|
|
||||||||||
ملتقى الفضفضة مساحة ليقول العضو كل ما يجول في خاطره ، فضفضات نفس . |
|
أدوات الموضوع |
02-11-2006, 06:17 AM | #1 | |||
عضو جديد
|
موضوع
بسم الله الرحمن الرحيم
السلام عليكم ورحمة الله وبركاته.. الصراحه مني عارفه كيف اكتب او اتكلم بالموضوع لاني اول مره بحياتي اشارك احد مشاكل لي او بالاخص بالموضوع اللي صار لي .. يعني انا ممكن اغلب الغرض من اني اتكلمت بالموضوع هو حاجتي لاني اشارك شخص وبالاخص شخص ممكن يفيدني رأيه باللي ما اتكلمت فيه مع احد من اللي حولي.. انا مريت بتجربه احيانا اصفها بالسيئه لانها كسرتني ومني قادره اجبر حالي للحين وهي لها مدة والمفروض اعديها من حياتي ..واحيانا اصفها انها مو بهذا السوء لاني المفروض اتغير واتوقف من عطائي اللي ماله حدود ..وهو قبل وبعد كل شي الحمدلله يارب على كل شي انا من اكثر من ثلاث سنوات اتعرفت على شخص والحمدلله بطريقه لا تمس من احترامي لنفسي ولا لاسم اهلي وقبل كل شي ما تغضب رب العالمين لكن انا حبيته وما ادري اقول هو حبني او لا بس انا بتكلم من طرفي انا ..مر الوقت واتفقنا على الزواج على الرغم من كل اختلاف يجمعنا من كل النواحي الحب اعمى المهم انخطبنا ..مشاكلنا ماكان لها اول ولا اخر لكن ما ادري تمسكي فيه كان وش هدفه ..هو اني حبيته انا اعترف حبيته من كل مافيني وما اتكلم عن انسانه مراهقه او انسانه تتوهم يعني الحمدلله انا الكل يشير برزانتي وشخصيتي الراكزه لكن الحمدلله مكتوب ..اتملكنا وكثرت مشاكلنا اللي مارضت تنتهي لحد ما انا قررت اني ما اقدر اكثر من كذا قويت لحظتها وانهيت كل شي ..بس بعد كل من يوم ضعفت مع اني بكل قناعتي ادري اني ما اقدر عليه بس ما قدرت اكمل اللي بديت فيه..لكن انتهى كل شي والحمدلله يارب المشكله اللي اواجهها اني عجزت اتعدى اللي صار وحياتي تمشي ..كلي تغيرت صرت احس اني انفع امثل بهوليوود من كثر ما انا ابين قدام اللي حولي اني لا عديت كل شي لكن انا من جوا مني انا ..لا ثقتي فنفسي هي ..لا روحي وتفائلي وحبي للدنيا وتمسكي فيها نفسه..لا انا هي انا فكرت كثير اني اراجع دكتور الصراحه ابي اتكلم مع احد يساعدني ..لكن قلة خبرتي في الاطباء الصراحه عندنا في السعوديه ما ساعدتني حاولت وانا مسافره خارج السعودية لكني ما قدرت ولا الظروف هيئت لي..عجزت اتعدا اللي صار لي كل شي فراسي ينعاد كل مكان كل كلمه كل لحظه .مع انه مرت مده تعتبر مده كافيه اني اتعدا اللي صار بس مو قادره.. الشي اللي احسه متعبني احس ان قلبي انكسر ومو شي انا اتهيئه لا انا حاولت اعدي حياتي ما اوقفها حاولت اكمل دراستي طبيعي حاولت احقق كل حلم اتمنيت اسويه معاه ..وسويته بدونه بس ما قدرت يعني سبحان الله اذا انقال انه شخص ميت وهو حي كلمه ما تنفهم للبعض انا احس اني امر فيها بكل ما لها من معنى يعني الحمدلله يارب انا انسانه ايماني بالله قوي والحمدلله يارب ملجأي الوحيد اللي دايم التجأ له هو خضوعي لرب العالمين ..بس من بعد الله اتمنى من اللي عنده خبره وقدره انه يتكلم معاي كأخت له وله شور او نصح لا يبخل علي فيه لاني جد احتاج له.. واسفه طولت بكلامي.. المصدر: نفساني
|
|||
|
02-11-2006, 06:16 PM | #3 | |
( عضو دائم ولديه حصانه )
|
اقتباس:
|
|
|
02-11-2006, 11:42 PM | #4 |
عـضو أسـاسـي
|
اختي العزيزة ..
حينما نحيا لفترات ونحن متعلقين بأِشياء قد اصبحت جزء من حياتنا ويومنا وانفاسنا ونخسرها الى الابد بقرار منا نصاب بحالات من الندم والغضب .. أنت ِ الان في هذه المرحلة ..حيث ترددين في داخلك تلك اللحظات وتعيدينها في ذاكرتك... ولكن اعلمي بأنك تقتلين نفسك ولكن ببطئ شديد كالمدمن الذي لا يقوى على ترك ما يحب .. يجب ان تكون لديك ارداة لتخطي تلك العتبة وتلك المرحلة لانك الان معلقة اما الانهيار او النسيان وعدم الالتفات الى الخلف ...دعي تلك التجربة في صالحك ..تذكري الاشياء التي استفدتي منها وكوني قوية واثبتي لنفسك بأنك كما انتِ من الداخل والخارج... لانك اذا لم تفعلي ذلك لن تستيقظي الى الابد ...اتمنى ان تتخدي قرار حاسم في حياتك .. تحياتي لك |
|
02-11-2006, 11:57 PM | #5 |
عضو جديد
|
اشكر لك اخوي يتيم حظ تعاونك..
لكن ما فهمت عليك مافيه شي هنا في المنتدى اسمه مذكرة الحرية النفسيه ياليت توضح لي اكثر.. واشكرك مره ثانيه ___________________________ اختي بايعة هموم ..شكرا لوقتك معاي انا ما اتكلمت اللحين من بعد مده طويله لهالتجربه الا وانا محاولاتي مانفعت معاي لكن مافيه يأس دام الله موجود والله يعطيك العافيه .. اخت غاليه والله |
|
03-11-2006, 12:44 AM | #6 |
مراقب سابق
|
الاخت الفاضله
ربما اذا استطعتي ان تشغلي وقتك و تفكيرك اكثر و اكثر و ان لا تعطي لنفسك فرصة للتفكير فيما مضى و ظهور شيء جميل و جديد في حياتك و تبدأي من جديد دون النظر الى الوراء حتى لا تتعثري من جديد ربمايساعدك هذا في تخطي ازمتك باذن الله اعلم ان الكلام سهل و ان التنفيذ يحتاج الوقت و المجهود و اراده قوية اعانك الله ووفقك خالد عباس |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|