|
|
||||||||||
الملتقى العام لكل القضايا المتفرقة وسائر الموضوعات التي لا تندرج تحت أي من التصنيفات الموجودة |
|
أدوات الموضوع |
28-04-2006, 12:38 AM | #1 | |||
عضو نشط
|
@@ســـــالـــفة عـــــاشــــق@@
من بغا الفرقا لقى له عذر واسباب ودليل ... خل عنك العذر والاسباب دام الحب ضاع
كان ودك بـالفراق ابشر عسى عمرك طويل ... لاتردد وانت لك كلمه ولك امرٍ مطاع لي عليك انك تبت بـكلمه تشفي الغليل ... ولك علي اني لاوقف وقفة الرجل الشجاع لاتجاملني مخافة قال مدري خوف قيل ... عمر هرج الناس مايسمن ولا يغني جياع كان قصدك سر حبك اوعدك لالصبح بخيل ... واحمل اسرارك معي لالموت قدر المستطاع بس قلها قل ماحبك وبشر بصبراًجميل ... لاتحسب اني مثل من طبعهم لوي الذراع صاحبك ماهو كذا ياصاحب القد النحيل ... صاحبك طبعه غريب وغربته غربة طباع فالهوى مايقبل الحل الوسط ولا القليل ... مثل ماهو لاشرى يشري ليا من باع ..باع ثابت لو هي تميل الارض حدره مايميل ... يدري ان الفقر ماهو عيب والدنيا متاع ماعشق لذة حياته كثر عشق المستحيل ... ولا كره حتى مماته كثر كره الانصياع كم تعلم من حياة البدو وش معنى الرحيل ... وكم تعلم من غروب الشمس وش معنى الوداع وكم تعلم من سحاب الصيف وش معنى الحصيل ... وكم تعلم من ليال البرد وش معنى الضياع ايه انا هذا طريقي موحش وصعب وطويل ... وانت لامنك تعبت العالم فجوجه وساع اعتبرني في بداية سكتك عابر سبيل ... ورح وانا قلبي معك من وين وجهت الشراع يكفي اني لاذكرت فسالفة عشاق قيل ... عاشر احبابه شجاع وفارق احبابه شجاع المصدر: نفساني
|
|||
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|