|
|
|
 |
|
 |
||||||||
|
||||||||||
 |
 |
 |
||||||||
| الملتقى العام لكل القضايا المتفرقة وسائر الموضوعات التي لا تندرج تحت أي من التصنيفات الموجودة |
 |
|
|
أدوات الموضوع |
18-01-2006, 08:49 PM
|
#1 | ||||
|
عضو جديد
|
موضوع استفدت منه جدا في حياتي ( 1/7 )
هذا الموضوع انا قرأته من مده واستفدت منه جداً في حياتي
واحب أعرضه على غيري ... للفائدة وسيكون عرضه على سبع مراحل فأرجو قراءته بتركيز وتمعن ومتابعة السبع مراحل وتطبيقها مرحلة بمرحلة وأتمنى أن يكون له صدى في حياة من يقرأه *********** بسم الله الرحمن الرحيم ريشة فى مهب الريح في يوم من الأيام.. مرت علي لحظة لا أنساها أبدا.. كنت في مرحلة مابعد الجامعة خلصت الدراسة.. و انتقلت لمرحلة جديدة في حياتي و في يوم لقيت نفسي في غرفتي لوحدي.. و خطر في بالي.. سؤال اول مرة اسأله لنفسي... انا اتخلقت ليه؟.. انا باعمل ايه في هذي الدنيا ؟ فكرت كتير.. و حاولت الاقي اجابة.. و لكن.. عجزت.. فبكيت.. لا أنسى هذه اللحظة أبدا.. كنت زي ناس كتير.. عايش .. ريشة في مهب الريح.. لا أدري لم خلقت.. ليس لي هدف في الحياة غير اني أخلص سبق الخيل اللي انا فيه.. الدراسة.. عشان كده لما حاولت اتخيل ماذا بعد الدراسة.. مالقيت حاجة... لقيت هوة عميقة.. فراغ.. انا رايح فين؟.. مش عارف.. من يومها بدأت ابحث.. و سبحان الله.. متمثل لي هذه اللحظة قول النبي للصحابة رضوان الله عليهم : "تجدون على الخير أعوانا.. ولا يجدون على الخير أعوانا" كم كان الطريق طويل و صعب.. كم يستمر الواحد يتخبط كثيرا لغاية ما يوصل للي كان بيبحث عنه.. بالرغم من انه كان قدامه.. ايه اللي كنت بادور عليه؟؟؟ و ايه اللي كان متعبني؟؟؟ اللي كان متعبني اني عايش.. مش حي جسمي بيتحرك.. عايش. ماشي في الدنيا.. لكن الروح.. مخنوقة.. بتحتضر.. مش لاقية اللي يحييها.. و ساعتها .. حمدت الله.. و حزنت على ما مضى.. قلت ياريتني أيامها كنت عرفت اللي انا اعرفه اليوم.. ياريت السنين الطويلة اللي فاتت من عمري دي كانت لله.. ياريتيني قدرت اعمل حاجة يرضى بها الله عني.. لكن بعد شوية.. قلت لنفسي.. اذا كان كان الطريق أخد مني سنين.. و انا مازلت على الطريق.. و اذا كان الزمن لايرجع إلى الوراء.... ليه ما اوفر على غيري الوقت و المجهود.. ليه ما اشرك غيري معايا في الرحلة اللي مشيتها.. رحلة ممكن تغير حياتك كلها.. الى الأبد.. رحلة.. تتعلم منها كيف تبقى "حي".. مش "عايش".. ماهو الفرق؟؟ الحي عايش.. و العايش حي.. لا غير ممكن.. من ذاق عرف.. لن تعرف معنى الحياة الا لما تحيا.. فيه ناس ممكن تكتب مجلدات في وصف طعم العسل.. لكن هل هدا يغنيك عن انك تدوق طعمه بنفسك؟.. عشان كده مهما كلمتك عن الحياة.. لن تستوعبها إلا لما تجربها.. و لكن ممكن اقربلك الصورة باني اوصفلك الأستاذ "عايش" وضعه ايه بالضبط.. هل تعرف الأستاذ عايش؟؟ الأستاذ عايش ..: تصرفاته كلها ردود أفعال..اي مشكلة تحصل..على طول يدور على اقرب شماعة عشان يعلق عليها المشكلة يرمي المسئولية على أهله..على مدرسيه او دكاترة الجامعة..على جيرانه..