نفساني - عرض مشاركة واحدة

20-07-2014, 10:22 AM

السلام عليكم ..

كيفك نهول .. كيفك صغيرتي ..

سعيدة جدا بإنضمامك لهذا البيت .. إيوه هذا بيت مو منتدى عادي .. بتلقين فيه إن شاء الله أخوان و أخوات لك ..
و أنا اولهم أنا إختك الكبيرة تباشير ..

تضايقت كثير لما قريت موضوعك .. و تضايقت اكثر لما عرفت إنك ما تحبي اهلك .. و الوجع لمل يجي من الاهل يوجع اكثر صح ?
يا حبيبة قلبي يا نهول ..
الواحد لما يحس إنو اهله ما يتفهموه شيء يوجع مره .. لانهم هم الامان و الحنان و اكثر ناس نلجأ لهم لما يضيق علينا الحال .. طيب لو أهلنا هم الي يضايقونا ايش نسوي هنا .. نروح للي أحن منهم و أرحم منهم و أفهم منهم .. نتوضا يا قلبي يا نهول و نصلي و ندعي الله ..
إفرشي سجادتك في آخر الليل .. و ادعي بالي تحبيه .. قولي لربك كل اللللللللللللللي في خاطرك ..
بترتاحين يا نهول كثير .. بتحسي فيه ثقل و آنزاح ..
حبيبتي نهول ..
الوالدين لهم قدر كبير آيش ما قالوا و إيش ما فعلوا ..
الله عطاهم هالقدر الكبير ..
و الله يحب اللي يبر فيهم و يرقه ربي خير كثير في الدنيا و الاخرة ..
شوفي مقاطع عن قض لناس كثير كيف صاروا من بعد برهم بوالدينهم و تراك مأجورة بشكل كبير .. و طاعتهم عبادة ..
انا اعرف ساعات ما يفهموا إيش الي نحتاجه .. و صديقيني اهلك يحبوك .. اتركي كلام اخوانك يقولوا الكلام في ساعات غضب ما يقصدوا ..
يعني لو ما يحبوك ما راحوا فيك للدكتور بس شافوكي تعبانه قالوا نوديها الطبيب ..
و نصيحة مني يا قلبي لا تقري في كتب علم النفس بتعبك اكثر و مثل ما قلت تحسي كل مرض فيك .. و تحسي كذا علشان مو دكتورة مو دارستوا بس الدكتور يقدر يفرق بين مرض و مرض بس إحنا ما نقدر علشان كذا بطلي تقري فيهم ..
و اهم حاجة ..
ارجعي ادرسي يا نهول .. ارجعي ادرسي بتتغير حياتك كثير .. طيب كذا فكري بتظلين كذا طول عمرك ؟
بتضعين مستقبلك بيدك ؟ ترضينها لنفسك بكرا مثل ما قلتي الي تزوج و الي دخلوا جامعات و بكرا يخلفوا و يتوظفوا .. و انت في غرفتك تبكي ليل نهار و يجيك اكتئاب .. تبغي هذا المستقبل ؟
ارجعي ادرسي في الجامعة او كملي الثانوي ضروري اذا كنت تبغين يتغير حالك ..توكلي علي الله و آدعيه يساعدك و يحنن قلوب والدينك و يعينك على برهم و ادعي ربك يسهل أمورك ..
و انا كمان بدعي لك في صلاتي يا اختي الصغيرة ..
و آذا إحتجت شيء او حاجة .. إطلبي مني و تدللي .. ماشي يا عصفورتي .. يالله هذا لقب الدلع حقك ايش رايك فيه ههه .. ترا آذا ما حبيتيه قولي عادي .. علشان اغيره و اسميك الصقر ههه..

الله يشرح صدرك يا نهول يا حبيبتي و يسعد قلبك و يهديك و يهدي اهلك لك و يسخرهم لك و يحنن قلوبهم لك و يوفقك في حياتك كلها و يرزقك صحبة طيبة .. يا رب يا كريم ..