تحلمون كل يوم؟ ولا بس انا؟ احتاج للرد الشافي

تحلمون كل يوم؟ ولا بس انا؟ احتاج للرد الشافي

السلام عليكم
ماني عارفة كيف ابدا وايش اقوول. بس الله يخليكم لحد يقول لي شي الا وهو متاكد منه او مر بتجربة لاني خلقة موسوسة ماابغى حالتي تسوء
انا يوميا احلم. ماانام زي الكل, احس اني مو طبيعيه , ساعات اصحى و ابكي من التعب والطفش لاني ابغى انام زي كل الناس كفايه الرجفان اللي يجيني ومتحملته
من يوم ماكنت طفله صغييره قبل ماادخل المدرسه كنت احلم كثيير لدرجة اني اصحى من النوم وجسمي متصلب من الفجعه و مااحرك الا عيني وساعات يوم يتكرر علي الحلم امسك القران واحظنه وانام :(
مع اني كنت صغيره وتوني دخلت المدرسة ومن كثر ماتاثرت بالحلم صرت كل جمعة اول مااصحى افتح الطاقة اشوف الشمس شرقت من المشرق ولا المغرب !!! .<<<<<<< شف التفكير بس!.
وحتى اذكر يجيني ارق او يمكن من الفجعه معد ارقد اقعد صاحيه .. الارق طقيت معه صحبه من صغري
لدرجة اني احسب ان لكل لازم يحلم ويوم كنت في الابتدائي اقول لصاحباتي انتم كيف تنامون وماتحلمون؟؟ وهم ماهم فاهمين ايش يعني حلم! . بعدها جاتني فترة بسيطة يوم كنت 13 سنة لحد 16 سنة تقريبا هذي احلى فترة في حيااااتي مااذكر اني شكيت من شي يمكن احلم بس احلام كلها خرابيط وماتخوف او يمكن لا .مااذكر بالزبط
من بعدها رجعت لي الاحلام وغالباا الاحلام تجيني يوم ارجع انام مره ثانيه يعني مثلا انام واصحى عشان اصلي او اشرب مويا وارجع انام يقوم يجيني الحلم لاحظت هلشي من زمااان ماادري ليه ! توقيت الحلم معاي دايم كذا بعد مااصحى وارجع انام
قبل ست سنوات بدات تجيني كوابيس وطبعا ارق. فترات تروح وفترات ترجع بس قبل سنيتن جاتني كوابيس اعوذ بالله مااحب اقول ايش يجيني بالضبط بس على طول قلت لازم اروح لشيخ ورحت وللان مستمره.
انا هنا ماابغى اسال عندي عين ولا غيرة. لانه هلمواضيع اكرهها كره واذا فيني شي الله لايقدررر والله يحميني ويبعدني عن كل سوء . مااتوقع من وانا بزرة وهي معي ولالا؟؟؟؟؟؟
اللي خلاني احط الاستفسار هو اني احلم من صغري مو فجاه جاتني الحاله بس الكوابيس قريب
ابغى احد مر بتجربه زيي او خبير يشرح لي الوضع
في البيت محد يفهمني يوم اقول لهم كل يوم احلم يقولون الكل يحلم واخوي يقول لي انا احلم بس احلامي تضحك وكلها خرابيط بس ان شاءالله انتم تفهموني
انا احلامي ماهي حلوه او خرابيط , كلها سيئه لدرجة ماتتصورونها ومرعبه. يوم اصحى من النوم جسمي مكسر ومصدعة واحس اني مرهقه وعصبيه وساعات احس اني ماني طبيعية ( طبعا من المناظر اللي اشوفها ) وساعات ابكيييييييييي مع انه المفترض اكون مرتاحه لاني نمت
يعني ابدا يومي وانا مريضة نفسيا وجسديا
الحين تعبانه وجسمي مكسر وودي ارقد زي كل الناااس بس ماني قادرة قبل شوي جاني كابوس وصحيت قريت سورة البقرة . مع اني اليوم كنت مبسووطه ماني قلقانه او افكر بشي لو افترضنا انه بسبب القلق او الطفش
ماتدرون قديش النوم هذا يأثر فيني جسديا ونفسيا وفي تفكيري وحتى دراستي وحياتي وكل شي
مااقدر اشتغل مزبوط او اركز وصرت نحييييفة
فرص كثيرة راحت علي وانا استحقها سواء في دراسة او غيرها بسبب هلشي.
ساعات اشك انه هو سبب الاكتئاب
لي 6 سنوات ماانام
تقدرون تتخيلون هلمدة كلها ماذقت طعم النوم وطول الوقت ارق وبسببه انحدر مستواي الدراسي!!!؟؟
ماانام زين واكمل نومي في المحاضره. الدكتور يشرح وانا راقده وباين علي التعب والارهاااق تخيلو المنظر بس !!! ساعات يحسبوني مريضه.
معليش على الكلام الطويل بس ودي اطلع اللي في قلبي وانشاء الله انتم تفهموني وتوجهوني
اسال مجرب ولا تسال طبيب
يارب ترحمنا برحمتك

