|
|
||||||||||
الملتقى العام لكل القضايا المتفرقة وسائر الموضوعات التي لا تندرج تحت أي من التصنيفات الموجودة |
|
أدوات الموضوع |
19-09-2002, 03:09 PM | #16 |
عـضو أسـاسـي
|
الله يارب ياكريم يعطيك العافيه
يالمخضرم يابن ام عــــوف بس شف أنا بأكل صفحتين قبل النوم ..أأأأأ قصدي بأقرا صفحتين قبل النوم ..تعرف أحتاج جرعات مكثفة أنا .. أكرر الله يعطيك ألأف عافية أبد اليوم أنا عند مكتبة جرير .. في انتظار العنوانين المتبقيه يالمخضــرم ياابن أم عبــس :D |
|
19-09-2002, 04:05 PM | #17 |
( عضو دائم ولديه حصانه )
|
.......يا بنيه , يا لمووووووووو يا بنت أم لمّووو
احمدي ربك يا بنيه أنك تدرسين الجامعه وانتي في بيت اهلك غداك وعشاك ولبسك تلاقينه جاهز وما عندك هم الا هم الدراسه وهم " نفساني ":):) ذكرتيني في أخر أختبار لي في الجامعه ....... طلعت يا لمّوو من اللجنه مو مصدقه عمري أن دراستي خللصت ... طلعت ودي احضن كل بنيه اشوفها واعلمها أني خللصت الكابوس اللي اسمه جامعه كنت ما امشي من اللجنه للبوابه , لا ظنتي كنت اطير يا لمو من كثر الفرح تدرين ليش ؟؟ ما تدرين ؟؟ زين بقول لك ........... الجامعه مسؤوليه وهم ما ينلمّ .......... وشلون لا صارت جامعه + زواج + ابو عيال + عيااااااااااال؟؟:) اركدي بس وتعوذي من ابليس وخللّك من الغياب وكثر السهر وقولي الحمد الله اللي لمياااااااااء مهيب مثل واهمه ..............:).......... ما يحلى النجاح يا لمّووو ألا اذا خالطه شوية تعب ومعاناة والا تبين شهاده جاهزه مثل بعضهم اللي يشترون الشهادات والمراكز والمناصب ؟؟؟:) ;) |
|
19-09-2002, 10:33 PM | #19 |
عضو نشط
|
عزيزتي لمو
انا درست في كلية التربيه يعني ما ادري وش سالفة المعدل التراكمي او غيره لان نظام الكليه مثل نظام المدرسه يعني يعطوك في الترم عشره _احد عشر ماده ويقولون دبري عمرك وكل المواد اجباري يعني ما تقدري تاجلى ماده الا اذا رسبتى فيها ةعدتى السنه اما الان فانا لا زلت جديده على النظام الجامعي وكل الى اعرفه ان المعدل لابد ان يكون مرتفع ارجو ان اكون قد اجبت على تساؤلاتك :p والله يوفق الجميع الى اللقاء اشوفكم على خير اختكم ود الاحبة |
|
20-09-2002, 08:20 AM | #20 |
( عضو دائم ولديه حصانه )
|
والله شوفي لمياء اذا تقصدين اني انا بالذات صعب القى بديل بما ان ما عندي راس مال ،،،،،،، فانتي صادقه وهذا اللي غابني وقاهرني
واذا تقصدين بشكل عام الشاب ماله الوظيفة فانتي اكيد غلطانه لان تسعة اعشار الرزق في التجارة وانا على فكرة حتى لو درست وكملت دراستي الكمبيوتر الحين راح استغلها للعمل الحر وبعدين ابغى اوضح شي لا تفهموني غلط ،،، اني اقصد بعمل حر مو اني ما ابي احد يوجهني ولا يقولي تعال ورح ... لا عادي اذا صارت في وظيفه لكن اللي اقصده اني انسان احب افكر واحب اشتغل في اعمال حره لكن العائق زي ما قلت المادة والحمد لله في عدة مشاريع استشاروني اصحابها بعد افتتاحها وكنت ولله الحمد بافكار بسيطه سببا في تنشيط عمله وتنشيط ارباحه وطبعا بدون ما اخذ على افكاري ولا ريال :D وبعدين لمياء الانجليزي اللي تدرسينه هذا مدري وش قصته انا اعرف وحده تدرس انجليزي وكان طموحه تدرسه والحين السنه هذي بتعيد سنه وكارهه الجامعه وما كانت متوقعه انها تعيد خاصة انها متفوقه في الثانوي وانا كنت وما زلت اقول: انا لو بنت ادرس الثانوي واجلس انتظر عريسي واقرا في البيت زي ما ابغى وش لي وش للدراسة الاكاديمية والقلق ... ولا تكلفو البنت ما لم تكلف به والسلام:) :) :) :) |
|
20-09-2002, 01:33 PM | #21 |
عـضو أسـاسـي
|
أبـــــله واهمـــــه لا والله إفرضي جاني عريس اليوم ولا بكــــرة وش أســــوي ؟؟؟
