|
|
||||||||||
ملتقى أصحاب الإكتئاب أكره مرض الإكتئاب بنفس القدر الذي أحب به مريض الإكتئاب .. فهو أرق الناس وأصفاهم وأصدقهم .. و من لا يدمع قلبه حين يعايش مريض الإكتئاب ، فإن قلبه من حجر ، أو أشد قسوة " |
|
أدوات الموضوع |
30-04-2011, 01:28 AM | #47 |
عضو فعال
|
لا حول ولا قوة الا بالله و كيف هالشي صار و وين ........ الله يعينج اختي و سامحيني و الله يجيرك في مصيبتج بس هالبذئب كيف قدر يوصلج و ين كنتي .... لا حول ولا قوة الا بالله
|
|
30-04-2011, 02:56 AM | #48 | |
عضو نشط
|
اقتباس:
اختي لدي امل انا اقرا كلامج واحس كني مخنوق من الألم اختي اذكري الله وتمالكي اعصابج والله كلنا اهنيه نهتم بأمرج ومانرضا عليج 00 انا ماادري شلون صار هاذا الشي لج ولا مطلوب منج شرح الحادثه 0 بس اتمنا تشوفين دكتورج المعالج بقرب فرصه يشرحلج الحلول وشلون تتصرفين معا هالوضع 00 اختي ادري ان المصيبه كبيره عليج بس تصرفي بحكمه وشوفي الدكتور او دكتوره تثقين فيها وراح تهون بعض الامور بأذن الله |
|
|
30-04-2011, 03:35 AM | #49 |
عضـو مُـبـدع
|
للحين جسديا متألمة ووووو وما اقدر اقعد إلا ببطء وووووو وحابسه روحي لفترات طويلة بالغرفة عشان لا يحس بالذات الوالد ولا اخوي بشي
تعبانه شوي وخدرانه كأني بحلم شوي أذيت روحي بعد بطريقة... قلت لعل وعسى ارتاح احس اني مثل العاهرة في كلمة بس ماني قايلتها بتفهما نقولها بالكويتي احس اني دبلات القبح من العاهرة واخس من احقر واقذر شي بالعالم الوم روحي... من كثر ما احس اني ازباله احس ما استاهل اعيش ولا استاهل بعد نفس انا السبب كان مفروض انتبه واتنبأ يمكن كان ممكن امنع هالشي او يمكن ما دافعت عن نفسي كفاية او او او احس استاهل العقاب وصلت فيني من كثر ما متضايقه فكرت اقول (كفكرة بس) يا فلانه تعالي انا استاهل العقاب جد ما استاهل اعيش طبعا غلط بس ركزوا اهيا بس فكرة الانسان لو شنو كان ما يتوقع بس صداقة 9 سنين بتتمادى ابداً وتوصل للمستوى هذا وتخيلوا كان شخص ببيتي لمن ابوي امي طالعين واخوي نومه عميق وبسابع نومه وفوق هذا بنت بس عظمها عريض ووايد اقوى مني يعني كمثال ايدها كبر ايد ريال او اكبر من بعض ايدين الرياييل اهيا عظمها عريض خلقة الله .... لا ورفيجتي من 9 سنين اشلون الناس توصل فيهم للمستوى هذا وين راحت البنت اللي كنت مصادقتها مادري... كأن شخص ثاني في جسم بنت ويــــــــــــــن الضمير والاحساس ضاعت البنت اللي كنت مصادقتها... أنا مو نتفه وصغيرونه حيل بس ما قدرت اهيا اقوى مني وطبعا كنت خايفه اصارخ ولا شي او اخلها اهيا تعصب يعني لدرجة بحيث اخوي من نومه الثقيل يقعد من النوم وبيلوموني أناااااااااااا ومحد بيحس فيني ولا بيتعاطف معاي وبعيش حياة فيها ألمين من الموقف ألم الموقف نفسه وألم موقف أهلي.... بيفهم الموقف بالمقلوب وعنف مادري كأنه أحد معلمها وبكل برود تقول ترى كأنه عليج دورتج بس من الالم والاحساس بأن بيغمى علي جــــــد ودايخه والدم كأني لا اسمع ولا احس بس أبي ألملم نفسي واختلي بروحي بحمامي تكرمون مكان الجريمة....كان نفسي اقول يا غبية ياللي ملا عندج احساس هذا الدم انتي سببتيه احس الموقف صعب ينفهم... وشي لا يصدق بس انا ما اجذب ومو مستوعبه وصلت فيها للدرجة هذه انا مو مستوعبه اكيد في شي صار لها هالسنة خلاها تتغير وتنقلب وأزيد هذه نفس الانسانه اللي اكثر من ساعدني وساندني بهالسنين حتى لمن كنت بالتنويم كانت تزورني وتواسيني بس هالسنة في تحول وتغيير كأنها مو انسان ولا في ضمير شنوووووووووووووو صار بس انا مو فاهمه وبغيت اوصلها اطردها من البيت بالاجبار بس اهلها قالوا احنا بنمرج لأن بيتهم قاعدين يغيرون فيه من اضافات وتغييرات وفي اماكن بدون درايش وغير امن واهنا طلعوا مطعم وبما انه يدرون اني صديقتها من زمان والمعترف عليه بيتي كان مفتوح لها علطول قالوا بنمرج 11 او 11 ونص وهالموقف صار يمكن الساعة 8 ونص او 9 وانجبر اتحملها بدون لا احد يحس لا اهلها في اني اوصلها للبيت من غير ما يكون آمن او اني اعلمها درس بعد ما وصلوا اهلي البيت بعد بفترة قصيرة ولا اطردها جدام البيت شنو بيقولون اهلي والوالد الشكوك لاقصى حد قاعدة وايديني مربوطة!!! ولمن وصلوا اهلها اضطر امثل جدام الوالدة انا احنا للحين صديقات العمر وعشرة كأن ما حصل شيء بغيت اموت ضاغطة على نفسي وارتحت شوي بس مشت ولا تدق وترجع على اساس ناسيه شي عندي نفسي انتفها تنتيف وامسحها بالارض وبعدين بعدها اليوم الصبح وامس دزت مسج يا فلانه احاتيج...