانبية مزعجة لا ع المدى
القريب ولا البعيد، لكن استخدام شهر فهو غير كافي بصراحة

لأن طبيا حتى يختفي المزاج الاكتئابي يحتاج تكون مادة سيروتونين (الناقل العصبي المسؤول عن المزاج)
مرتفعة او في حدود الطبيعي لمدة 3 الى 6 شهور على الأقل

مثل ماقلت لك، اعتقد ان التحسن اللي صار معك كان من الزيناكس لأنه يريح الواحد نفسيا كثير

لازلت انصحك تاخذي سيبراليكس فترة كافية، وصدقيني ان مافادك ماراح يضرك
وان بغيتي تتحملي وتقاومي الاعراض الاكتئابية او خلينا نقول منغصات الحياة وتتعلمي طرق
تساعدك على سعة الصدر، مثل الاسترخاء النفسي والتأمل والأفكار الإيجابية عموما
فأيضا اقول لك أنا معاكي وممكن ماتحتاجي للأدوية
لأن الأدوية بصراحة يحتاجها اللي يوصل لحالة من الاكتئاب تأثر على حياته العملية الوظيفية او الاجتماعية

واتمنى تذكري لي مواقف تضايقك والافكار اللي تدور في ذهنك وقتها، وايش اللي تحسي انك مو قادرة تسويه
او نفسك تسويه في مثل هالمواقف او مقارنتك بينك وبين الناس اللي تشوفي ان نفسياتهم افضل من ناحية
السعادة وتحمل او مقاومة المشاكل مقارنة بك

يعني،،،
خلينا نسولف شوي، يمكن يطلع من السواليف فايدة، لي ولك :)

بانتظار تعليقك ان وجد، وانا متابع معك