:D :D يــــاربيه ما أحلانــــي أدرس وأنا متزوجــــــه ..أصلا ما أقدر أتخيل نفسي ...والله كان تطلع قضيتي ولا قضية الشرق الأوســــــــط ...أصــلا أنا قايله لأهلي مافي زواج لين أقل شئ يبقالي سنـــة ..أأأأأأ خلاص خلاص عيب عيب عيب توني صغيرة على هذا الموضوع يا أبله واهمة :D بس صدقتي ما أنكر فضل ربي علي الحمد لله لك الحمد والشكر إلى يوم نبعث .. -------- صدقت يالبتـــار وصدق من قـــال : وإن بــــــاب أمـــرٍ عليك التــــــــوى ...فشــــــاور لبيـــــبا ولا تعصـــــهِ ------- دبــوووووجه ماشاء الله عليك نابغه في الأنظمة الجامعية ماشاء الله عليك كفيتي ووفيتي .....إيه الحين عرفت كم أجيب وشلون أمشي أموري وش يصير إذا حملت مادة ..لا مسكته ماشاء الله عليك :3: :3: نشوفك على خير يا دبوجه .....والظاهر إني أنا اللي بأفهمك وشي قصة الجامعه ---------------- أبو الشباب إقعد ياللي يبي يسلك السلك التجاري .. أصلا ربي راحمك داري إن ماعندك سالفة في التجارة عشان كذا ما عطاك راس المال :D أمزح أمزح أمزح بعدين يا أبو الشباب وش أقعد وأستنى عريسي الله أكبر عريس الغفلة ذا ... لا لا لا الوحدة أو الواحد لازم يأمن مستقبله يصير معه سلاح لو مايستعمله ألحين عشان بعدين لا سمح الله لين صار شئ ولا شئ مايضيع ... بس ياربيه الله يقوينا ................:( نأخذ أسلحه موب سلاح واحد بعدين تعال ماجاوبتني ليش تركت العلوم التطبيقيه ؟؟؟إذا ماتبي تجاوب ترى عادي مافي مشكلة :rolleyes: |
|
20-09-2002, 03:22 PM | #22 |
عضو نشط
|
الاخت لمياء
السلام عليكم ورحمة الله وبركاتة ماجعلني امسك قلمي وابداء كتاباتي على احرف الكيبورد الصغير هو ماقمت بكتابة من موضوع جميل وشيق لدرجة ان الردود كانت بشكل كبير كثر التعليق على هذا الموضوع وكثرت الاقتراحات وكثرت الردود وكل عضو وقام بالنصيحة والاستشارة فاكفاني الجميع بالرد وجزاهم الله خير واشكر المخضرم لمابذلة من جهد ;) ولم يجعلو لي سوا بصيص من الرد سوف اجعلة نوع من المداعبة وهو كالتالي : 1- مالذي جرى ياتــــرى ...مالي لم أعد أفرفش فرحا بحقيبتي الجديدة ...وبقلمي المميز ...ومسطرتي الجميلة والتي إنتقيتها بعناية ... الجامعة لاتحتاج منكي حمل الحقائب والقلم المميز والمسطرة الجميلة بل تريد منكي عقل ينتفع بة المجتمع ماكان باالامس كان تشجيع لكي تكون بدايتك نحو نفع المجتمع ومن حولك ( راحت عليكي :p ) ---------------------------------------------------------------------------------------------------------------- 2- مالي لم أعد أقفز من سريري فرحة لأصطف في طابور الصباح مع زميلاتــي ولدي طاقه كامنة أفرغها في ابتساماتي ... لمياء الجامعة مافيها طابور صباح ;) ولانسيتي حبيت اذكرك بس ---------------------------------------------------------------------------------------------------------------- 3- مالي رغبتي في رفع يدي والصــــراخ (( أنا أستاذه أنا أبله )) قد خبا .. لوسويتي كذا في الجامعة الدكتورة ماراح تتردد انها تطردكي :4: فلتعلمي انك في الجامعة ;) ---------------------------------------------------------------------------------------------------------------- 4- مالي رغبتي في تسطير دفاتري وتجليدها قد إختفــــى ... لوشافوكي بنات الجامعة قالو عقلها صغير ويضحكون عليكي ضحك كدا :4: ويصر غضبك كدا :2: فاحسن شي انك ماتكوني مجلدتها :p --------------------------------------------------------------------------------------------------------------- 5- مالي معدلــي العالي قد تدنــــــــــى .... لمياء كيف تدني معدلك او كيف عرفتي انة بيدنا وانتي مابديتي الترم لاتحلولي تتهربي من الاجابة بسرعة :D -------------------------------------------------------------------------------------------------------------- 6- مالي الإمتياز والنجمـــــــــات بدأت تتلاشى ... لعل النجمات بدأت تتلاشي لوجود غيم في السماء ( عادي ) احمدي الله يمكن يكون هناك مطر اي خير ------------------------------------------------------------------------------------------------------------- اختى لمياء ماقمت بكتابتة كان للفرفشة والمزح والمداعبة ولكن اختصر ان اردتي ان تكوني اسيرة الامس فلن تكوني سعيدة وان كنت تقبلين الحياة في كل يوم وصباح برحب صدر ونفسية عالية وهمة فاوالذي نفسي بيدة سوف تكونين سعيدة بمشيئة الله اطردي افكار الشيطان وتوكلي على الله والله يوفقني ويوفقكم الى كل مايحبة ويرضاة ( امين ) وباااااااااااااااااااااااااااااي :37: |
|
21-09-2002, 01:55 AM | #23 |
عـضو أسـاسـي
|
أختي لمياء . سلام الله عليك ، ورحــمته ، وبركاته ..