على أصحابه.. أو على الحكومة.. المهم أي حد غيره.. لأن الأستاذ عايش يا عيني.. دايما ضحية.. الدنيا ملطشة معاه.. الأستاذ عايش بيهرب من أي مسئولية فراره من الأسد.. عايش.. مقضيها بالطول و العرض.. يجوع.. ياكل.. أحد يزعقله.. يزعقله هو كمان.. عاوز يعمل اي حاجة في اي وقت.. حتى لو عارف انها غلط. بيعملها.. كفاية انه يبغى يعملها.. و الأستاذ عايش..: عايش بظروفها لغاية ماتفرج.. ماعنده خطة ..بيتجنب الأهداف بأي ثمن.. ما بفكر في بكرة نهائيا.. و ليه يفكر في بكرة؟ يا عم عييييش حياتك.. هو احنا هانعيش كم مرة؟ و الأستاذ عايش .. أكتر حاجة يكرهها في حياته هي " لا تؤجل عمل اليوم إلى الغد " عشان كده دايما بيؤجل عمل اليوم الى السنة الجاية.. بعد ما يخلص فرجة على الفيلم اللي شافه مليون مرة قبل كده.. و يخلص المسلسل بتاع الساعة 8 ابو 35 حلقة.. و بالمرة كمان يخلص المسلسل المدبلج ابو 3000 حلقةو يقضي السهرة على الإنترنت او التليفون أو على القهوة.. و طبعا.. صلاة يوك.. قرآن يوك.. إسلام مافي معلوم.. و الأستاذ عايش.. : .. مبدأه "أنا و من بعدي الطوفان"..يا إما "علي و على أعدائي".. و كرسي في الكلوب.. ده احنا عايشين في غابة يابا.. انا ادي معلومة فهمتها لزميلي في الفصل او المدرج؟؟ انا اتعب و الخص الدرس او المحاضرة و اديها له ع الجاهز كده؟؟ ليه ان شاء الله؟.. انا تعبان فيها.. و الأستاذ عايش..: مؤمن تماما انه اتخلق بفم و لسان.. عشان كده لازم يستخدمهم.. لازم هو اللي يتكلم الأول.. خدوهم بالصوت..: مبدأه.. اني احكي اللي عندي كله الأول و ما أعطي فرصة لأحد يتكلم.. و بعد ما اخلص.. اعمل نفسي باسمعه و خلاص.. و الأستاذ عايش.. مؤمن تماما ان العمل الجماعي تبع العالم اللي عقلهم و مستواهم على قدهم.. أما العالم العباقرة اللي زيه ما يعرفوا يشتغلوا غير لوحدهم.. ليه يساعدوا غيرهم اساسا؟؟ و الأستاذ عايش..: مش فاضي.. ماعندو وقت يذاكر ماعندو وقت يطور نفسه.. ماعندو وقت يقرا كتاب جديد... الأستاذ عايش..:.. مشروع كارثة انسانية.... الأستاذ حى أما الأستاذ حي.... الأستاذ حي هو انت.. لو مشيت معانا في رحلتنا.. و طبقت اللي هانعمله سوا.. هل الموضوع شكله بعيد أو زي مايكون شطحة مبالغ فيها؟ ناس كتير قابلتهم و كانوا في الأول مقلقين شوية.. و مش مقتنعين بهذا الكلام.. و لكن مع الوقت..لما مشوا في الطريق.. أصبحوا في حالة انبهار تام من اللي قدروا يحققوه فعلا.. والآن جاء دورك.. تعيش معانا التجربة دي.. تعيش معانا الرحلة دي.. رحلة التغيير رحلة.. أوعدك انها بإذن الله.. هاتغير حياتك.. النجاح.. و السعادة.. مش صدف بتحصل في حياة بعض الناس..و مابتحصل في حياة ناس تانيين.. و لكن.. النجاح.. و السعادة.. والحياة الطيبة..