وتتصل وتتصل وما أرد وبعدين تقولي بمسج ابي نروح دكتور اعرفه معاج يفحص بالسر نتطمن عشان الجرح يلتئم بدون مشاكل قبل لا نكرر العملية عشان لا تتأذين وتتعورين!!!!!!!!!!!!!!!!!!!!!!!! نعم!!!!!!!!!!!!!!!!!!!!!!1 شنو!!!!!!!!!!!!!!!!!!!! انا عيوني عمياء ولا اقرأ صح ولا بحلم ولا شنو بالضبط مااااااااااااااااااااااااااااااااااااااااااااااااا اااااااااااادري مخي بيوقف عن العمل وما اجذب بأي كلمة وموقف اكيد لكم غريب ولي غريب واحس في احد بيتهمني بشي وقلتها انتي شاذة...تقولي لا بغيت اعرف انا شاذة ولا لأ لأن على بالي من فترة.... قلتلها بعصبية وحضرتج وصلتي لنتيجة؟؟؟!! قالتلي لأ بغيت وقت اطول بس خفت امج وابوج يردون البيت مبجر وامج تدخل غرفتج ابي استكشف بعد..... قالتلي هالكلام للحين بغرفتي وباقي وقت على ما يوصلون اهلها وما اقدر اتخذ موقف واهجم عليها لان وقتها اهلي وصلوا البيت ومسكت نفسي بس عشان ما ابي زياااااااااادة دبلات مشاكل... اهم شي عندي اطلعهل من بيتي بهدوء عشان لا أحد يحس بشي عشان اريح راسي وما اتعب الضعف من الموقف اللي بيتخذ والكلام اللي بسمعه بالذات من الوالد الشكوك دوما والخطوة الثانية بالسر اتعامل مع الموضوع مع الدكتور جاسم بالسر وموعدي اللياي الثلاثاء كاملة بسرداب وعنده خطة معينة متعلقة بسرداب اللي قبل هالموضوع كان معذبني والسرداب لا المكان ولا الوقت المناسب اقوله الشيء لمن عنده خطة للسرداب ومو بس يكون كلام عادي بحيث اتخطى خوف ومشكلة السرداب المتعلقة بالتحرشات الماضية فانشالله القى طريقة اكلمه شخصيا قبل يوم الثلاثاء |
|
30-04-2011, 04:36 AM | #52 |
عضو نشط
|
انا مصدقج 0 لانه فيه ناس فعلن تلاحض مرضنا النفسي او بين قوسين ( الضعف النفسي ) اللي احنا فيه
ويوصل الضعف النفسي فينا ان مانقدر ندافع عن انفسنا وعن حقوقنا 00 وفيه ناس مرضا تلاحض هالشي في المريض النفسي وتستقله 00 في ناس تتعدي علي المريض بالكلام الجارح وفي ناس تقط نغزات ترفع الضغط وفيه ناس تأذي جسديا 00 وانتي صديقتج للأسف استقلت الضعف اللي انتي فيه واذتج جسديا وانتي بنفسيه ماتقدرين تدافعين عن نفسج 0 اتمنا تفكرين برجوعج للعلاج بالادويه النفسيه حتا ترجع لج الثقه شوي بنفسج وتقدرين تردعين صاحبتج احب اسميها عدوتج لانها عدوه مو صاحبه 0 فكري بالموضوع عدل اليوم السبت تقدرين تراجعين دكتور خاص اذا مزانيتج تسمح 00 وعندج عصام الانصاري ولا عبدالله غلوم كلهم فيهم الخير والبركه 00 نصيحه من اخو |
|
30-04-2011, 04:55 AM | #53 |
عضـو مُـبـدع
|
اشكرك اخوي من قلب لأن احس محد واقف معاي
الادوية اولا الوالد رافضها بكل قوة عنده تماما وممنوعه علي منه فحتى لو ميزانيتي تسمح اللي ابوي يقدر عليها ماديا بش ما يثق فيهم يقول هذوا استغلاليين وبس او اذا بغيت ارجع للحكومي لو بغيت وانا ارفضها لأن الادوية مع كثرها وايد جربت ما فادتني وما عطتني الاحساس اللي تتكلم عنه كثقة واكره هالمستشفى لأسباب وايدة وعهدت نفسي ماني مقربة صوبها شكراً أخوي |
|
30-04-2011, 05:00 AM | #54 |
عضو نشط
|
الدكتور عصام الانصاري انا اعالج عنده دكتور شاطر جدا وكبير بالسن ويهتم بالمريض حيييل دوامه من السبت الي الخميس من الساعه 8 ونص الصبح الي 12 الظهر 0 والمساء 0 من الساعه 4 ونص العصر الي 8 ليلا 0
وعلي فكره استراحة النساء بروح والرجال بروح يعني امان وخصوصيه للمرضا اتمنا اذا تعبانه لازم تشوفينه وتقوليله كل شي عنج تعامله احسن واريح من مستشفي الطب النفسي |
|
30-04-2011, 05:02 AM | #55 |
عضومجلس إدارة في نفساني
حـلم واقعـــــى
|
سؤالى انا ما قلت شئ سؤال ياإيه يا لا ..وعلى العموم منتى حابه تجاوبى عادى ..
