|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
22-08-2017, 10:37 AM | #1 | |||
عضـو مُـبـدع
|
صارلي شي غريب
صباح الخير كيفكم
اكتبلكم وانا يدي ترجف.. من دقايق توني قاعده اسولف مع اختي سوالف عاديه ومندمجه اقول السالفه وانا بنص السالفه فجاه حسيت قلبي دق دقه قويه وكأنه بيطلع من مكانه وحسيت بخوف شديييد وكأنه جسمي تخدر قمت من مكاني قعدت اتحرك وادور واسوي حركات ابي اهرب طلعت من المكان الي كنت فيه وجلست امشي وامشي بسرعه بخوف واقول لاختي شفيني فيني شي صارلي شي تقولي مافيك شي ومستغربه مني قلتلها قلبي يدق بسرررعه وفجاه خفت مررره الي يخوف اكثر انه فجاه حاولت اخذ تنفس بعمق وانسى والحمدلله الحين صرت احسن بس هالشي اول مره يصير معاي بدون مقدمات وفجاه!!! صارت معاي من قبل اكثر من مره بس اقصد اول مره بهذي الطريقه الخفقان السرييع والرجفه الحين انا ماادري هل هذي نوبه هلع ولالا! ثاني شي خايفه انها ترجعلي مرره خايفه لانها جت فجاه وبدون مقدمات فرضا جتني وانا مع احد غريب!! وبقولكم شي ثاني الاشياء الي صارتلي اليوم : -امس زي هالوقت رحت صيدليه عشان بلعومي من زماان ملتهب وانا اهملته وخفت يكون فيني شي خطير واهلي كلهم نايمين مارحت مستشفى وهم يقولون انتي توسوسين فرحت لحالي صيدليه ولين اليوم وانا افكر ببلعومي والالم المستمر 2-من ضمن الاشياء الي اخذتها عشان بلعومي فيتامين سي اخذته مرتين بالصبح وبالليل وانا سامعه انه ينشط ويصحصك قلت يمكن حفز الشي الي صارلي لان 3-شربت كولا كامله بالليل + اكلت تشوكلت كثير وتشبسات 4-صارلي اليوم موقف جدا جدا ضايقني وكتمته تهاوشت مع اعز شخص بالنسبه لي واكثر شخص احبه وهو تخلى عني وتركني وطول اليوم متضايقه والشخص متعلقه فيه سنوات 5-شفت مقطع فيديو واحد رايح مكان مهجور وشاف بسم الله وكانو يطلعون اصوات وشفته كامل وكنت خايفه مره لاني ماافتح اشياء مرعبه بس هذا في برنامج سناب شات ماكنت ادري كذا 6-انا فيني فوبيا من الحمام بسبب عقده صارتلي وانا صغيره والحين اذا شفت حمامه جمبي اصرخ اصيح واسكر اذني واغمض عيني وتجيني قشعريره الناس ماتصدقني حتى امي تقول دلوعه! وانا هالاشياء تصير غصبن عني فاليوم امي قالت ان لما كنت نايمه كان الباب مفتوح ودخلت حمامه البيت وهي مجرد ماقالت انجنيت صراخ وصياح وخوف هل هذي الاشياء سببت هالشي؟ وايش الشي الي ممكن يكون هو السبب باللي صارلي ؟ ولا ماله علاقه؟ لانها اغلبها اشياء ماصارتلي من قبل ومااسويها الا نادر وغير كذا كالعاده.. قلقي المعتاد قبل لا تجيني بهالحاله بدقايق او نص ساعه بالكثير قعدت تجيني تخيلات ووساوس عن الموت وافكار سلبيه كالعاده افيدوني لان والله لما راجعت الي صارلي اليوم اغلب يومي مر باشياء مرعبه وحزينه هل عشان كلها جت بيوم واحد؟ يعني ماراح تتكرر لو ماصارتلي اشياء زي كذا؟ ساعدوني بليز ابي اعرف ايش فيني:( الله يشفينا ويطول باعمارنا يارب المصدر: نفساني
|
|||
|
22-08-2017, 11:05 AM | #2 |
عضو
|
انتي قلتي توسوسين لو كان فيكي شي ما ارتحتي حين هديتي نفسج وأخذتي نفس عميق اتوقع هذه نوبة هلع جاتلج ونوبة الهلع تجي بدون مقدمات فجاة تحسين قلبج يدق سريع وتنفسج سريع او تحسين مخنوقه وتجيج الرعشه وبرودة الأطراف ودوخة
|
|
22-08-2017, 12:38 PM | #3 |
مشرف ملتقى الهلع
أنا معك ...
|
كل الاعراض اللي قلتيها اعراض نوبة هلع
كل مااستسلمتي وقت النوبه كل مازادت الاعراض انصحك تعرضين نفسك على دكتور نفسي بالتوفيق |
|
28-08-2017, 03:34 AM | #4 |
عضو جديد
|
انصحك اذا جتك مره ثانيه طنشيها
وش تخافين منه؟ الموت؟؟؟؟؟ كلنا نخاف منه ومع ذلك اذا جاء أجلنا بنموت فما في شي يخوف اذا جتك مرا ثانيه قولي في داخلك مافيني شي هذا هلع مافيني شي وماراح اموت حاولي تستحقرينه وبيرجع يجيك وطنشيه وقولي دق زياده عادي ماهميتني وتأكدي مره ومرتين وثلاث بيرجع يجيك اقل من قبل وحاولي ماتوسوسين لانك كل مافكرتي فيه راح يزيد واسأل الله ان يشفيك ويشفي كل مسلم وتأكدي بأذن الله أن كله أجر لأن ربي اذا حب عبد ابتلاه |
|
29-08-2017, 01:25 PM | #5 |
عضو نشط
|
الي جاك موب هلع الي جاك من السكاكر الي اكلتيها ومن التعب الكولا والشوكليت تسبب خفقات غريبه بالقلب اذا زاد الكافيين عن حده باليوم وهذا شي طبيعي
انتي خفتي انها تكون نوبة هلع ولان لك تجربه مع الهلع صار اي شي تحسبينه الهلع من سردك لتفاصيل اليوم باين انك خايفه وهذا الي يثير فيك الهلع من غير سبب |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|