ما هي الا نتائج طبيعية و متوقعة لمقدمات واضحة و خطوات احنا بنقوم بها بأنفسنا.. خطوات هانتعلمها سوا.. عشان اثبتلك ان النجاح و السعادة.. ليسا صدفة.. بل أصبح النجاح فن و علم في زماننا.. و لكن للأسف.. ابرز من كتب في هذا العلم ناس من الغرب.. و احنا أخدنا منهم هذا العلم و ترجمناه زي ما هو.. قليلين اللي حاولوا انهم يردوا المفاهيم اللي فيه الى أصولها.. الى الإسلام.. فكانت النتيجة ان عندنا فريقين.. فريق بيركز على ان النجاح هو ان الواحد يكون متدين و ملتزم في عباداته.. و بس.. و فريق بيتكلم عن النجاح في العمل و الحياة و المجتمع.. بعيدا عن الدين.. بدون ربط الحياة بهدف أسمى .. و هو ارضاء الله.. و خلافة الله في الأرض.. فيه ناس كانوا سباقين في انهم حاولوا يوصلوا لرؤية أكبر بانهم يجمعوا الإتنين.. فكان من الرواد في الموضوع ده الشيخ "محمد الغزالي" .. لما قرا كتاب "ديل كارنيجي" – "دع القلق و ابدأ الحياة" .. و بدأ الشيخ يرد المعاني في هذا الكتاب الى الأصل عندنا و هو الإسلام..في كتاب "جدد حياتك " ترى من كان أنجح؟.. الشيخ الغزالي.. أم ديل كارنيجي؟.. لنعرف اجابة هذا السؤال.. دعنا نلقي نظرة على خاتمة كل منهما.. ديل كارنيجي الذي ملء العالم بكتبه عن السعادة و النجاح..مات منتحراً والشيخ الغزالي.. الذي أخذ هذه المفاهيم و وضعها في اطار رسالة أكبر.. هي رسالة الإسلام.. الشيخ الغزالي ختم الله له حياته بختام نحسبه شهادة. ولا نزكيه على الله.. شتان بين الخاتمتين.. و شتان بين الرسالتين.. أن تنجح لذاتك.. و أن تنجح.. لله.. تابعوني علشان نعرف كيف يغيرون ما بأنفسهم حتى يغيروا ما بأنفسهم و هنا نقف و قفة و نسأل.. هل فعلا أقدر اغير حياتي ببساطة و بسرعة؟ ناس كتير قابلتهم بيتعجبوا من المفهوم ده.. كيف يعني الحياة حلوة و مافي مشاكل أبدا و التغيير ممكن و كل شئ بسيط!!! بيتعجبوا.. بالرغم من اني لما باتناقش معاهم بيكتشفوا ان فيه لحظات مرت عليهم في حياتهم بيسموها "نقطة تحول" تغيرت فيها حياتهم في لحظة.. جايز بسبب معلومة جديدة اتعلموها.. جايز بسبب شخص قابلوه و أثر فيهم جدا... جايز حاجات كتير.. لكن برضه.. كيف التغيير السريع بيحصل؟؟ يقول الله عز و جل " ذَلِكَ بِأَنَّ اللَّهَ لَمْ يَكُ مُغَيِّرًا نِعْمَةً أَنْعَمَهَا عَلَى قَوْمٍ حَتَّى يُغَيِّرُوا مَا بِأَنْفُسِهِمْ وَأَنَّ اللَّهَ سَمِيعٌ عَلِيمٌ (53)" الأنفال ".. إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ...(11)" الرعد التغيير الحقيقي.. بل.. التغيير الوحيد.. بيحصل داخلنا.. في الداخل.. في أنفسنا.. في أفكارنا و معتقداتنا.. احنا اللي بنتغير..فنغير العالم.. مش العكس.. كيف بدات دعوة الإسلام؟ ..النبي فرد واحد.. بدأ يدعو الناس.. 13 سنة في مكة بيصحح عقائد الناس.. أفكارهم..ماكانت صدفة أبدا.. التغيير.. يبدأ من الداخل.. من عالم الأفكار.. و بالفعل.. تمت عملية التغيير.. اتغيرت المجموعة اللي كان بيدعوها النبي .. فغير الله سبحانه و تعالى بهم الدنيا.. التاريخ تغير.. كان التاريخ شيئا قبل مبعث النبي و أصبح شيئا آخر بعد مبعثه .. تغيير الأفكار.. معقولة؟.. ماتستغرب.. بالله عليك.. ايه أسهل؟ اغير العالم من حولي؟. والا أغير الطريقة اللي انا بانظر بها الى العالم. معتقداتي و أفكاري؟.. أغير نفسي.. ماهو نفسي هي النافذة اللي بابص منها على العالم.. التغيير ممكن.. أبسط تغيير ممكن يعمل فرق شاسع.. تخيل انت وواحد صاحبك.. كل واحد سايق سيارة. و ماشيين جنب بعض بالضبط في طريقين متوازيين.. تخيل لو الطريقين بدأوا يبعدوا عن بعض بزاوية منفرجة.. و لو بمقدار عُشر درجة في البداية جايز ماتاخد بالك من الفرق.. لكن مع الوقت.. هذا التغيير البسيط مكن يخلي واحد فيكم ماشي في الشرق.. و التاني.. في الغرب.. كل هذا.. بسبب تغيير بسيط.. فكرة.. هانتعلم ازاي نغير افكارنا.. نحدث البرامج العقلية تبعنا ماهو عقل الإنسان.. لمن لا يعلم.. هو أعقد جهاز كمبيوتر على وجه الأرض.. أجهزة الكمبيوتر اللي على وجه الأرض كلها.. تعتبر لعب أطفال بدائية جدا. مقارنة بعقل الإنسان. صنعة الله.. هانمشي خطوة.. خطوة.. خطوات بسيطة.. لكن والله تغير حياتك جذريا لو نفذتها.. و التزمت.. المره الجاية سنعرف الخطوة الأولى في طريق التغيير المصدر: نفساني
|
||||
|
|
20-01-2006, 03:07 PM
|
#2 | |
|
عضو جديد
|
أول خطوة فى طريق التغيير
البداية و قبل ما نبدأ.. المطلوب تقف لحظة.. و تفكر معايا.. تخيل.. يا ترى.. ايه احساسك لو صحيت في يوم من النوم و فوجئت بمعجزة حصلت.. و ان حياتك أصبحت بالضبط زي مابتتمناها تكون؟ و انك صرت "حي".. في قمة الحياة.. تخيل اللحظة دي الآن.. ياترى.. حاتعرف من فين المعجزة دي حصلت؟.. حاتشوف ايه؟.. حاتسمع ايه؟.. حاتحس بايه داخلك؟.. ايه التغييرات اللي هاتحصل في شغلك.. او في دراستك؟.. ايه التغييرات اللي هاتحصل في علاقاتك بالناس؟.. ايه التغييرات اللي هاتحصل في حالتك المادية؟.. طيب البداية تكون من فين بالضبط؟.. قلنا محتاجين نغير افكارنا.. و عشان نغيرها.. محتاجين نفهم نقطة مهمة جدا.. اننا بنتواصل مع العالم من حوالينا عن طريق حواسنا.. هي النوافذ التي نطل منها على العالم.. السمع.. و البصر.. و اللمس.. و الذوق.. و الشم.. و لكن.. هل حواسنا هذه مطلقة.. ليس لها حدود؟.. لأ من نعم الله سبحانه و تعالى ان حواس الإنسان محدودة.. تخيل لو كنت تقدر ترى بعينك المجردة مايقدر يراه الميكروسكوب؟.. ماكنت تقدر تطيق تبنظر في وجه أحد.. لأنك سترى المسام و الجبال و الوهدان اللي في جلده بمنتهى الوضوح.. و تخيل لو كنت تقدر تسمع أصوات الإنفجارات اللي بتحصل في الشمس.. أو بتسمع في نفس اللحظة أصوات كل الناس اللي بيتكلموا على كوكب الأرض؟..و تخيل لو شامم كل الروايح اللي على الأرض في نفس اللحظة؟ و تخيل ان حاسة اللمس مش محدودة.. كان اقل لمسة تحسسك بألم شديد.. كنت لما تحب تقص شعرك.. محتاج بنج كلي.. و تروح المستشفى تعمل جراحة حلاقة .. و يبقى فيه تخصصات في كلية الطب.. طب شعر و دقن.. و دكتوراه في قص الأظافر .. محدودية الحواس نعمة من الله سبحانه و تعالى.."إنا كل شئ خلقناه بقدر".. طيب نستفيد ايه من هذا الكلام؟.. نستفيد ان الصورة اللي بنكونها في عقولنا عن العالم من حوالينا.. بنكونها عن طريق الحواس المحدودة دي.. عن طريق الشبابيك دي. فكل واحد بيكون صورة.. أو خريطة للعالم من حواليه.. عن طريق الحواس المحدودة دي.. عشان كده خرائط الناس.. او النظارات اللي لابسينها و يشاهدوا من خلالها الدنيا من حواليهم بتختلف.. من حيث الدقة.. و الصحة.. و عشان نفهم الدنيا و العالم من حوالينا صح.. محتاجين الخريطة الصحيحة..محتاجين نضارة على مقاس نظرنا..