وصباح الخيررررررررر .. * ليس عنــدى ما أضيفــــه .... إلا أن تكون جــدتك لديكــم ، أعرف أن رجيله كما تقولين : لن يسمح بذلك ... لكن حاولي فإن أبت ... خــذي صورتهـا ، وكبّـريهـا ، وضعيهـا فوق راس سريرك ، والأخرى صغّّــريهـا وضعيهـا في حقيبت كتبك مع قلمك ، وكتابك ، وسجلي صوتهـا ، وبرمجيــه على الساعــة التي تستيقضين فيهـا لذهـابك للجامعــه ، وأحملي معك نسخــة من سواليفهـا ، وحكاويهـا ، واسمعيهـا في طريقك للجامعــه .. وإن شاء الله ترين الأمور مختلفــة .. كل التحايا لك . |
|
21-09-2002, 06:05 PM | #24 |
عـضو أسـاسـي
|
أمسينا وأمسى الملك لله ...........ياربي ماتصدقون من الساعه ثمان الصبح وأنا على رجل إلييييييييييييييييييييييين وحده ونصف .....تعبت هه هه هه هه هه أحس جسمي متكسر بس يالله في سبيل اللــــــــــــــه
أستاذ سليمـــــــــــان تشرفني إطلالتك الكـــريمة وترى جدتـــي يا أستاذ تسلم عليك وتقول لك وش فيك علي ياكافي مسلـط بنت بنتي تراها غثتني شفلها صرفة غيري :D ............ ياحبيــــــــــلها جدتـــــــــــي تراها والله تمون ..... وبالنسبة لعســـــــــــول يعني لازم تفشلين :D بعدين في شئ إسمــه مقايس .. قاس يقيس الأمــــــــــــور قياسا :) إقعد توني أدري إني رهيبة في النحــــو.. المهــــــــــــــــــم يالدافــــــــورة يا أساهير إنتي و أبو الشباب وجـــوري علموني وش صار عليكــــم ولا لاهين في الإختبارات<----------------وحده ماعندها سالفه :D |
|
22-09-2002, 02:57 AM | #25 |
عضـو مُـبـدع
|
اشلونك لمياء .. عساك بخير ويّا الجامعه:confused: ؟
عزيزتي لمياء .. ترى الجامعه حلوه بالجمعه مع صديقاتك وبكذا كل شئ يهون:D لكن اللي مثلي ياحساااااااااافه اللي نقلت واللي تزوجت واللي.... خليها على الله. وبصراحه الاعضاء ماقصروا .. الله يعطيهم العافيه كلامهم اكيد جاب معاك نتيجه (ولااااااااااا باقي مزرقنه معاك ؟:3: ) وبخصوص المعدل !! شدي حيلك يعني تراه بسهوله ينخفض ويالله يااااااااااالله يرتفع ....:( أنا جبت بالسنه الاولى 1,2 (منخفض طبعا:D ) بس شئ طبيعي (تصريفه:p ) لا جد عادي لان نظام الجامعه جديد عليك .. بس الحمد لله شديت حيلي وحاولت ارفعه قد مااقدر والحين صار 2,9 يعني 3 وقدرت اقدم بالسنه الخامسه .. لان اقل من 1,5 ماتدخل السنه الخامسه (الا اذا كان بدها تدفع مصاري:3: ) اشلون قلبك الحين على كراسيه ولا؟ لمياء .. ازا بتحتاجي أيّا شي ماتخجلي طيب ؟ أنا بالخدمه:) محبتك الجـــــوري. |
|
22-09-2002, 07:00 AM | #28 |
عضـو مُـبـدع
|
جاء دوري بالرد عليتس يابنت الاجواد,,,,,,,,,
شفتي وضع واهمه تراني مثلها واكثر كنت مريضة ومتزوجة وعندي طفل وخلال الدراسة فكرت بالانسحاب اكثر من مرة والكل من اهلي عارضني على قولتهم حديدن سهل وتخلصين هذا الكلام من اول ما دخلت وهو حديدن سهل الى ان تخرجت من القسم اللي انت فيه مع العلم انه له متطلبات وغثى لا يعد ولا يحصى ,,,,,,,,,,,,لكن الله هونها علي لانه عارف بالنيه ما دخلت الجامعه عشان مسخرة ولا تسلية وانا اعرف انك موكذا بس المسالة يبيلها صبر وانشاء الله حديدن سهل راح القليل وما بقى الا كثير قصدي الشوي:32: وحدة نذلة انا توني مخلصة من قرف الجامعه:28: |
