حالي مايسر لا عدو ولاصديق(اتمنى من الجميع مساعدتي وتشجيعي باللي امر فيه من هلع)

حالي مايسر لا عدو ولاصديق(اتمنى من الجميع مساعدتي وتشجيعي باللي امر فيه من هلع)

السلام عليكم
صباح الخير وشلونكم جميعاً
لايفوتني ان اشكر اخوي العزيز بن دايم ع جهوده الجباره مع الجميع الله يجزاك خير ويوفقك رغم انقاعطي عن المتندى الا اني اشوفك متواصل مع الكل ماجور بإذن الله واستمر
قصتي باختصار
مقبل ع اختبارات الاسبوع القادم بالجامعه انتساب
لي اكثر من 3 ايام ماطلعت من البيت قلت بعدل نومي عشان الاختبارات تغير نومي وصار متقطع وحالتي حاله انا من الناس اللي اذا شلت هم ماانام فاصير اواصل لين اخلص شغلي بس للاسف اذا قرب شغلي نمت
المهم مالكم بالطويله انا انسان حساس بشكل كبير وطيب وعصبي بنفس الوقت يعني اكتم بقلبي لو احد ضايقني يجي يوم وانفجر ع اللي ضايقني واسفل به بس اقل من ساعه او يوم واتحسف رغم التفكير السلبي اللي يحاصرني
امس مااكلت السيروكسات بحكم نومي اليوم حسيت بشي مثل الكهرباء متعود ع الوضع انه اعراض انسحابيه بس المشكله اني من اخر الليل البارح احس ودي ابكي خانقتني العبره
وخوف واحس ب زي البرد وخوف من اني اتعب وسط قاعت الاختبار قدام الناس واللي متعبني اكثر اني صرت موسوس بالموت تخيلو كل يوم اسمع فلان توفى فلان صار له شي واغلبهم شباب الله يرحمهم
وصرت اخاف اكتب لو تغريده بتويتر فيها اذكار او شي لاني قبل اقراء واشوف بالصحف ورسايل الواتس وبكل مواقع التواصل فلان توفى اخر تغريده له اذكار او ايه وكانه حاس بموته صرت اخاف من كل شي وعاطفي واذا اخيطت ع احد حتى لو عذرني اتعب بيني وبين نفسي ليش غلطت عليه وليش وليش وخسرت علاقاتي الاجتماعيه ولا عاد احب اسافر ومن زمان ماسافرت تعبت تعبت ماليت ياناس
والله يعين بس... حتى مستقبلي خسرته لاوظيفه ولا حتى دراسه بسبت الهلع وحتى اللي اتعرف عليهم معهم هلع اقول بس يبون يشجعوني ادري الكل مو فاضي مرتبط مقدر بس فتره احصل الكل منسحب مدري ليش

نسيت اقولكم والله اعلم ان اللي مسبب الهلع المعده الباطنيه بشكل عام فترات احس اذا اكلت شي بطني ينتفخ واحس ودي استفرغ واحس بشبع قوي امس ماشربت الا شاهي سكر شوي شربت زمزميه كامله اخر الليل من الصبح احس ب كبدي متقلبه ودي استفرغ عجزت

فتى الأحزان معجب بهذا

المصدر: نفساني

هلا بالغالي
مشكور وانا تحت امرك بأي وقت
حالتك واضحه جدا جدا وانا اعتب عليك انك سمحت للوسواس يغلبكك المفروض انك ماتعطيه مجال ابدا بالنسبه للجامعه لنفترض جاتك الحاله وسط القاعه ؟ كل اللي عليك انك تثبت مكانك تماما وخلها تمر بخيرها وشرها ادري انه احساس مؤلم ومتعب وشعور قرب الاغماء لكن لابد انك تقاوم
وحتى لو جاتك وسط القاعه اسال نفسك ليش جت في القاعه ماجت برى ؟ والمشكله ان كثرة تفكيرك بالقاعه وقت الامتحان يصعب عليك الوضع
فاللي عليك الان تسلم امرك لله سبحانه وتتوكل عليه وعندي لك علاج فوري للوسواس ... هو انت تخاف تكتب تغريده او دعاء او الخ
ابيك الان تعاند وتكتب تغاريد وادعيه وكل شي تخاف منه سوه
شرط كل هالوسواس يروح
بالتوفيق

امتياز معجب بهذا

يمكن لن اصدقاءك كثيرر
ااحدف الوواتس وبرامج التواصل لين تهدى نفسيتك وتصير تتحمل
انا يوميآ اشوف صديقاتي كدا بالواتس رسايلهم مووت و تجيب الهم لين حدفتهم واللي ترسل اخبار حواداث وجرائم شغالات وسحر اسسسسسسوي لها بلووك ههههه وربي ارتحت كثيررر
لن اغلب وسائل التواصل اشااعات

ادا جتك نوبة هلع حرك يدك وقل لو بمووت ماحركتهاا

ما تمر به طبيعي جدا كل ما هنالك صغوط الحياه العاديه والتي تكون بالنسبه لنا كمرضى نفسيين اقوى من غيرنا

اتمنى لك التوفيق

فتى الأحزان معجب بهذا

هذه اعراض القلق و تبعاته تحتاج تجاهل و ثقة بالله و حسن ظن و توكل..و اصبر و ستتحسن باذن الله.

فتى الأحزان معجب بهذا

السيروكسات أخباره أيه معاك ؟
وكم جرعتك اليومية ؟