و محتاجين نتكامل مع الآخرين.. لأن ماحد فينا عنده رؤية كاملة.. احنا كبشر في الدنيا.. عاملين زي اللي بيتفرج على مباراة كورة في التلفزيون.. اللي بيكتفي بخريطته هو بس.. أو برؤيته هو بس.. مثل اللي بيتفرج على المباراة بكاميرا واحدة بس من زاوية واحدة بس .. و اللي بيحط في حساباته خرائط الآخرين.. و آرائهم.. بيتقبلها. مايقول رأيي انا الصح و بس.. هدا الرؤية عنده أشمل.. هدا اللي بيتفرج على المباراة من جميع زوايا الملعب بكل الكاميرات.. سبحان الله.. ربنا خلقنا كده.. و سبحان الله.. من عظمة الإسلام.. انه وسع اختلاف خرائط و رؤى الناس.. عشان كده شرع نظام الشورى.. عشان ماحدش يفر رأيه.. أو خريطته عن العالم على غيره.. بل يحصل عملية تكامل.. و كذلك من عظمة الإسلام انه قبل تعددية الآراء.. فأصبح عندنا 4 مذاهب بدل مذهب واحد.. 4 مذاهب كلها صحيحة.. ابقوا معايا علشان نعرف خريطتك وخريطة الآخرين |
|
|
|
|
21-01-2006, 06:35 PM
|
#3 | |
|
عضو جديد
|
خريطتك و خرائط الأخرين ..!!
المهم. بنتكلم عن ايه؟.. عن الخريطة.. ماهي الخريطة اصلا؟.. الخريطة هي رسم تخطيطي بيشرح تفاصيل أرض معينة.. أو منطقة معينة.. او شارع معين.. و عشان نوصل للهدف اللي نبغاه.. لازم الخريطة تكون صحيحة.. وإلا نضيع.. قال تعالى : وَأَنَّ هَذَا صِرَاطِي مُسْتَقِيمًا فَاتَّبِعُوهُ وَلَا تَتَّبِعُوا السُّبُلَ فَتَفَرَّقَ بِكُمْ عَنْ سَبِيلِهِ ذَلِكُمْ وَصَّاكُمْ بِهِ لَعَلَّكُمْ تَتَّقُونَ (153) ) سورة الأنعام ، الآية: 153 فتخيل لو انا في جدة.. و معايا خريطة للرياض بس انكتب عليها بالغلط "خريطة جدة تخيل حجم المعاناة .. مهما كان الواحد مثابر.. و متفائل.. و بيفكر بإيجابية.. هل جهوده هاتثمر؟؟ كل اللي هايحصل انه كل مايتعب اكتر.. كل ماهايوصل للمكان الخطأ بسرعة أكبر.. لازم نتأكد من صحة الخريطة.. نتأكد اننا شايفين الدنيا صح.. أخطر شئ.. ان الواحد يتوهم انه ماشي في الطريق الصح.. في حين انه عمال بيبعد لحظة بعد لحظة عن هدفه.. و هدا اللي حذرنا منه المولى سبحانه و تعالى.. قُلْ هَلْ نُنَبِّئُكُمْ بِالْأَخْسَرِينَ أَعْمَالًا (103) الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا (104)) سورة الكهف ، الآية : 104،105 الطريقة اللي بننظر بها الى الأشياء و الدنيا من حولنا.. هل اللي بتشكل طريقة تفكيرنا.. و بالتالي طريقة تصرفنا.. و كلما زاد وعينا لأفكارنا و خرائطنا... أو النظارات اللي بننظر من خلالها الى العالم..كلما استشعرنا مسئولية اختيارها.. و مقارنتها بالواقع.. و الإستماع الى الآخرين بصدق.. و الإنفتاح على أفكارهم و تصوراتهم للأمور.. حصلنا على صورة أوسع و روؤية موضوعية أشمل.. و هدا اللي كان النبي صلى الله عليه وسلم بيعمله.. بيوسع رؤيتنا للأشياء.. فنلاقيه صلى الله عليه و سلم يطرح على الصحابة نظرتين و الغنى.. عن أبي هريرة أن رسول الله صلى الله عليه وسلم قال : أتدرون ما المفلس قالوا: المفلس فينا من لا درهم له ولا متاع.. هدي الخريطة الموجودة عند الصحابة.. يقوم النبي صلى الله عليه وسلم يوسعلهم المفهوم .. فقال إن المفلس من أمتي يأتي يوم