تريبتيزول 10 ملغ Tryptizole اتمنى تفيدوني ولكم مني دعوة صالحة صادقة في ظهر الغيب

تريبتيزول 10 ملغ Tryptizole اتمنى تفيدوني ولكم مني دعوة صالحة صادقة في ظهر الغيب

اعاني من اكتئاب وجربت السيروكسات والفالدوكسان والسيبراليكس ولكن كان لها اثار عكسية علي اتعبتني حيل والان الدكتور عطاني تريبتيزول 10 ملغ Tryptizoleوبعد اسبوع طلب مني ارفعه الى 25 ملغ . ايش رأيكم في هذا العلاج هل هو نافع باذن الله والا لكم عليه ؟
الاحظ اني صرت انام بكثرة. انا الان في اليوم الثاني من استخدامه.
تكفون با اخوان عطوني رأيكم فيه وخصوصا اللي جربوه. اعراضه الجانبية كم مدتها وتختفي ؟ هل له اثار انسحابية ؟ وقبل كل هذا بيفيدني باذن الله والا لا ؟
لكم مني كل الحب والتقدير

المصدر: نفساني

الدواء الذي ينفعك ليش شرط ينفع غيرك اخي الكريم

ماعندي علم

الله يشفيك يارب اخوي

اخوي فيصل ما تشوف شر اسأل الله العظيم رب العرش الكريم انه يشفك بأذن الله طهور ولا بك الا العافيه

اذا انت مسجل في أي منتدى غير منتدى نفساني
تبلغني وتقولي اسم المنتدى بودي اتواصل معك

اخوي فيصل للمره الثانيه اذا فيه منتدى انت مشارك فيه غير المنتدى هذا اذكره لي بحيث اتواصل معك

تربتيزول دواء قوي على الاكتئاب ولكنه ضعيف على المخاوف والهلع والوساوس القهرية ..
وينفع للي نومهم قليل ويميل الى التسكين اكثر من التنشيط واللي شهيتهم للاكل ضعيفة وعندهم تململ من الحياة وطفش لانه يشيل الطفش والتململ..
ولكن جرعة 10مج جرعة قليلة جدا كبداية وهي لا تعطى الا للاطفال فالمفروض انك تبداء مباشرة بجرعة 25مج لمدة خمسة ايام وبعدين تزيد عليها 25مج بعد خمسة ايام اخرة وبعدين تزيد عليها جرعة 25مج ثالثة لتصبح الجرعة 75مج يوميا وهذي هي الجرعة الصغرى والمؤثرة في الاكتئاب وهو معدوم لا يسبب اي اعراض جانبية بجرعة 75مج ولكن تبداء اعراضه الجانبية بالظهور بعد جرعة 100مج فما فوق وخاصة جفاف الحلق..
واما جرعته المتوسطة فهي جرعة 150مج والجرعة القصوى هي 200 مج الى 250مج ولكن ربما لن تستطيع تحمل اعراضه الجانبية اذا تجاوزت جرعة ال100مج

كل الحب والتقدير لكم جميعا على ردودكم سائلا الله عز وجل ان يشفيني واياكم وجميع المسلمين. ولن انساكم من دعواتي باذنه تعالى

المشاركة الأصلية كتبت بواسطة زهراني حزين

تربتيزول دواء قوي على الاكتئاب ولكنه ضعيف على المخاوف والهلع والوساوس القهرية ..
وينفع للي نومهم قليل ويميل الى التسكين اكثر من التنشيط واللي شهيتهم للاكل ضعيفة وعندهم تململ من الحياة وطفش لانه يشيل الطفش والتململ..
ولكن جرعة 10مج جرعة قليلة جدا كبداية وهي لا تعطى الا للاطفال فالمفروض انك تبداء مباشرة بجرعة 25مج لمدة خمسة ايام وبعدين تزيد عليها 25مج بعد خمسة ايام اخرة وبعدين تزيد عليها جرعة 25مج ثالثة لتصبح الجرعة 75مج يوميا وهذي هي الجرعة الصغرى والمؤثرة في الاكتئاب وهو معدوم لا يسبب اي اعراض جانبية بجرعة 75مج ولكن تبداء اعراضه الجانبية بالظهور بعد جرعة 100مج فما فوق وخاصة جفاف الحلق..
واما جرعته المتوسطة فهي جرعة 150مج والجرعة القصوى هي 200 مج الى 250مج ولكن ربما لن تستطيع تحمل اعراضه الجانبية اذا تجاوزت جرعة ال100مج

طيب ولو كنت اخذ 30 ملغ موزعة على طول اليوم 10 ملغ كل 8 ساعات ؟

اخوي فيصل
اقسم لك بالله العظيم أنه ما فيك الا العافية من الناحية النفسية
اخوي
شف ما راح تستفيد من كثرة العلاجات النفسية والدليل الى ساعك وانت قاعد تخبط كل شوي جايب علاج تبي بس العافيه .
تدري وش مشكلك انت لك الحين سنوات وانت تشكي بس ما زادة عليك الا السنه هذي اخوي فيصل تدري وشف قدام كل اللي في المنتدى اتحدى اذا كان فيه علاج نفسي راح يجيب معك نتيجه تدري ليه .
لأن مشكلك الآساسية انت قاعد تزيدها وهي معدك تعبانه وكل ما قعدت تحاول ترمم معدك نفسها انت قاعد تهدمها بكثرة الحبوب وتدري الصداع الشديد هذا وش سببه العلاج له دخل بس تلاحظ بعض ناس يقولون ما نحس فيه لأنهم ما عندهم اللتهاب بالمعده .
وتبي اثبت لك أن مشكلك كلها اللتهابات بالمعدة راقب نفسك اذا اكلت شي حامض او فيه دهون أو أي شي يأثر على معدك شف الصداع راح يزيد لأن كل ما اكلت شي صعب الهضم او حامض راح يزود حموضة المعده عندك وراح يجي للتهاب اللي في معدك وراح يزيد الصداع .
وراح اذكرك بالأخير راح ترجع وتقولي اخوي وش اسوي
اخوي افهم
انا ما طلبت منك اكلمك من فراغ لأنه يبيلك شرح علشان تاضح لك الصورة وأنت حر ويشهد علي الله ما كتبت الشي هذا الا من باب المحبه في الله ومن فرج عن مؤمن كربة فرج الله عنه كربة في الآخره .

المشاركة الأصلية كتبت بواسطة فيصل فقيه

طيب ولو كنت اخذ 30 ملغ موزعة على طول اليوم 10 ملغ كل 8 ساعات ؟

التربتيزول ما ينفع توزع جرعته في اليوم خاصة اذا اخذت منه جرعات صباحية لانه راح يسببلك خمول وكسل..
والافضل انك تاخذ ثلاث حبات مرة واحدة قبل موعد النوم بساعتين