التنويم لـ مستشفى الامل الصحه النفسيه

التنويم لـ مستشفى الامل الصحه النفسيه

عطوني اراكم والي مجرب


كيف تعاملهم

سجن ولا وش الوضع


تنصحوني فيه او لا

المصدر: نفساني

مو سجن لكن اقرب شي له دار الملاحظه اما اذا كنت مريض ذهان وتسبب الخطر لنفسك ولاهلك ومن حولك فأرتاح فيه افضل لك ولغيرك وباذن الله ماتشوف شر وعوق ...

الناس يختلفون في تقييمهم لمستشفى الأمل أنا من ناحيتي أعتبره مثل نظام السجن غيري يعتبره حلقة وصل لبداية حياة جديدة و بعضهم له رأي ثاني و ثالث و رابع

يعني أنا أشوف ناس منومين مستانسين يلعبون بلوت و يشاركون إجتماعيا و يآخذون و يعطون ما تقول فيهم شي بس لو دخلت بأغوارهم و أمورهم النفسيه و الحياتيه و الإجتماعيه خارج المستشفى تلقى ما تلقي عليه العجب العجاب

الله ياقاك و يحميك و يحرسك

نظام المستشفى إنهم يعطونك أدويه تقوم على رجليك في المستشفى ثم إذا طلعت تآكل خابور هذي الأدويه ما راح تصرف لك و على حسب حظك مع الدكتور تطيح بدكتور دكتور و الا دكتور ديكتاتوري

لأن من ضمن الأدويه أدويه عبارة عن إبر ينفخون أردافك تنفاخ حتى ما تصير تنام على ظهرك من قوتها

ما أقول الا الله المستعان و نعم المعان

نصيحة لينفذ كل شخص بجلده و يهرب و ينحاش من مستشفى الأمل

هو مستشفى الأمل لكن أنا أسميه بحكم خبرتي القليله فيه و تنويمي فيه ثلاث مرات أو أربع ما أدري ثم بعد ذلك صرت أوقع أوراق يعطونها لي إني كفيل عن نفسي بأي أذى يصبح لي لكي أبرئ ذممهم من وقوع أي أذى بنفسي أو الآخرين فهو ليس بمستشفى بمعنى مستشفى يطلب الإنسان فيه الإستشفاء بالله ثم يلقى منه الأمل بالشفاء فيه لأن المرض النفسي بخبرتي مزمن و ليس مثل الجرح البسيط يلتئم

بعد في شغله إنك ما تطلع من المستشفى إلا واحد يكفلك لو أخوك لو أبوك أهم شيء واحد من أسرتك و حط في بالك ما جاك الكفيل فبتخيس بالمستشفى خياس

و حط في بالك غرفة العزل لو أي أمر خالفت فيه قوانين المستشفى أو صدر منك ما يزعج المرضى أو الممرضين أو الدكتور الذي تتعالج عنده فهذا مصيرك ( غرفة عزل يربطونك في غرفة مضاءة على وجهك و يعميك النور تبغى تدحرج يمين يسار ما تقدر تقوم تقول دابة مكبلة تكبيل تبغى الخلاص ما تقدر تخلص نفسها و لا غيرها يخلصها حتى يطيحون الحب اللي في راسك )

نصيحه إنفذ بجلدك منهم ما وراهم الا الشقى

يا ما دخلوه ناس و ندموا ان الحال وداهم لهذا المستشفى
و ياما ناس دخلوه و تغيرت حياتهم للأفضل بتوفيق الله ثم بالعزيمه و الإصرار و قوة الإرادة
و ياما ناس و ياما ناس و ياما .......

و إذا مرضت فهو يشفين