شي غريب يصير لي

شي غريب يصير لي

السلام وعليكم ورحمة الله وبركاته

انا شخص عانيت قبل 9 سنوات من الرهاب الاجتماعي وكنت اخاف اذهب الى المدرسة اوالى الاجتماعات وغيرها وللاسف خسرت جميع اصدقائي

الان بعد 9 سنوات اصبحت معلم والحمدلله بدون ادويه ولا شي تقريبا اختفت اثار الرهاب مااخاف من الناس ابدا اسولف اضحك واستهبل حتى مع الناس اللي ماعرفهم ولااخاف ان اذهب الى الاجتماعات بالعكس اكون واثق

لكن فيه حالة تجيني غريبه اذا تكلمت مع شخص سواء كان شخص اعرفه او مااعرفه حتى مع اختي الصغيرة او امي لكن بكل صراحة تزداد اكثر عند الغرباء

الحاله هي اذا تكلمت بالبداية اكون واثق واكون شخص جدا طبيعي لكن بعد مدة قصيرة تجيني كتمة بالصدر وضيق تنفس واحس صوتي مخنوق مع ان مافيه اي توتر او خوف واتحول من شخص طبيعي يمزح يضحك الى شخص جدي يصطنع الضحكة

انا اودي اطلع اكثر مع الناس واسولف لكن هالحالة مسببه لي نكد وعجزت احصل لها اي تفسير

هل هذه الحاله يعانون منها مرضى الرهاب وهل تذهب مع الادوية النفسية

طبعا الحالة بدأت عند بداية الرهاب الاجتماعي

المصدر: نفساني

ما عندي خلفية .. لكن انا عكسك تماما .. تجي لي الحالة في البداية .
بس كيف تغلبت على الرهاب وماةسبب الرهاب اصلا .

المشاركة الأصلية كتبت بواسطة معاليأس

ما عندي خلفية .. لكن انا عكسك تماما .. تجي لي الحالة في البداية .
بس كيف تغلبت على الرهاب وماةسبب الرهاب اصلا .

سبب الرهاب موقف مادري كيف افسره كنا بجلسة انا وعيال عمي جتني كلمة من واحد منهم ناسي هي ذمه او مدحه وللاسف بعدها تحولت من شخص يقود الناس وشخص واثق ماكان عندي ذرة رهاب الى شخص اخر خايف مهزوز بعد هالموقف اصدقائي يقولون ليش ماتطلع معنا وللاسف بعدها باقل من شهر قطعت علاقاتي معهم طبعا الان انا شخص منعزل لكن اذا طلعت ماخاف لكن بنفس الوقت ماارتاح


والله الرهاب والخوف راح من نفسه لكنه اثاره باقيه وهي حب العزله على الاختلاط بالناس

يعني انت كنت مختلط بالناس واجتماعي والحين العكس لكن ما تخاف؟
يبدو انك من النوع الحساس جدا ..
معلش بتعبك معاي .. كما كان عمرك يوم بدا الرهاب . وهل ظليت تفكر في الموقف يوم بعد يوم لين ما زاد؟

المشاركة الأصلية كتبت بواسطة معاليأس

يعني انت كنت مختلط بالناس واجتماعي والحين العكس لكن ما تخاف؟
يبدو انك من النوع الحساس جدا ..
معلش بتعبك معاي .. كما كان عمرك يوم بدا الرهاب . وهل ظليت تفكر في الموقف يوم بعد يوم لين ما زاد؟

كان عمري 16

نعم كنت شخص اجتماعي واحب الطلعات جدا

لا والله مافكرت ابدا بعد هالموقف لان الرهاب ماعطاني فرصة بعد هالموقف باقل من ساعه عيال عمي اللي مثل اخواني صرت اخاف وارتبك منهم

يا خي .. غريب .. موقف واحد في دقيقة .. يسحقك ٩ سنوات ثم لا تختفي اثاره ..

لا بد شي داخل الانسان مثل القنبلة النائمة .. لما تنفجر بسبب هذا الموقف .. تسبب ارتباك في الجسم والتفكير ..

شو تحس لما تطلع ؟ ليش تمتنع عن الطلعات ؟

المشاركة الأصلية كتبت بواسطة معاليأس

يا خي .. غريب .. موقف واحد في دقيقة .. يسحقك ٩ سنوات ثم لا تختفي اثاره ..

لا بد شي داخل الانسان مثل القنبلة النائمة .. لما تنفجر بسبب هذا الموقف .. تسبب ارتباك في الجسم والتفكير ..

