(((المملكه عندنا غير)))

(((المملكه عندنا غير)))

ياطير غرد وأزهري يانواوير .... وياشمس طلي وأنزحي ياغمامه ..
ويانفس زفي للوجيه التباشير.....وياجفن كف من البكاء والندامه..
من هالدقيقه مال للاحزان تبرير....برجوع أبو خالد لنا بالسلامه ..
مادام سلطان الكرم حي وبخير.... ماعاد ننشد لو تقوم القيامه ..
بشت يذري عن عجاج المعاصير.... ووجهناً يرد أرواحنا بأبتسامه ..
وكفاً يجود بلا حدود ومعايير .... وشهامتاً ما بعدها شهامه..
أكرم من اللي ماخذ الجود تبذير.... وأصدق من عتاب الخوي في خصامه..
وأشد من ضرب السيوف البواتير.... وأجل من وصفاً يحدد مقامه..
سلطان ياقر من يقود الطوابير.... ياسيد الجيش السعودي وأمامه...
ياشوق تلعات الرقاب الغنادير... يامنبر الدين الحنيف وحسامه..
جيتك وفي صدري وطن من تعابير... أحمل معي حب الكويت وغرامه ..
لن الرفيق يحن .. ويحس .. ويغير... والصف الأوحد مستحيل أنقسامه..
شعب الكويت يكن لك كل تقدير...ويبلغ الشعب السعودي سلامه ..
ويعاهدك مهما تدور المقادير...نبقى لكم مثل الفشق في حزامه ..
لإن قدر المملكه عندنا غير.... المحترم يفرض عليك أحترامه ..
ولي يوفي في ألتزامه مع الغير..... عيب علينا مانحفظ ألتزامه ..
ياجارنا اللي مايجي منه تقصير.... ياكبر دروع أهل الجزيره ضخامه ..
أرض الحرم .. مهد الكرم ..منبع الخير... طهر الضبي..ستر العبي.. واللثامه ..
ياقصة الكوثر .. ويا زمزم البير.... ويا موقع أقدام الخليل ..ومقامه ..
أغلى ثرى تاطى به الرجل .. وتسير ....وأكثر عباد الله ورع وأستقامه ..
إن كبروا هز الفضاء .. صوت تكبير....ولسجودهم في ناصيتهم علامه ..
طول اللحاء لوقارهم زود توقير...وقصر الثياب ألهم جمال ووسامه ..
أصحاب نهج .. ودينهم دين تذكير...وأمالهم تبني وطن من عدامه ..
لان العمل يجمع شعوب وجماهير....عمر الجهل ماعز لدين قامه ..
ومن يدعي الاصلاح لغراض تدمير....ماظن لرحمه صله لاهتمامه ..
الموعظه تيسير ماهيب تعزير.... وحنا نميز بالحلال وحرامه ..
ماللهدف من قتل الاطفال..تفسير....وصبراً على فعل الجرائم غشامه ..
أكثر من اللي صار وش عاد بيصير .... المسأله وصلت لحدود الكرامه ..
مالله خلقنا في سمانا عصافير .. والحمد لله مالنا بالرخامه ..
جهالنا عند المواجه مغاوير....وأفعالنا عزم وثبات وجزامه ..
يوم الضعيف.في الشديده معيثير...حنا لياضقنا نطش العمامه ..
نفزع بوجه المدفع بسيف وبعير....ولا عاش فينا من يرد بكلامه ..
يامير مايلحقكم الشك يامير..... ولا غيركم يأهل الزعامه زعامه ..
الله مدبر العدل فيكم تدبير.....ومعكم يسود أمن البلد ونظامه ..
وأن كان للفتنه على الشعب تأثير.....بمكن تزود وحدته وألتحامه ..
الحكم حكم الله ولا فيه تغيير ....ودوامكم ياسيدي من دوامه ,,
والله لاعنتر ولا سالم الزير....يقدر يزعزع بأرض الاسلام هامه ..
مادام صقر المملكه حي وبخير....ومادام أبو خالد رجع بالسلامه ..
هلت على الشعب السعودي تباشير....وقامت على حزب الضلال القيامه ..

صح لسان الشاعر حامد زيد ..

وافي في زمن جافي ..... من ديار مطير..

المصدر: نفساني

المملكة عندنا غير



الله يحفظها يااااااااااارب


ويوفق ولاة امورنا لكل خير

شكريا اخي وافي

والله لاعنتر ولا سالم الزير....يقدر يزعزع بأرض الاسلام هامه ..
مادام صقر المملكه حي وبخير....ومادام أبو خالد رجع بالسلامه ..
هلت على الشعب السعودي تباشير....وقامت على حزب الضلال القيامه ..




صح لسان قايلهااااااااااااااااااااااااااااااااااا

جود الفرح ...

فاتن عسري ...

صح بدنكم .. وطالت أعماركم ..

وافي في زمن جافي ...

صح لسانه وسلمت يداك على النقل

سلمت يمينك وافي


النادره