كيف اتعامل مع زوجي المكتئب انصحوني

اختي الكريمة ،،،


زوجك اكيد انه يحبك واكيد انك تحبينه ،، احمدي الله سبحانه ولا تخافين وخلك دايم معاه وواقفه جنبه لانك شي مهم بحياته اكيد حتى لو بغى انه ما يشوفك ،،

المرض النفسي اقشر وصعب يتحمله الشخص لاني فاهم اللي يمر فيه اقرب لك الصوره اكثر شفتي احيانا يصير مالك خلق اي احد بالدنيا كذا بس مو فتره يومين اكثر شوي نفس ذا الشعور والشي ذا صعب شوي وكويس انه صارحك فيه ان يبغى يجلس لحاله . احسن من انه يجاملك !!

نصيحتي لك الاتي سوي زي ما يبغى اجلسي ببيت اهلك ولا تشيلين هم بس لا تنسين تسالين عنه وبكلمات حلوه زي يا حبيبي وكذاا لان بالمرحله ذي يكون حساس وما ابغاه يفهم انك نسيتيه يعني لازم توضحين مشاعرك له بالكتابه والفعل ..

وفي نقطه مهمه الدوا اللي ياخذه يسبب ضعف جنسي مؤقت فيمكن يكون سبب انه محرج منك وكذا فانتي لا تحرجينه اكثر ..


خذي الموضوع ايزي ولا تكبرينه انه فيه مرض وتحملي في ناس متحمله اشياء اكثر منك هذا جزء من المسؤوليه ،،،


اخر شي لا تتخلين عنه لانك بتندمين طول حياتك وبيني له انك بتكونين واقفه معاه طول حياتك لو مهما صاار لان هو شريك حياتك


اتمنالك التوفيق

شكرا اخوي كفى بك داء الله يسعدك ....ويارب تشفيه وتعافيه ويرجع زي ماكان

تخيلو بعد ماكان مايبغى يسمع صوتي وﻻيشوفني وصرت اسال عليه بالمسج بس وعن احواله رسل لوالدي مسج انه طلقني نظرالمرضه وانه خايف يعلقني اكثر انا الى اﻻن موقادرة استوعب بعد كل هالعشرة الحلوة انو قدر يطلق تتوقعو انه تحت ضغط المرض عمل كذاالله يصبرني

كله مكتوب في اللوح المحفوظ
الظرف الصعب الي انتي عايشة فيه مقدر لك من كنتي في بطن امك
اول شي قولي : اللهم آجرني في مصيبتي واخلف لي خيرا منها
لا تجزعي ولا تحزني .. كل اقدار الله خير
التعب النفسي مايفهمه الا الي عاشه، اذا انتي ماجربتيه ولا عرفتيه احمدي ربك ع العافيه وقدري الاشخاص الي يعانون ..
الله يكون في عونك .. ويشفي زوجك .. وتردون حق بعض اللهم آمين يارب العالمين

الحمد الله على كل حال
الله يشفيه ويشفي كل مريض هو القادر على ذلك .