شو تحس لما تطلع ؟ ليش تمتنع عن الطلعات ؟

صحيح كلامك والموقف والكلمة اللي جتني ناسيها لكن كانت عاديه جدا يعني بالابتدائي اكثر من مدرس عطاني كف وماتاثرت

ذكرت بالموضوع ليش مااحب اطلع بسبب ضيق الصدر والكتمه ومااحس اني مرتاح

متاكد انه من ذاك الموقف . خاف الا هناك موقف ثاني ..

بخصوص الطلعة انا كانت تجي لي لكن مع الاستمرار في الطلوع وعدم الجلوس بالبيت راحت عني .
لا تقعد في البيت .. ولا يوم .. اشتمر في الطلوع والمولات والسوق .. كل يوم .. بتروح عنك ان شاء الله

المشاركة الأصلية كتبت بواسطة معاليأس

متاكد انه من ذاك الموقف . خاف الا هناك موقف ثاني ..

بخصوص الطلعة انا كانت تجي لي لكن مع الاستمرار في الطلوع وعدم الجلوس بالبيت راحت عني .
لا تقعد في البيت .. ولا يوم .. اشتمر في الطلوع والمولات والسوق .. كل يوم .. بتروح عنك ان شاء الله

الا من ذاك الموقف متاكد

والله انا بالاجازه مااقعد بالبيت ابدا لاني شغال مندوب توصيل واتواصل مع الناس واروح اسواق ومطاعم لكن مازالت موجوده

المشاركة الأصلية كتبت بواسطة احلام اي كلام

الا من ذاك الموقف متاكد

والله انا بالاجازه مااقعد بالبيت ابدا لاني شغال مندوب توصيل واتواصل مع الناس واروح اسواق ومطاعم لكن مازالت موجوده

ههههههه
افحمتني
عادني مسوي فيها خبير
هههههههه

المشاركة الأصلية كتبت بواسطة معاليأس

ههههههه
افحمتني
عادني مسوي فيها خبير
هههههههه

لا وش دعوه ياخوي فيك الخير والبركة

وأشكرك كثير كثير انك عطيتني كل هـ الاهتمام

المشاركة الأصلية كتبت بواسطة معاليأس

يا خي .. غريب .. موقف واحد في دقيقة .. يسحقك ٩ سنوات ثم لا تختفي اثاره ..

لا بد شي داخل الانسان مثل القنبلة النائمة .. لما تنفجر بسبب هذا الموقف .. تسبب ارتباك في الجسم والتفكير ..

شو تحس لما تطلع ؟ ليش تمتنع عن الطلعات ؟

انا مايهبلني الا الي يقول قنبله وانفجرت او هموم متراكمه وانفجرت او ضغوطات وانفجرت ياخي هذا تشخيص عقيم مافيه شي اسمه هموم مكبوته ولا فيه شي اسمه ضغط داخلي وانفجر الرجال الله اعلم لزخه واحد بعين لثقته وجرأته والمفترض انه يرقي نفسه او ان ماصار له هو مرض روحي بحت يحتاج للرقيه واغلب من هم بالمنتدى مصابين اما بعين او غيره من الامراض الروحيه تحتاج وقفه واستقامه ورقيه

أنا كمان كنت اجتماعي وجريء بقووووة
وفجأة بالاذاعة صرت أتلعثم وارتجف وقلبي يدق بقوة مع اني كنت متحمس مررة ولا أعرف الخجل قبل

بعدها بدأ الرهاب بالتدريج
كان بمواقف معينة
بعدها صار بكل شي
كل شي
بدون استثنااء
كل موقف يكون فيه ناس أخاف

احس هي اما عين أو مس
أو يمكن يكون مرض نفسي موجود في الجينات وكان الموقف مجرد سبب لظهوره

الله المستعان
الحمد لله

نفس الشي حالتي نفس حالتك بالضبط لي سنوات لا اعمل وبدايه هذي السنه خرجت ولما اقابل الأشخاص اتكلم بثقه وجراءة لكن بعد مرور فترة اخاف منهم واعمل لهم الف حساب اشتركت بنادي رياضي اول الايام كنت اسلم ع الكوتش واضحك وعادي بعد مرور شهر صرت اخاف اول مااشوفها واحس برعب هذي الحاله من زمان اصلا معي بس اللي لاحظته الجديد اني اول مااتعرف ع احد جراءة وثقه لكن بعد فترة تنقلب الامور للأسوأ

الموضوع جاب لي ذكرى يوم كنت صغير كان تجيني حالات من الحبسة الكلامية و أختنق بس الحمدلله تعديت هالمرحلة و أظن الحبسة إنتقلت لحبس بالعقل أحس عقلي محبوس جد ما أمزح