الكهرباء

الكهرباء

السلام عليكم ورحمة الله

مشكلتـي : الفوبيـا


ما تتصورون قد ايش تعبتني

ما اقدر استشور شعري ما اقدر اشغل التلفزيون ما اقدر اولع الفرن ما اقدر ما اقدر ما اقدر

اي شي فيه كهرباء + نار مستحيل اقرب منه

طفشت وطفشت اهلي معاي

ما احد يحب يدخل دورة المياه بعدي وانتم بكرامه لأن بكل بساطه فااصله السخانه

وكل ما جيت بقوي عمري الاقي شي يقب بوجهي

بنات بليز ساعدوني او دلوني لـ عياده نفسيه مستحيل اتحمل كذا

ودي اخذ لي خيمه فـ البر ابرك لي

المصدر: نفساني

اختي يالله ياربي

تطمني بشكل كامل..فالفوبيا من اسهل الحالات النفسيه الي يمكن علاجها بشكل كامل

وانتي لما تروحي لطبيب يمكن يعطيك ادويه

لكن الشي الاهم من الادويه في هذه الحاله.. هو العلاج السلوكي المعرفي...وهدف هذا العلاج انه يعدل سلوكك ويطور معرفتك ..وراح تقومين بتجارب وتمارين معينه..وتعرضين نفسك بشكل تتدريجي للشيء الي تخافين منه..ومع الوقت باذن الله ومع الاستمرار في الدواء والعلاج السلوكي والتمارين راح تروح الفوبيا بشكل كامل

و وبنسبه للعياده النفسيه اذا انتي في الرياض في عندك مركز مطمئنه على الدائري الشمالي..وعيادة ميدي كير تقاطع التخصصي مع الملك عبد الله..

وبشكل عام يا اختي اذا رحتي عند طبيب ولاحظتي انه غير جيد او ما وجدتي نتيجه اذهبي عند طبيب اخر الى ان تجدين النتيجه الفعاله باذن الله لان كل طبيب له طريقه واسلوب يختلف عن الاخر ... واتمنى لك التوفيق والسعاده دنيا واخره