|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
18-12-2010, 12:45 PM | #1 | |||
عضـو مُـبـدع
|
فشلت كالعاده يارب رحمتك
السلام عليكم
قبل اسبوع كتبت لكم موضوع اني رحت لدكتورة الاسنان وقالت لازم اقلع ضرس العقل ويبغي جراحه وبنج موضعي طبعا وبما اني اعاني من الهلع خفت من البنج ودخلت النت اقرا وقريت انه ضرس العقل خطير قررت اني اروح عند دكتوره ثانيه فمكان اكبر ومعروف وياخذ مبالغ كبيره الفلوس مش مشكله اهم شي عندي اني اطمن رحت عند الدكتوره وقالت لازم تقلع لي الضرس ولازم بنج موضعي وحددت لي موعد والله مرت علي الثلاث ايام كانهن شهر حتى اللي بيسوي عملية قلب مفتوح حالته يمكن احسن من حالتي وكل يوم ابكي عند امي وابوي وزوجي واحضن عيالي اقول خلاص بموت المهم رحت للموعد مع اخوي ربي يحفظه وكان يطمني ويحاول يخفف عني لانه يعرف مرضي كنت حذره وكل شي اسال عنه كثير سوتلي الدكتوره البنج وبدا الهلع كان قلبي يدق بسرررررررررررررررررررررررررررررررررررررعه وبقوووووووه وقلت للدكتوره قلبي قلبي وكنت احس بالم والله اني قلت خلاص بموت اكيد قالت لي يمكن من الخوف روحي الغرفه الثانيه ارتاحي شوي لان ما اقدر اسويلج الا لما يرجع النبض طبيعي رحت للغرفه واخوي كان يضحكني ويحاول ينسيني بعد ربع ساعه جاؤوا يقيسون القلب كان نبضي مرتفع بعد بحدود ال 105 قالت كمان بننتضر اقل شي يوصل 80 جلست كمان عشر دقايق ورجعت تشوفني وتقيس النبض فجاه رجع الخوف والله غصبا عني وارتفع نبضي ل 120 قاسته قالت مرتفع كثير ما ينفع تسويلي لازم اسويها بمستشفى وتحت اشراف دكتور قلب انا خفت وجلست ابكي واتصلت بزوجي وودوني الطوارئ وقلت لازم بروح عند دكتور قلب اشيك والله سويت بنج ع الفاضي وكان يوم متعب ومرعب لي يارب متى برتاح والله اني تعبت خلااااااااااااااص محد يفهمني الا انتوا والله حاولت اكون هاديه واستغفر وادعي بس غصب عني انا بروحي ماعرف ليش كان قلبي يدق بسرعه مع اني كنت هاديه شوي يارب رحمتك فينا المصدر: نفساني
|
|||
|
18-12-2010, 12:54 PM | #2 |
( عضو دائم ولديه حصانه )
|
انا مثلج بالظبط كان عندى عوار ضرس والمثل يقول لاوجع مثل وجع الضرس ولا هم مثل هم العرس
تخيلى اختى انا لما وصلت العياده الله لايوريج حسيت انى بدش النار مو العياده واتصلت على الدكتور وحالتى حاله مافى اقوى من عوار الضرس تخيلى الخوف نسانى وجع الضرس نسيت الوجع دشيت للدكتور وعالجنى وانا مرعوب حسيت انى بطلع من جلدى ابى انحاش ابى اطلع ابى اغمض وافتح ويخلص هالشى المرعب وعدت على خير حسيت ان ماعندى سالفه وثانى يوم رحت اقل الخوف ثالث مره الى ان عالجت جميع ضروسى وصرت اقول مافيه ضرس يوجعنى ابى اروح لدكتور الاسنان ههههههه اختى انتى فيج هلع وهالشي طبيعي جدا ومن اهم حالات الهلع هو سرعه نبضات القلب الدكتوره لما قالتلج لازم دكتور قلب اهى ماتدرى شنو الهلع ولا تدرى ان هالحاله عندج عاديه بس اهى واجبها تقولج هالشي الدكاتره يخافون لايصير شى فالمريض بس احتيطى لا اكثر ماكو الا العافيه يا اختى ولازم نتاقلم مع الحياه لانه بيصير فينا كل يوم شى ومو معقوله كل ماصار شى نفزع لهالدرجه صلى على النبى واحنا معاج والى تامرين فيه اختى احنا حاضرين |
|
18-12-2010, 01:08 PM | #3 |
عضـو مُـبـدع
|
اخوي رجل ضد الهلع
انا كلمت الدكتوره اليوم اللي قبله وقلت لها ان فيني هلع وشليت لها السبرالكس اللي اخذه اصلا انا لو راعي دكان بقوله اني اخذ سبرالكس والله اهلي يضحكون علي لان خوافه كل شي احس انه بيتفاعل وياه وقلت لها اعراضي وجيه قالت انتي فيج هلع يعني مشكلتج فعقلج وانا اعرف هالشي اصلا لو حد يبى نصايح انا بعطيح مليون نصيحه من كثر ما قريت واستوا وياي من الهلع بس التطبيق غير وبعدين ضرس العقل مب تعديل لازم جراحه وخياطه انا مب مشكلتي ويا الالم انا من النوع اللي اتحمل اقوى الالام حتى يوم سوتلي الابره قالت انتي شجاعه كيف تقولين فيج هلع اول مره اسوي لوحده ابره وما تصارخ انا اخاف من المجهول والوسواس هو اللي يكبرلي الموضوع والحين والله اهم قلت لريلي بسير المانيا اشل الضرس تموا يضحكون عليه يقولون حتى المليارديرات ما يسوونها ومره قريت انه الف واحد يموت فالمانيا من الاخطاء الطبيه كرهت المانيا يعني وين اروح؟؟ استغفر الله |
