|
|
||||||||||
الملتقى العام لكل القضايا المتفرقة وسائر الموضوعات التي لا تندرج تحت أي من التصنيفات الموجودة |
|
أدوات الموضوع |
05-06-2002, 01:14 PM | #1 | |||
عضـو مُـبـدع
|
السعوديين منعوني من دخول الفيصليه!!!
السلام عليكم ورحمة الله وبر كاته
أتمنى أن تكونوا بافضل حال في زياره قصيره الى مدينة الرياض العاصمة السعوديه وبعد قضاء الغرض من الزياره ذهبت الى عدة مجمعات تجاريه للتبضع والشراء ولكنني سمعت الكثير عن مجمع الفيصليه التجاري فقلت لنفسي يجب ان ارى هذا المجمع التجاري الجميل على حد قول الكثير من الاصدقاء ويوم الثلاثاء الساعه التاسعه والنصف مساءا ذهبت الى المجمع التجاري وتفاجأت بالاتي وهو منعي من الدخول بحجة ان الدخول للعائلات فقط!!! فقلت للامن يأأخي انا ضيف عليكم وأتيت للزياره وأريد أن أرى هذا المجمع وأوضحت له بأنني كويتي ويجب مراعاة هذه النقطه وهي ان الزوار للمملكه يجب ان يسمح لهم بالدخول ولكنه رفض وكررت محاولاتي ولكنه ايضا رفض . فذهبت أسير في الشارع ومن ثم قلت لنفسي أكيد أن الشراني بلغ عني وأعطاهم صوره لي لكي يمنعوني من الدخول ( ههههههههههه) ومن ثم قلت لنفسي لااريد ان اظلم الشراني ومن ثم جلست افكر تفكيرا مطيريا بحتا وقلت هيا يا مطيرياتي تماطري علي وانا ارى الفيصليه هيا فتماطرت على الافكار الجهنميه من كل جهه فقالت لي اذهب لكل بوابه من بوابات المجمع التجاري وجرب حظك ويستحسن ان تقول بان اهلي في الداخل ونحن زوار للمملكه وبالفعل هذا ماحصل مع رجل الامن الثاني في بوابه ثانيه وسمح لي بالدخول فأحسست بنشوة الانتصار :D فقط لان الدخول ممنوع للشباب . موما دخلت واشتريت ما اشتريت لاابنتي الصغيره وزوجتي العزيزه واستمتعت في هذا المجمع الرائع . في البدايه أحيي اخواني في المملكه على حرصهم الشديد على منع الاختلاط بقدر الامكان وجزاهم الله خير الجزاء على مايقومون به واعجبني هذا الوضع كثيرا وهو الفصل بين الجنسين في كل مكان ولكن الانتقاد الذي يوجه وهو من المفروض ان يكون هناك استثناءات في المنع وخصوصا في المجمعات التجاريه الضخمه والتي تمثل معلم من معالم المدينه يعني على سبيل المثال عندما يكون الشاب زائر من بلد اخر يفضل عدم منعه وحرمانه من الاستمتاع بالتسوق في هذا المجمع الجميل ...نعم المنع للشباب ولايوجد فرق بين السعودي وغير السعودي ولكن السعودي فرصه كثيره بالدخول اما الغير فهو مجرد زائر ليومين او ثلاثه ... هذا مجرد تعليق من اخيكم وبارك الله بالجميع وحفظ اللمملكه وشعبها من كل مكروه. ( طبعا ماراح اقولكم اشلون دخلت عمارة المملكه) ههههههههههه المطيري الرياض المصدر: نفساني
|
|||
|
05-06-2002, 01:27 PM | #2 |
عضو نشط
|
مرحبا،،،
جميل جدا ،،، نورت الرياض اخوي المطيري ،،، واتمنى تكون الرياض باللي فيها عجبتك ،، تصدق اخوي على اني هنا في الرياض بس مارحت للفصيليه غير مرتين اوثلاث ،، والمملكه مره وحده فقط ،، ولا عاد افكر مطلقا اني اروح هناك;) ،،، اقامه سعيده ان شاء اللله ،، وترجع لاهلك بالسلامه. |
|
05-06-2002, 02:17 PM | #3 |
عـضو مؤسس
|
هلا بأخينا المطيري00حياك الله00أسفرت وأنورت
وأنا أقول وش في الرياض منوره؟؟؟؟ الله يهديك بس 00كان قلت لنا00كان قمنا بواجب الترحيب والضيافه0 عموما 00حياك الله00وبياك00وجعل الجنة مثولك وعلى فكرة أنا من سكان الرياض00ومع ذلك لم أذهب الى كل من الفيصليه والمملكه ولاااااااا مرررررررررررة0 ومثل ما قالت ودق00ولا عاد افكر مطلقا اني اروح هناك00(بدون ما اروح) حياك الله مره ثانيه00وكل مره تطأ قدمك فيها أرض رياضنا00نقولك حياك الله0 |
|
05-06-2002, 04:51 PM | #4 |
عضـو مُـبـدع
|
مو معقول المطيري في الرياض ....والله مالك حق كان علمتنا على قولة صفوة الحياة نقوم بواجب الضيافة.....