|
|
30-04-2011, 05:08 AM | #56 |
عضـو مُـبـدع
|
عايشه الاجابه
بنت أخوي الحزين انا اسفة بس ارفض الادوية....ومن ناحية شخص اكلمه اشفيه الدكتور جاسم عمره ما قصر معاي وهمن شاطر بس المشكلة احنا بالويكند والدوام يبدأ الاحد يعني لازم انطر الاحد اشوف الوضع |
|
30-04-2011, 05:10 AM | #57 | |
عضو نشط
|
اقتباس:
انا معاج والله الادويه اتمنا تكون اخر حل بس احس الموقف الي مريتي فيه صعب 00 بقولج شغله انا رجل واكبر منج بالسن واذكر وضعي قبل الادويه مااقدر انكر اني كنت ضعيف وهش مااقدر ادافع عن حقي هاذي الحقيقه مابي الف وادور وادري الادويه لها اثار جانبيه مزعجه بس ماانكر انها منها فايده كثيره 00 وانتي بنت وضعج اصعب اتمنا تفكرين بالموضوع قولي حق امج انج تعبانه ومحتاجه تشوفين دكتور خاص جربي ترا تعاملهم حيل راقي ودكتور عصام مايكثر بالادويه نوع واحد من الدوا واذا كثر معاه عطاج مهدئ 00 قيسي الموضوع بينج وبين نفسج وشوفي الوضع |
|
|
30-04-2011, 05:14 AM | #58 | |
عضو نشط
|
اقتباس:
خلاص اذا قادره تنطرين لي يوم الاحد خير وبركه واسألي الدكتور جاسم اذا كنت بحاجه لدواء ولا لا واذكري الله كثييير وربي بيفرجها ان شاء الله |
|
|
30-04-2011, 05:17 AM | #59 |
عضـو مُـبـدع
|
ابوي ممكن يكون جداً حازم ومافي بالموضوع محاولات اقناع اهوه رافض يسمحلي بالادوية
وامي ما تدخل بشي ابوي يرفضه مالها اي سلطة تسكت إلا ما ندر تتكلم ضده لو كان فعلا شاد بالموضوع وافض صارت عندنا هوشه كبيرة على الموضوع وقفل واذا قلت بالموضوع خاص بيعصب اكثر لأنه ما يثق فيهم يعني ليش اتعب نفسي بالتفكير اصلا انا مو مثلك....انا مو متزوجة وعايشه تحت سقف بيت اهلي مو كل شي بكيفي وشنو انا ابي واشوف مستوى الحرية بالقرارات يختلف... في اشياء احارب حقها وارفض ارضى بلأ مثل يقولي ما ابيج تروحين لأي علاج نفسي بس ما اقبل... لا ادوية ولا علاج ولا مساندة ولوم منه وبس اشلون بعيش انا ابي اللي يطلعني من المشكلة |
|
30-04-2011, 05:30 AM | #60 | |
عضو نشط
|
اقتباس:
صدقيني اذا انتي تعبانه ومقتنعه بحاجه لدواء كلمي ابوج وشوفي الفرصه اللي يكون بروحه قاعد بالبيت بوسي راسه وقوليله انج تعبانه وبحاجه للعلاج قوليها له بصدق وان شاء الله ماراح يخليج وبيوديج بنفسه للدكتور او يسمحلج تروحين جربي لاتعصبين او تنرفزين عليه لو شنو ماقال قوليله انج تعبانه وبحاله مايعلم فيها الا الله والله ماراح يخليج هاذا ابوج وانتي بنته واكيد يبي مصلحتج جربي وشوفي مافيه احد يحبنا كثر امنا وابونا لا اخو لا صديق صدقيني بس كلميه بروحه انتي وياه |
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|