|
18-12-2010, 01:13 PM | #4 |
( عضو دائم ولديه حصانه )
|
الحل بسيط انتى تخافين اذا تعاملتى مع الحدث صح يعنى اذا دخلتى العياده حسيتى ان خلاص النهايه عدل
اختى بنج كامل وانتى بغرفتج بالمستشفى يعطونج بنج كامل وادشين العياده ويسوولج العمليه ويشيلون الضرس وانتى ماتحسين بشى وعادى البنج الكامل ترى يسوونها بالكويت للاسنان وماراح تتفاعلين مع العمليه ولا تحسين بشي بتغمضين وتفتحين تلقين ضرسج مشلوع ولا المانيا ولا شى |
|
18-12-2010, 01:17 PM | #5 |
مراقب سابق
...tomorrow is a better day
|
فعلا
انا مع رأي اخوي ضد الهلع الحل الامثل هو البنج الكامل تغمضين وتفتحين تلقين ضرسك مو موجود وبس |
|
18-12-2010, 01:21 PM | #6 |
عضو مميز جدا وفـعال
|
اختي سجينه الله يهديك الهلع ما له دخل بالشجاعه تخيلي في وزراء جاهم نوبات هلع وفي اطباء جراحين اعرفهم جاهم نوبات هلع وفي ناس داخلين كمال اجسام يعني يسطروني ويسطرونك معي ههههه جتهم نوبات الهلع مالها دخل نوبات الهلع بالقوة
بقولك قصتي تدرين انا سويت زراعه ضرس تخيلي شلت ضرس العقل وبعدين شلت الضرس الي جنبه وبعدين اخذ الدكتور وركب لي ضرس زراعه يعني فيها دريل وفيها فتح وخياطه وكلها مرت ولا صار شي ونا وقتها كنت اخذ السبرولكس وكنت بعز نوبات الهلع ولا صار شي؟؟؟؟ شوفيني اكلمك ونا مركب ضرس جديد هههههههههه |
|
18-12-2010, 01:32 PM | #7 |
( عضو دائم ولديه حصانه )
|
الله يكون بعونك اختي
اول ماتجي فكره الهلع اطرديهاا من البدايه وقوي ارادتك وقولي يلله شي يصير خلي يصير الله رب الكون القوي الكبير معي هو سندي ولاغيره سند ركزي في الكلمات ومعانيهاا صارت معي لما دخلت للدكتوره ماشاء الله كانت بتسمع قران للشيخ العفاسي (والله اعلم) الله كم ارتحت وانا اسمع القرأن وهيه بتشتغل بضرسي هذي تجربتي واتمنى لك كل الخير يارب |
|
18-12-2010, 01:41 PM | #9 |
عضو مميز جدا وفـعال
|
من دخلت المنتدى ونا اضحك لكم ابيكم تشوفون ضرسي لاكن مافي فايده ماحد انتبه هههههههههههههههههه
اي شرايك في اللمعه بس |
|
18-12-2010, 01:53 PM | #11 |
عضـو مُـبـدع
|
ابو الهلع وانا قول شو هالتوقيع
تصدق انا قلت لو مسويه ضرس ذهب احسن ههههههههه والله ماعرف بس اللي قالوا اسوي بنج كامل انا بروحي ميته خوف من البنج الموضعي لو كامل شو بسوي بسويلهم فضيحه فالمستشفى اصلا الدكتوره قالت لازم تسوينها فمستشفى تحت اشراف دكاتره وانا عاد بديت اوسوس اخوي رجل ضد الهلع انا من الامارات وعندنا فدبي وابوظبي مستشفيات كبيره وايد بس ما قمت اثق فالمستشفيات من كثر ما اسمع عن الاخطاء الطبيه واثاريها فكل مكان حتى فالمانيا استغفر الله |
|
18-12-2010, 02:04 PM | #12 |
( عضو دائم ولديه حصانه )
|
اهتى توكلى على الله قل لن يصيبنا الا ماكتب الله لنا لو توكلتى على الخالق سبحانه ماراح تخافين ثقى بالله
ومن توكل على الله فهو حسبه لاتقولين يارب عندى هم كبير قولى ياهم عندى رب كبير |
|
18-12-2010, 04:05 PM | #13 |
عضـو مُـبـدع
|
اهلين اختي
انا قد شلت ضرس العقل وفيها جراحه وخياطه ابصراحه يعور :redface: انتي تخافين تموتين؟ شوفي والله لو عمليه صعبه في القلب او الراس اقول ممكن تخافين بس في ضرس يعني إن شاءالله مايكون الاخير بعدين اذا خايفه تموتين من الضرس الموت اذا جاك بيجيك وانتي جالسه ماتسوين شي توكلي على ربك وعيشي حياتك واستمتعي فيها |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|