|
22-09-2002, 06:42 PM | #29 |
عـضو أسـاسـي
|
هـــــــلا جــــــوري
الجــــــامعة تمـــــــــام الجــــامعة تهبــــل أحد قال غير كذا .. الجـــامعة أم إذا أعددتــــها ....كجلمود صخر حطــه السيل من علي :D جوري غريبه ماشوتوك من الكلية لأنهم زي مايقولون ...لاحظي سمعت يعني إللي يجيب معدل أقل من اثنين يسطحونه لبيتهم :confused: خصوصا أول سنة ((بس تصدقي بالله إنك ريحتيني يا حرمه وكمـــان ريحتيني ودحين أقدر أكبّر الوسادة على كيفي .......;) )) أما الخياله أعيد وأكرر اللي يشوف مصيبة غيره تهون مصيبته أنا بأفهم وشلون كنتي تطبخين الغداء وتكوين وتدارين زوجك وولدك وإنتي تدرسين .........بالله وشلون علميني عشان نستفيد لين صار شئ ولا شئ ;) :D بعدين يا خياله أنا عارفه إن مابقالي إلا شوي بس بقالي ثلاث سنوات ونصف يابلاش ..:3: :3: أما البتـــــــار الله يارب ياكريم لا يحرمنا من دعواتك ويرد لك الله بمثلها وأحسن منها ....:) |
|
22-09-2002, 10:31 PM | #30 |
( عضو دائم ولديه حصانه )
|
انا هنااااااااااااااااااااااااااااااا
السلام عليكم
اولا لمياء انتي وش حطيتي في انشودة طائر النورس؟؟؟؟؟ شيماء كل شوي تجيني نولس نولس تبغاني اشغلها واذا شغلتها قامت تصفق وكل يوم علىهالحال مدري يعني لو ما تسمعها وش يصير على فكرة تراها تسلم عليك وصتني وحرصتني تقول سلم لي على جدتي لمياء ثانيا انا لو قلت لكم السبب اللي خلاني انسحب من كلية العلوم الطبية يمكن تقولون زي ما قالو اغلب اخوياي مجنووووووووووووووون انا تركتها ببساطة لاني دخلتها بدون رغبة حسيت اني ادرس شي ما ابغاه اساق الى الكلية سوقا وادخل القاعة مثل مايدخل السجين سجنه ،، حتى اللي يعرفني في الثانوي يقول مستحيل هذا خالد اللي نعرفه لكن على العموم قررت وقتها اني اترك الكلية وابحث عن نفسي في مجال احبه وارتاح له مع ان الضغوط الاجتماعية علي كانت قاااااااااسية لابعد الحدود ومع هذا اخذت القرار وما سمعت كلام الناس ... وتقولين لا مجال للمخاطرة والحين على الاقل في تخصص كمبيوتر يعني شي احب اني ادرسه مو تشريح واعضاء وكيماء حيويه يووووووووه لا تذكروني بس حتى اللغة الانجليزية درستها في الكلية احس انها صععععبه لكن الحين لاني مرتاح للتخصص اسولف مع الدكتور وانكت واجي عنده واقدم نفسي مسز ماريا اما بالنسبة لتأمين المستقبل يا لمياء فانا لي راي مختلف لكن ما ودي ادخله في موضوعك عشان كذا باكتبه في موضوع خاص انتظريه وانا بانتظر رايك وراي كل الاعضاء فيه الله يجعل ايامكم كلها امل وفرح وسعادة وابتسام ونجااااح امين صوت الشباب :) :) :) :) |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|