|
|
|
 |
|
 |
||||||||
|
||||||||||
 |
 |
 |
||||||||
| ملتقى الفضفضة مساحة ليقول العضو كل ما يجول في خاطره ، فضفضات نفس . |
 |
|
|
أدوات الموضوع |
16-10-2023, 10:18 AM
|
#1 | ||||
|
عضو جديد
|
انا انسانه جديده
بسم الله الرحمن الرحيم
مبدأيا كده يا جماعه انا مش عارفه ابدأ منين بس انا جوايا كلام كتير اوى عايزة اقوله ونفسى اقوله عشان كده اشتركت فى المنتدى ده او حسيت انى عندى مشاكل كتير اوى ونفسي احكيها بس مش للى حوليا نفسى احكيها لحد يسمعنى للاخر حتى لوانا غلط يقنعنى بهدوء مش بالخناق بجد انا دخلت المنتدى ده وانا بدور على اخوات او اصحاب ينصحونى نفسى بجد حد يسمعنى انا نفسيتى مدمره جدا يا ترى هلاقى حد يسمعنى هنا المصدر: نفساني
|
||||
|
|
16-10-2023, 12:52 PM
|
#2 | |
|
مراقبة إداريه
(وَلَسَوْفَ يُعْطِيْكَ رَبُّكَ فَتَرْضَىْ)
|
طبعا يا آيات أهلا و سهلا بيكي في وسطنا
فضفضي و اكتبي اللي في نفسك و بإذن االله تجدينا إخوة صادقين مستمعين ناصحين |
|
|
|
|
16-10-2023, 09:13 PM
|
#4 | |
|
عضو جديد
|
انا طول عمرى من وانا صغيرة وانا حاسه انى لوحدى
حتى وانا وسط اخواتى لان كان فى فرق فى المعامله وانا كنت حاسه بكده حتى بعد ماكبرت واتجوزت فضل الفرق ده موجود معرفش انا اللى غلط ولا هما بس بجد الموضوع ده مأثر فيا جدا مع انى والله بحب اخواتى جدا وبعد ما اتجوزت قلت يمكن لما اكون حياه جديدة واعامل بشر جديده اكتشفت جانب تانى من الحياه كله مشاكل ومصاعب اكتر انا بجد مدمرة من جوايا وفرحت اوى لما لقيت الاخت اللى ردت على كلامى وقالتلى انها هتسمعنى وتقف جمبى وشكرا |
|
|
|
|
17-10-2023, 10:52 AM
|
#5 | ||
|
مراقبة إداريه
(وَلَسَوْفَ يُعْطِيْكَ رَبُّكَ فَتَرْضَىْ)
|
اقتباس:
|
||
|
|
|
17-10-2023, 11:04 AM
|
#6 | |
|
مراقبة إداريه
(وَلَسَوْفَ يُعْطِيْكَ رَبُّكَ فَتَرْضَىْ)
|
آيات حابه أسألك هوا انتي الوسطانية من بين اخواتك ؟
عادة اللي بيجي في الوسط ده هي دي مشاعره الطبيعية بس بتبقى مزعجة جدا اما يركز عليها و يبني عليها كل حياته لا هوا الكبير المسموع اللي له مكانته و دوره و أول فرحة الأبوين ولا هوا الصغير آخر العنقود اللي الدلع كله ليه اللي محسس امه و ابوه بشبابهم في آخر حبه نقطة الضعف الكلام الحلو و الحب و الجديد كله ليه ساعات الترتيب بين الأخوة بيعمل المشاعر دي حتى لو كان الوسطاني هوا اللي شايل المسؤولية و أشطر اخوانه و أصلحهم تصدقي أعرف توأم مأثر في واحد منهم كونه نزل من بطن أمه الأول فشايف نفسه الأكبر و الأبدى و ضاغط على توأمه بالحكاية دي الأم و الأب مش ملايكه مش كاملين ساعات الظروف و الحالة الصحية و البيئية و الزمنية و حاجات كتير بتأثر على طريقة تربيتهم لعيالهم و كل واحد و نصيبه بتأثر كمان حتى على معاملة الأخوان لبعض بس من جواهم كلهم فلذات اكبادهم كلهم دمهم و لحمهم و زينة الحياة الدنيا في عيونهم .. |
|
|
|
|
17-10-2023, 02:45 PM
|
#7 | |
|
عضو جديد
|
بجد شكرا لاهتمامك يا اختى مستكفه
ايوة فعلا انا الوسطانيه فى اخواتى بس برضه ده مايمنعشى انهم كانوا يسمعونى او يشوفونى حتى بس يالله الحمد لله على كل حال انا بس كل اللى شاغل تفكيرى دلوقتى هو انى حاسه ان الناس اللى حوليا بيتعمدوا يعملونى وحش بس بحس بحكم الطبيعه اللى احنا عايشين فيها ان دى طريقتهم فى التعامل وانا اللى تفكيرى غلط فى وسطهم الله اعلم |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