القيامة بصلاة وصيام وزكاة ويأتي قد شتم هذا وقذف هذا وأكل مال هذا وسفك دم هذا وضرب هذا فيعطى هذا من حسناته وهذا من حسناته فإن فنيت حسناته قبل أن يقضى ما عليه أخذ من خطاياهم فطرحت عليه ثم طرح في النار شوف الصحابة كان عندهم مفهوم متخيلين ان هو الصح.. و بس.. لكن يجي النبي يديهم نظرة أعمق للأمر.. تصحح هذا المفهوم.. الخلاصة.. ان أفكارنا ليس بالضرورة تكون صحيحة.. تعال نشوف ده واضح جدا.. في جمل من أشهر و أغبى الجمل التي قيلت على مدار التاريخ.. واللي كانت في الوقت و الزمن اللي قيلت فيه تبدو منطقية.. و صحيحة.. * "ليس هناك داعٍ لأي شخص أن يمتلك جهاز كمبيوتر في منزله" كينيت أولسن. رئيس و مؤسس شركة Digital Equipment Corporation.. قيلت عام 1977 * "الطائرات ماهي الا ألعاب مسلية و لكن ليس لها قيمة عسكرية" مارشال فرديناند فوتش، واضع استراتيجيات حربية فرنسي، و قائد القوات الفرنسية مستقبلاً في الحرب العالمية الأولى ، قيلت عام 1911 *"الإنسان لن يصل أبداً الى القمر بغض النظر عن التقدمات العلمية المستقبلية". د. لي دي فورست .. مخترع الصمام الإلكتروني المفرغ. و أبو الراديو، قيلت في 25 فبراير عام 1967 * التلفزيون لن يستطيع الحفاظ على أي قطاع بجدية بعد أول ستة أشهر . سوف يشعر الناس بالإرهاق بسرعة من التحديق في صندوق من الخشب كل ليلة" داريل اف. زانوك . رئيس شركة 20th Century Fox. قيلت في عام 1946. * "بالنسبة لمعظم الناس، استخدام التبغ له أثر مفيد" د. أبان جي. ماكدونالد. طبيب جراح من لوس انجلوس ، كما صرح في مجلة النيوز ويك عدد 18 نوفمبر 1969 * "إن هذا الإختراع المسمى بـ"الهاتف" يحتوي على الكثير جدا من العيوب بحيث لا يمكن التفكير فيه بجدية كوسيلة اتصال . هذا الجهاز لا قيمة له بالنسبة لنا" مذكرة داخلية في شركة ويسترن يونيون Western Union عام 1876 * "الأرض هي مركز الكون" بطليموس، عالم الفلك المصري العظيم في القرن الثاني. * "لم يحدث أي شئ ذو أهمية كتبها الملك الإنجليزي جورج الثالث ملك انجلترا في الرابع من يوليو 1776 يوم اعلان استقلال الولايات المتحدة. *"كل شئ يمكن اختراعه ، تم اختراعه بالفعل" شارلز اتش، دويل، مندوب الولايات المتحدة لبراءات الإختراعات في 1899. ايه رأيك في الكلام السابق؟؟ نحن الآن سنة 2006.. هل الكمبيوتر فعلا مالو لازمة في البيوت؟ هل الطيارات مجرد لعب و مالها اي قيمةعسكرية؟ هل الإنسان فعلا لن يصل للقمر أبدا؟ هل فشل التلفزيون كاختراع؟ هل التدخين مفيد للصحة؟ هل فشل التليفون كاختراع؟ هل الأرض مركز الكون؟ و هل فعلا كل شئ يمكن اختراعه تم اختراعه بالفعل؟ ماهو رأيك؟.. كلام فارغ . صح؟ طيب ما رايك ان احنا نفسنا عندنا افكار زي دي.. نكون مؤمنين بها.. و فاكرين انها حقيقية.. و هي مش صحيحة اساسا.. ماسمعت شخص قبل كده بيقول هذا الكلام : "انا فاشل اساسا.." "يا عم جامعة ايه.. يادوبك اعدي الثانوية العامة بالعافية.. هو أنا حق جامعات؟" "يا اخي مافي فايدة.. انا و ابويا لا يمكن نقدر نتفاهم ابدا"..: "دكاترة الجامعة مستقصديني عشان كده درجاتي مش كويسة".. "أنا اخس؟.. بتهرج.. دي وراثة يا استاذ.. عيلتنا كلها فاميلي سايز و الحمد لله"..: "وظيفة ايه يا عمي.. دي البلد ماشية كلها بالكوسة.. هو في أحد بيشغل أحد اليومين دول؟" كل هذه مفاهيم و قناعات مش صحيحة اساسا.. كل هذه خرائط مش متخرطة كويس .. و لكن لأن أصحابها مقتنعين بها.. أصبحت زي القيد في رقابهم. سدود و حدود بتعوقهم.. فيه مثل عندنا بيقول : "اللي يخاف من العفريت .. يطلعله".. القناعات و المعتقدات ماشية زي المثل ده بالضبط.. لو كنت مقتنع بمفهوم معين.. تأكد انه لا شعوريا حاتعمل المستحيل عشان تحول القناعة دي لحقيقة.. يعني اللي مقتنع انه فاشل في دراسته.. حايعمل المستحيل عشان يثبت انه فاشل.. و اللي مقتنع انه لا يمكن يتفاهم مع والده مثلا.. لا شعوريا.. حايلاقي تصرفاته كلها بتسعى لزيادة الفرقة و الخلاف بينه و بين والده.. زي ماقلنا.. القناعات دي.. أو "الخرائط".. زي النظارات.. اللي مقتنع بمفهوم غير صحيح أو ناقص عن نفسه.. أو عن الدنيا من حواليه.. بالضبط زي واحد مقاس نظره 3/6 و لابس نظارة مقاس 5/6.. نظارة غلط.. فطبعا شايف كل حاجة غلط.. بس يظن انها صح.. لكن لو لابس نظارة صح.. حاتلاقي الدنيا بتتغير تماما.. الأخ اللي مقتنع انه مستحيل يتفاهم مع والده وبيبرر هدا لنفسه باختلاف السن و الثقافة و التعليم.. لو غير القناعة دي و اقتنع انه من واجبه من باب بر الأبوين ان هو اللي يحاول يشيل الحواجز بينه و بين و الده.. و ان والده اكيد أكتر واحد بيحبه في الدنيا .. و يقعد يشوف هو عمل ايه في حياته عشانه و قد ايه تعب عشانه.. يلاقي ان والده مش واخد منه موقف.. و لكن هو اللي مش مديله فرصة.. أو مش راضي ياخد بايده و يساعده عشان يقدروا يتفاهموا سوا.. و الطالب اللي مقتنع انه فاشل.. و انه غبي..- و انا عندي قناعة.. ان الغبي هو انسان لا يعلم بأنه ذكي- ... هذا الطالب يوم ماتتغير القناعة دي عنده حياته بتتغير.. و انا والله شفتها بعيني.. حصلت مرة بالصدفة مع أحد المدرسين.. فلقيها لعبة حلوة و استمر يعملها دائما.. كان عندهطالب.. كان مهمل و مقصر جدا.. ففي يوم كلمه... .. يا فلان .. انا ماكنت متوقع منك كده ابدا.. و مش دي فكرتي عنك.. الولد ينظر للأستاذ متعجب..يا استاذ.. يعني انا كنت كويس و متفوق؟؟؟ قصده يقول للأستاذ :"دي فكرتك عني"؟؟ قال له : طبعا.. سبحان الله.. فوجئ بالنتيجة بعد كده.. التزام أدهش المدرس .. متابعة.. و كتاب. وواجبات.. قناعه الطالب عن نفسه اتغيرت.. حط لنفسه مستوى جديد من الأداء ما يرضى لنفسه بأقل منه..و المسألة في النهاية مش مسألة ذكاء.. لكن مسالة جهد و همة عالية.. الإنسان اللي معتقد انه غبي.. حايفضل غبي طول عمره.. و الإنسان اللي معتقد انه ذكي... حايبقى ذكي فعلا.. لأنه لاشعوريا حايسلك في الإتجاه اللي ينمي مهاراته الفكرية و يطورها.. كل واحد فينا عنده معتقدات كتير جدا.. نظارات كتير جدا.. عندنا معتقدات عن أنفسنا.. و معتقدات عن الآخرين.. و معتقدات عن الحياة على وجه العموم.. تعالوا ننظر على كل جانب من دول.. ايقوا معايا المرة الجاية حنعرف معتقداتنا عن انفسنا |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
