|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
13-10-2010, 05:55 AM | #1 | |||
عضـو مُـبـدع
|
شئ غريب
بسم الله الرحمن الرحيم
ياخواني ماتلاحظون شي غريب انا على فكره كنت بكتب الكلام هذا لشخص في احد الردود بس قلت لازم انزله في موضوع عشان الباقين يدخلون المواضيع ويقرون ويعرفون . استغربت من البعض يقول خلاص وراح انتحر ويأست وطفشت ومليت ولا ابغى شي ولو اني ماني حاس بمعاناتكم او مامريت بتجربة الهلع قبل فتره كان قلت هذا صاحي والا مجنون وش فيه يكتب كذا لكن انا عارف وش اللي فيكم واحس فيه لانه يمر علي مثلكم ولكن ماعطيه وجه . واللي خلاني اكتب الموضوع اني شفت ناس وصلو الى اليأس من رحمة الله ويعتبر هذا قنوط ياخوان الموضوع ترى انت بنفسك تحله وانت في الاساس تلوم نفسك بعد الانتهاء من النوبه الموضوع هذا اعتبره لقوة الشخصيه يعني مثال بسيط تقابل طفل صغير وملقوف يعني شقي في الشارع وكل شوي تمر من عنده تمزح معه يوم مره مرتين ثلاثه تلاقي الطفل هذا يمكن يتمادى معك ويقل ادبه ويتطاول باللسان لان مزحه يختلف عن مزحك ويعتبر الامر بمجرد انه يضحك وينسبط وانت تقول احترم نفسك انا اكبر منك ياخوان اعتبرو المرض هذا مثل الطفل انت اللي تعطيه وجه حاول قدر المستطاع تجاهله. طيب بعلمكم طريقه سهله وطبقها تراها اسهل من السهله وراح تنتهي النوبات باذن الله توكل على الله واول ماتروح النوبه لاتجلس تفكر متى تجيك لان الشيطان يساعدك ويجلس يوسوس لك ويقول يمكن تجيك بعد شوي ويخليك في دوامه متى تجي لين تجي وفي الوقت هذا تلاقي نفسك ضايقه طفشان ممل مالك نفس في اي شي كأنك جالس تنتظر خويك في البيت متى يجيك ويقولك انا جيت. اول ماتفكر في النوبه متى ترجع تعوذ من الشيطان والعب اي لعبه او اطلع وخل تفكيرك كله منصب في وش تشتري من السوق وش بقول لفلان سالفه اليوم او تقول لاهلك تبوني اطلعكم نغير جو او اي شي بس لاتعطي نفسك فرصه تفكير واحده في المرض يعني بالعاميه اول ماتجيك الفكره تعوذ من الشيطان وديور يعني خذ ريتيرن يعني لف يعني اسحب عليها يعني ولا كأنك شايفها والله ثم والله ماعاد تجيك باذن الله تعالى وخلي ايمانكم قوي بالله تبي تقنع واحد من الزملاء في فكره وانت شايفه على خطأ بتطلع الف اسلوب واسلوب عشان تقنعه مايسوي الشي ذا او يقلع عن الفكره طيب ياخي الكريم انت طلع لنفسك فكره مو احد الزملاء . اسئل الله العظيم لي ولكم الهدايه المصدر: نفساني
|
|||
|
13-10-2010, 06:03 AM | #3 |
عضـو مُـبـدع
|
الله يعطيك العافيه اخوي ابوفارس الله يشفيك ويشفينا وكل مريض
وفعلا انا لما تجيني النوبه ماقعد افكر فيها وتطول على ماتجي مره ثانيه كلامك سليم ميه بالميه |
|
14-10-2010, 06:24 PM | #5 |
مراقب عام
|
صح لسانك أخي أبو فارس
هذا هو عين الصواب بارك الله فيك وأتمنا من بقية الأعضاء الصحوة من الغفلة اللي عيشينها جزاك الله خير |
|
23-09-2011, 02:13 PM | #7 |
عضو مجلس اداره سابق
|
الله يعطيك العاافيه اخوي ابوو فاارس
صح الانسان ساعات بيكون بساعة ضعف و انكسااار يفقد فيه الامل و يقنط لكن الانسان بطبعه ضعيف لكن السئ يتمادى الانسان في هذه الدوامة و الحلقة المغلقة جزيت كل خير |
|
24-09-2011, 01:37 AM | #10 |
عضـو مُـبـدع
|
جزاكم الله الف خير على ردودكم
وبارك الله فيكم وفي عيالكم اللي عنده عيال واللي ماعنده ان شاء الله ربي يرزقه اخوي عنوان موجود معكم وانا اخوك بس اوقات الظروف تمنعني عن المشاركه بس اتابع معكم يعني ماطول غيبات ان شاء الله انتم اخواني ومادخلت هنا الا لمساعدتكم على الخروج باذن الله من ذا المشاكل كلها دمتم في خير |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|