|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
30-01-2011, 04:37 AM | #1 | |||
عضو
|
ممـكن احـد يشخـص حالتـي ؟ ويعطـيني الـحل
السلام علليكم ورحمة الله وبركاته
بدايتاً احب اشكر اختي ليان واخوي رونالدو على الاهتمام ,, والحقيقة انا اخواني مايهتمون مثل اهتمامكم لي , مابيدي الا اقول عسى الله يوفقكم ويحفظكم من كل شر يارب, انا حالتي كسيفة , ومع ذلك ياجماعه دموعي تطيح على الكيبورد!!! اذا حسيت مجرد احساس ان في احد نفس حالتي . عموماً انا بختصر حالتي لكم , اانا واثق من نفسي ! بس ليش اتوتر اذا شفت بنت وليش اتوتر اذا شفت ناس ماعرفهم دوانية فيها شباب ما اروح الا اذا فيها اثنين ثلاثه وكلهم اعرفهم عز المعرفة , احب الظلمة لان الظلمة تخفف عني هالتوتر ماحب اقعد بمكان هاادي مع ناس سواء اعرفهم او ماعرفهم ماحب اصف دور سواء بجمعية او مستوصف او ... إلخ ماحب اراجع حكومة او وزارة ,, يحوشني توتر واعرق تعرق واضح واحس بخنقة دراستي ! ربعي موظفين وجامعيين ! وانا قاعد لا شغله ولا عملة وغير الضغط علي من الوالد يقولي انت فاشل وانت ماعندك طموح . مو قادر اسوي شي بحياتي يا افتر بالسيارة ياقاعد على النت .. ( للعلم لما افتر بالسيارة لازم يكون المكيف شغال سواء الجو بارد برا ولا حار لازم هوا المكيف يكون على وجهي , لاني احس براحه نوعاً ما ) عندي ربع واشوفهم واطلع معاهم لكن لما يجيبون طاري الطلعة لمجمع مثلاً اختبص واقولهم شهالاماكن البايخه ومجمعات ماوراها الا الفراره وعوار الراس لكن انا ودي اروح , المهم وبعد الضغط علي اقولهم اوكي اروح وياكم , واسحب عليهم واشوفلي عذر سواء نوم او كانت عندي شغله وهذي حالتي. ياجماعه انا ليش مو قاعد امارس نص حياتي على الاقل بشكل طبيعي المشكلة الاكبر ! اني اذا طلعت وحسيت ان هالتوتر اختفى راح يعني وعادي اقعد واروح واجي من غير توتر , لما ارد البيت انام اقعد ثاني يوم يردددد كل شي فيني .. ف الي يعرف هذا شنو الي قاعد يصير فيني او عنده حل ياليت يساعدني او الي مار بنفس حالتي , وجاوبوني على هالسؤال تكفون , ليش لما انام واقعد ثاني يوم يرجع كل شي فيني اكرر شكري للاخت ليان والاخ رونالدو :: واسف على الاطالة :: المصدر: نفساني
|
|||
|
30-01-2011, 04:41 AM | #2 |
( عضو دائم ولديه حصانه )
|
لا شكر ع وااجب والله احنا ماسوينا شى انت اخونا ولازم نسااعدك00
حياك الله اهنية وان شاء الله الكل بيساعدك <<< |
|
30-01-2011, 06:33 AM | #5 |
( عضو دائم ولديه حصانه )
|
هلا اخوى شصار انا من الكويت انا سمعت اخت ليان تقول انك تبى علاج ويااخوك العلاج مو حل العلاج مجرد مسكن فقط ولما تترك العلاج بدون لاتحل المشكله بالاساس راح ترجع مثل قبل لاتاخذ العلاج انا الى اشوفه عندك رهاب اجتماعى مو رهاب الساح الرهاب الاجتماعى على حسب معرفتى فيه ان وجود ناس كثيره يسببلك قلق وتوتر وودك تنحاش من المكان الى انت فيه انت قلت ماعندك مشكله بالخروج تروح وترد بالسياره وهذا يعنى ان ماعندك رهاب الساح والى اهو انك تخاف من الطلعه من البيت والحمدالله حالتك ترى مو صعبه ياخوى وحلها مو صعب وانا انصح بالعلاج السلوكى شوف ياخوى انت ماوصلت لهالمرحله بيوم وليله يعنى كنت طبيعى وقعدت من النوم ولقيت نفسك بهالحاله من الطبيعى انها كانت بسيطه وتطورت والى زادها احساسك بالفشل وظغط الاسره عليك انت تقول ربعى بالجامعه وموظفين وانت فالبيت بدون وظيفه ولا دراسه واكيد فى مشاكل ثانيه ماتقدر تقولها لانها خاصه شوف ياخوى ابيك تعرف ان حالتك من اقل الحالات الى شفتها بالمنتدى احنا هنيه نشوف بلاوى وناس تعبانه لدرجه ماتتصورها والحمدالله ان مسالتك بسيطه انت محتاج علاج سلوكى مو اكثر اذا عندك القدره تراجع دكتور نفسى بس للعلاج