وأنا اقول منهو ذا الكويتي اللي قاعد يمشي لحالة في الفيصلية أثره إنت يالمطيري تراني عرفتك تبيني أوصفلهم شكلك :D المطيري كانك مابعد رجعت للكويت تفرج على الأسواق الثانية ترى إنا هينا في الرياض ماعندنا إلا أسواق ومطاعم أعوذ بالله طلعت مع خشومنا ذا الأسواق ..والمطاعم (( بطّت تشبودنا ))......ولاّ بس عشان أهل الشئ يزهدون فيه !!!يمكن ..... :confused: :confused: المطيري رح شف اسواق صحاري والعليا مول والعقاريه والنمر و و ايه رح اليورومارشيه تراها خليطي وش بعد ايوه رح للفيفا ورح اسواق التميمي ورح لمطعم ماريز وجنبه الطازج ولاتنسى داجن وجنب داجن في مطعم خطير بس مايصلح إلا للمتزوجين وإنت ما معك زوجتك يا أخي وشذا الأنانيه كان جبتها ويا بنتك الصغيرة عشان تلعبها في عبقرينو وتولان ..........والله أنا خطيرة سويت دعاية للرياض المفروض تكافئني الحكومة :) ترجع بالسلامة يالمطيري :) على فكرة أنا مارحت للمملكة إلا مرتين وع وع الله يحوم كبد العدو ما ادري ليش بازين بها .........خربت الدعاية صح :D |
|
07-06-2002, 03:00 PM | #6 |
عضـو مُـبـدع
|
شكرا لكم جميعا 000 ودق - صفو الحياه - مها ( راعية الدعايه)- مثايل 0
والدار منوره بأاهلها الكرماء حقيقه 0 شكرا لكم للتجاوب والترحيب في اخوكم 000 المطيري 0 |
|
08-06-2002, 08:55 AM | #7 |
عضـو مُـبـدع
|
عندنا فنجال وعلوم رجال
افـــــــــــــا.افـــــــا. انا ابو محمد ابوه. المطيري في الرياض وانا مادريت. الله لا يسخط علينا ما قمنا بالواجب. وبعدين وش كان يضرك لو علمتنا بجيتك للرياض وخليتنا نشوفك ونقهويك ونتمشى بك في الرياض. ابشرك الرياض ديرة عز وكل ما تبي فيها من علوم الرجال واماكن التبضع واماكن الترفيه والاماكن الاثريه والنخيل والاستراحات بس الله يعطينا شكر نعمته. وانتو يا البنيات. قاعدين تحشون في الرياض. اللي يبي الزين يلقاه واللي يبي الشين يلقاه. الشر موجود وله اهل والخير موجود وله اهل ويا كثرهم ولله الحمد. اخوي المطيري. امانه لو بغيت تجي مرة اخرى للرياض علمني وانشا الله يعيني ربي واقوم بالواجب. |
|
08-06-2002, 04:44 PM | #8 |
عضـو مُـبـدع
|
قدها وقدود يابومحمد ومن اهلها وتفعلها ونخوك 000
وجزاك الله خير طال عمرك على كلماتك الجميله والله اني داري انها من قلبك وابشر ان كان لي جيه ثانيه عزالله اببلغك 000 ويسعدني ويشرفني ان التقي بالرجال امثالك 0000 لاهنت يابومحمد ولاهان من جابك 0 اخوك 00000 المطيري 0 |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|