|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
06-01-2010, 10:31 AM | #3 |
عضو نشط
|
السلام عليكم ورحمة الله وبركاته اهلا وسهلا فيك اختي : صمــــت الشمــــوس ،،، قرأت موضوعك السابق وانا حاضر لاي سؤال او مساعدة . اختي : انا اعاني من سنة ونصف من غصة في الحلق ثابتة لاتتحرك ووصفك بصراحة رائع للغصة ( مثل البلاستيكة واقفة في البلعوم ) معاناتي طويلة مع الغصة اللعينة هذي ماتركت دكتور الا وجيتة واللي يقول هذا بسبب حامض المعدة واللي يقول اللوزتين كبار وامور اخري .. واستعملت السبراليكس من طبيب نفسي والحمدلله احس ان الغصة نزلت بشي بسيط ولكن مازالت موجودة ،، اختي : صمت الشموس الطبيب وصف لك السيروكسات علي حسب كلامك السابق وانتي تقولين اخذة ثلاث حبات واوقف ..!!! اختي : من المفروض ان تأخذي السيروكسات وتلتزمين فية فترة 6 اسابيع كاملة وبجرعة ثابتة وراح تشوفين الفرق بأذن الله ومن الممكن تلاحظين التحسن بفترة اسبوعين فقــــط .. وهذي العلاجات اللي راح اذكرها كلها سليمة وامنة علي المدي البعيد وماهي علاجات مهدئة او عقاقير تسبب الادمان هي فقط تحسن من نسبة السيروتنين في الموصلات العصبية وعلي كلام الاطباء ان كل المشاكل هذي بسبب نقص هذة المادة .. من العلاجــــــــــــــــــــات ( السيروكسات ، السبراليكس ، البروزاك ، الزولفت ، الفافرين ، الايفكسر ) سؤالــــــــــــــــــــــــــــــي .......؟؟ 1- شنو شعورج اللي تحسين فية في منطقة البلعوم واذا ممكن ابي وصف دقيق ...؟؟؟ 2- متي بدأت الغصة معك ؟ وهل راجعتي الطبيب عشانها ..؟ 3- هل تزول تماما بأستعمال السيروكسات ..؟ يعني تكون الامور طبيعية اذا اخذتي العلاج ؟؟ معاناتك اللي قرأتها هي شبيهة لمعاناتي 100 بس انا تحسنت الامور معاي وخفت الحمدلله بأستعمال علاج السبراليكس ومازلت استخدمة صارلي 6 شهور . من الاعراض اللي كنت اعاني منها : - 1- كتمة في النفس واحيانا تجي شديدة جدا 2- زيادة دقات القلب 3- الم في الصدر وخاصة في جهة القلب 4- الاحساس بوجود شي في الحلق واقف لايتحرك ( غصة ) 5- الم في المعدة مستمر مع لوعة - غثيان - دائم وتشتد مع الغصة 6- دوخة مع تنميل اليد اليسري 7- خوف وقلق من الخروج من المنزل 8- خوف وقلق من الزيارات الاجتماعية وتجمع الناس 9- وخز مثل الابر في منطقة الظهر والبطن 10- برودة في الارجل مثل الثلج 11- الخوف من الموت او سماع خبر عنة والحمدلله خفت الكثير من الاعراض اللي ذكرتها بس بقي معاي الغصة في الحلق هي الثابتة وماتتحرك |
|
06-01-2010, 12:34 PM | #5 |
عضو فعال
|
سالفتي سالفة ؟؟؟؟
هلا جهراوي
تخيل لي اكثر من عشر سنوات اعاني من هالاعراض وهي شديده على فكره ماخليت دكتور بالجهاز الهضمي ماجيته وماخليت علاج او طب شعبي ماسويته وبلعته احسب مشكلتي عضويه وبالصدفه عرفت عن طبيبه نفسيه عالجت وحده اعرفها من القولون ومشاكله ويوم جيتها قبل سنتين قالتلي ان اللي عندي هي نوبات هلع وهي اللي مسويه عندي هذي اللخبطه بصراحه ماتوقعت مشكلتي نفسيه وعرفت منها ان هالشي بسبب خوف اصابني من الطفوله وكلامه صحيح والله ياخوي ان الاطباء عجزو معي لدرجة صارو يعطوني ابر مهدئة وقت معاناتي الله لايعيدها وهم مو عارفين وش عندي بس الحين احسن بكثيييييييير لله الحمد الاعراض اللي تجيني شي صعب بصراحه زي اللي فيك بس انا التنميل في يديني ووجهي بعد تتخيل هذا ؟ وخزبالراس وبالجسم كله لدرجة اقول الحين تجيني جلطه !! جفاف بالفم وصعوبة بالتنفس وكتمه مع الم بالمعده وبروده بالأطراف وحلقي كأن فيه بلاستيك او قطعه مدري كيف اوصفه ماتروح الا اذا بديت اخذ العلاج ومعدتي بدت تهدأ تخيل اخاف من الناس يشوفوني بهالحاله لأني اصير في حاله غير طبيعية وقلقه وجسمي كله يتحرك يعني هياج حركي ومعدتي نفس العضله تتحرك زي نبض القلب واخاف اطلع من البيت الان اخذ سيروكسات من سنتين تقريبا وتماااام اموري معه حتى صحتي زانت بس اذا تركته او خففت الجرعه احيانا تجيني الأعراض بس طبعا مو نفس الشده اخف بكثير اتمنى اكون طبيعية زي غيري وبالصدفه دخلت هالموقع ويوم دريت انه في ناس مثلي حسيت اني ودي اتواصل معهم كنوع من التخفيف والفضفضة بعيدا عن الناس اللي ممكن يعتبرون حالتي جنون او اني مو طبيعية مثلا تحياتي لك اخوي واعذرني لو مارديت بسرعه لأني غالبا مشغوله ومو دايم ادخل اشكرك من كل قلبي |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|