المصدر: نفساني

أسأل الله العظيم ان يشفيكِ ياارب

وعلاجك انك تروحي لدكتووور نفسااني

وبأذن الله راح ترتاااحي وتناامي زين

بس اهم شي تستخيري
وتقرأي قران كثيرر
وتكثري من الأستغفار والصدقه
وفي الأاخير ابحثي عن طبيب شااطر
وبالله التووفيق عزيزتي

زي ماقالو اهلك كل اللي ينامون يحلمون ..
لكن انتي مو احـلآم زي مافهمت ، كوآبيـس صح ..!
إعملـي آدآب النوم وأقرئـي الاذكـآر وان شاءالله ماتشوفين الا اللي يسرك
انا تجينـي فترآت تصحينـي الكوآبيس واصحى متغلقه
لكـن مـآدري عن السبب ..

صباح الخير

انا قريت كلامج كله ...مشكلتج اسهل من غيرج بكثير في ناس ما تقدر اتروح المحاضره بالمره فانتي عالاقل احسن منهم بكثيررر ...احمدي ربك

وبالنسبه للاحلام كل الناس تحلم ولكن بدرجات يعني مو كل يوم وغالب الاحلام عاديه وليست كوابيس ........وانا فاهم انه نومك ضعيف وتصحين مرهقه بسبب الكوابيس وهذا ياثر على يومك ونشاطك

طبعا تحتاجين لدوا من ادويه الاكئتاب ..تحديد الدوا يعتمد على الطبيب لانه يوجد بعض الادويه تقلل الكوابيس ويمكن تخفيها عنك بالمره..

وبالتوفيق

السلام عليكم
ممكن تحذفون لي جزئية الحلم اللي ذكرته لاني قريت انه الافضل مانذكر
ماني عارفة كيف اتواصل مع اخواننا المشرفين :(
اللي يعرف ياليت يخبرهم وحاادعييييله
وشكرا على الردود
لي عودة بإذن الله عشان اعلق

صباح الخير
الا بذكر الله تطمئن القلوب
اكثر الاحلام هي انعكاس داخلي لما يحصل عند الانسان
حاولي ان يكون يومك اكثر هدوء وراحه وتفكير ايجابي
حاولي ان تضعي تركيزك على الاشياء الايجابيه
واتمنى لك نو م هانىء واحلام سعيده

اؤؤيد كلام فرح
اكثر الاحلام هي انعكاس داخلي لما يحصل عند الانسان

انا مرت علي فترات كثيره كذا معرفت السبب

طبعا مافي انسان مايحلم الكل يحلم
وحتى الرضيع بايامه الاولى شوفي كيف يحلم وتعابير وجهه وهو نايم ويصحى يبكي مفزوع
بس في ناس تكون عندهم اسباب نفسيه
تخليهم ينسوا احلامهم
بالنسبه للكوابيس
اتبعدي اداب النوم
لاتاكلي قبل النوم بساعتين
نامي وقت مبكر ولا تجهدي نفسك جدا نفسيا وجسديا قبل النوم
اشربي شئ ساخن حليب مثلا قبل النوم
النوم على ظهاره بالوضوء
اقراي المعوذات واذكار ماقبل النوم نامي على جهة اليمين
احرصي ان الغرفه مافيها اي مجسمات او اي صور
اذا قدرتي تشغلي قران بالغرفه طول اليوم افضل وعند النوم ممكن توطيه لدرجه تسمح لك تنامي
اول ايام بتواجهي صعوبه بعدين بتتعودي
طبعا الي عندهم سحر وعين يحلموا احلام مزعجه والعين تاتي من الطفوله ومن ناس
اعمارهم شهور بس بما انك ماحبيتي اتطرق للامر اوك
بس ممكن تدهني جسمك بزيت زيتون مقري فيه قبل النوم وتشربي مويه مقري فيها
تخلصي من الضغط النفسي والجسدي ومشاهدة او سماع اشياء مزعجه او مرعبه


الادويه النفسيه بالعاده تزيد الكوابيس لذا لاانصحك فيها
اتبعي نصائحي ودمتي بخير باذن الله