السلوكى انا انصحك فيه وللعلم مافيه تسجيل اسم ولا يدرون انت منو واذا ماتقدر بما انك غير موظف وعلاقتك مع الوالد مو زينه ممكن تتواصل معانا هنيه وان شاء الله بنفيدك ونساعدك بكل مانقدر واحنا عيال ديره وحده انا وانت وليان ورونالدو وبندق كلنا كويتيين وبنساعدك بكل الى نقدر عليه ان شاء الله ونعطيك طرق تخفف عنك وفيه هنيه اطباء نفسيين مايقصرون معانا لاتحاتى والله سالفتك بسيطه باذن الله تعالى وبتنحل انا كنت العن منك ما اشوف النوم ولا الطلعه ولا حاس بالحياه والحين اللهم لك الحمد بافضل حال ياخوك فتره وبتعدى بس توكل على الله وماعليك الا العافيه ان شاء الله
|
|
30-01-2011, 06:56 AM | #6 |
عضو
|
يعطيك العافيه , والله يكثر من امثالكم , ردك ريحني وفعلاً الي فيني ولا شي بالنسبة للإخوان الي هني ,
لكن اخوي ماجاوبتني على سؤالي ليش لما اواجه الشغلات الي توترني ارتاااح . . وخلاص يروح التوتر لكن لما انام وارد اقعد ثاني يوم يرجعلي هالتوتر ! واخوي لو ماعليك كلافة اذا تعرف اهني دكتور زين يقولي عن العلاج السلوكي وانا مستعد للمواجهة لكن بعد مالقى جواب لهالسؤال لان احس كل الي اسويه يروح ع الفاضي ... والسموحه |
|
30-01-2011, 07:02 AM | #7 |
( عضو دائم ولديه حصانه )
|
هلا فيك يالغالى بس مافهمت جمله قلتها ياريت توضحلى اكثر
(ليش لما اواجه الشغلات الي توترني ارتاااح . . وخلاص يروح التوتر لكن لما انام وارد اقعد ثاني يوم يرجعلي هالتوتر ) وتبى دكتور بره النت ولا داخل النت ؟؟؟ |
|
30-01-2011, 07:04 AM | #8 |
( عضو دائم ولديه حصانه )
|
قصدك يعنى انك لما تكون متوتر من انك تروح الدوانيه وتروح الدوانيه يروح التوتر بس من تروح البيت وتنام وتقعد من النوم تخاف مره ثانيه انك تروح الدوانيه ؟؟؟؟؟؟؟
صح هذا قصدك |
|
30-01-2011, 07:41 AM | #9 |
( عضو دائم ولديه حصانه )
|
اخوى انا قريت موضوعك بملقتى الرهاب
وانك تبى دكتور تشوفه بره انا الدكتور الى اتعالج عنده كله اقابلهبره العياده امره ويطلع معاى ونتمشى بالسياره ولا نقعد بكافيه عادى ترى كثير من الدكاتره يسوون جذى واذا تحب فاهو فعياده اسمها نجاحات للاستشارات النفسيه بميدان حولى واذا تحب روحله او اتصل فيهم وحدد موعد معاه والحالات الجديده ترى يقابلها بسرعه يعنى مايعطيك موعد بعيد على طول يقابلك |
|
30-01-2011, 10:36 AM | #11 |
عضو
|
هلا اخوي بو عبدالله ,
اسف اني طولت عليك بالرد ,, الجملة اقصد فيها ! اني لما اكون متوتر من العالم الخارجي , واواجه كذا شغله يختفي هالتوتر ويصير الوضع طبيعي عندي ! لكن انام واقعد يرجعلي هالتوتر , جني ماسويت شي امس ولا واجهت هالشغلات .. وبالنسبة للدكتور اذا زين .. ياليت تعطيني رقمه ! وجم ياخذ ع الجلسة ! والف شكر لك |
|
30-01-2011, 12:08 PM | #12 |
( عضو دائم ولديه حصانه )
|
صباح الخير
اخوي مخالطه الناس حلوه لما تجلس معاهم وتسمع لهم يمكن الله يسخرك تقول كلام فيه فايده لهم وتساعدهم الطفل والرجل الكبير والمرأه الكبيره وفيه شباب محتاجين يسمعو اراء ثانيه او كلام طيب العطاء فيه احساس رائع حاول را ح تقدربأذن الله مافيك غير العافيه خَالِطُوا النَّاسَ مُخَالَطَةً إِنْ مِتُّمْ مَعَهَا بَكَوْا عَلَيْكُمْ وَ إِنْ عِشْتُمْ حَنُّوا إِلَيْكُمْ |
|
30-01-2011, 02:09 PM | #13 | |
( عضو دائم ولديه حصانه )
|
اقتباس:
|
|
|
30-01-2011, 02:20 PM | #14 |
عضو
|
اخوي فرح ياريت
ادري والله ان مخالطة الناس حلوه .. وعايش هالشي قبل , بس الشكوى لله اخوي بو عبدالله , يطولي بعمرك حبيبي .. حطيت موضوع بالاقتراحات , واذا اسمحولي بعطيك خبر بهالموضوع تابعه ولاتنساني يالغالي.. والف شكر مقدماً ,, |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|