|
|
|
 |
|
 |
||||||||
|
||||||||||
 |
 |
 |
||||||||
| الملتقى الرياضي أخبار الأندية العربية والعالميه |
 |
|
|
أدوات الموضوع |
10-01-2008, 11:02 AM
|
#1 | ||||
|
مراقب سابق
|
قصة عم اسماعيل
من المعروف اننا شعب مهاود او مسالم عشان محدش يزعل مني .. او ندخل في مواضيع اخري . يعني يعلو اسعار السلع الاساسية زي اللحوم و الاكل بكل اصنافه .. و ماله يا عم ادينا عايشين . نعيش في حكم ديكتاوري و ماله برضه اهي ايام و بنعيشها .. الدنيا كلها بتولع من حوالينا و كمان مفيش اشغال و ماله برضه قضيها يا بوب هم يومين مش دايمين مكتوبين علينا زي ما منير بيقول .
لكن في اليوم الموافق 5 او 6 يناير .. يصحي عم اسماعيل من النوم مفزوع علي مظاهرات و هرج و مرج و اعداد بني ادمين ضخمة و شعارات و لافتات عديدة تندد و يفاجيء بشلاشلات من المظاهرات تتجه المحافظة تارة او الي مكان معين هو مش عارفه راح سأل اول واحد هو فى ايه يا عم انت بتجري ليه .. هو فيه انتفاضة عشان مفيش شغل .. بص ليه من فوق لتحت قام قايل له سيبني انا مش فاضي لك راح لحق واحد بيبكي و يعيط من الحرقة و قالع هدومه و عمال يشتم و يلعن .. قاله انت عامل في نفسك كده ليه يا عم .. هم غلو رغيف العيش انا اول مرة اشوف الناس تتحرك بالايجابية دي .. هي حركة كفاية وصلت الاسماعيلية .. قاله عيش ايه و تعليم ايه انت باين عليك مغفل مش عايش في الدنيا احتار عم اسماعيل .. هي الناس جرا لها ايه .. هم خلاص مبقوش يخافو من الحكومة .. هو احنا الحمد لله بقي عندنا حرية بجد .. احنا بقينا بنعترض بجد .. ووسط حالة النشوة لعم اسماعيل فات عليه ابن صاحبه و مع شلة كبيرة من الشباب الشيك المتعلم رافعين الاعلام الصفر و بيسأله فين ابنك سيد يا عم اسماعيل .. البلد كلتها بايته عند المحافظ في عز البرد و لا الاوكرانيين اللي شفناهم في التلفزيون .. و بقية الناس ولعو في المحلات و في النادي .. يرد عم اسماعيل يقولو يا ابني فهمني ايه اللي الحصل النهاردة .. قاله انت مش عايش في الدنيا الاهلي خد سيد معوض مننا ... الاهلي خد سيد مننا ... احنا لازم نكون رجالة و نقف موقف رجالة احنا هنولع في البلد كلها النهاردة .. يرد عم اسماعيل .. و يقوله ولا يا ابن سنوسي .. ابوك قبض معاشه و لا لسه ناقص امضه المحافظ .. الواد يرد .. لا طبعا يسأل عم اسماعيل .. و له يا ابن سنوسي اخوك لقي شغل و لا لسه يرد : لا .. لا .. يووووووووووه يا عم هو ده وقته بقولك سيد راح الاهلي يسأل عم اسماعيل : وله يا ابن سنوسي .. اخوك التاني اللي مسكوه في الجامع و مجاش .. رجع و لا لسه يرد : يا عم معرفش عنه حاجة سبني بقي .. مش كفاية الاهلي ابن ال... خد سيد سبني بقي الحق المظاهرة و يلف عم اسماعيل .. قائلا قصيدة نجيب سرور الخالدة منين اجيب ناس لمعناة الكلام يتلوه و تحيا مصر المصدر: نفساني
|
||||
|
|
10-01-2008, 11:12 AM
|
#3 | |
|
V I P
|
صحيح ياعم احنا مابيهمنا اذا كانت الاسعار مولعة نار واذا كانت البطالة وصلت نسبتها الى 80% واذا كان 55% من الشعب تحت خط الفقر واذا كان التعذيب في اقسام الشرطة واذا كان الفساد منتشر في كل شبر من ارض المحروسة واذا كان القوي ياكل الضعيف واذا كانت السجون مليانة بالابرياء والمخلصين واذا واذا واذا كل ده مايهمناش .. احنا الي يهمنا المصيبة السودة الي احنا فيها
معقول الاهلي هاياخد سيد معوض ؟؟؟ لا ده الي يهمنا ومش لازم نسكت عليه بالروح بالدم نفديك يامعوض وسلملي على المترو |
|
|
|
|
11-01-2008, 02:12 AM
|
#7 | |
|
عضومجلس إدارة في نفساني
|
كله م الإعلام الرياضى اللى مولع الدنيا عشان يوزع الجرايد .....
أصبح انتقال لاعب من نادى لنادى حدث كونى لازم تقوم له الدنيا ولا تقعد وأصبحت الحكايه " تار " يتناقله الأبناء عن الآباء ....... رغم انه بنظرة موضوعيه مُحايده كل شوية اللاعبين " السوبر " مفيش حد فيهم مستواه ثابت على حال ؛ مُش من ماتش لماتش ؛ بل من شوط لشوط !!!!!!!!!!!! والناس اللى بيندفع فيها " الملايين " يادوب يدور تمنها فى فلك " الألوف" لكن ح نقول ايه ؟؟ مصائب قومٍ عند قومٍ فوائد ....... شكراً ياخالد ع المُشاركه الحلوة دى ...... وان شاء الله تقرب المسافات ؛ وتذوب الصراعات ؛ ع الأقل فى متابعة البطولة الإفريقيه اللى جايه ..... اسامه |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
