|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
28-09-2010, 11:06 PM | #1 | |||
مستجد
|
كيف اتعامل معاه علموني
السلام عليكم ورحمة الله وبركاته
انا زوجي مصاب بامراض القلب والضغط والسكر ومداوم على العلاج عمره 46 سنه يعاني مؤخرا من نفس الاعراض اللي قراتهافي المنتدى عن نوبات الهلع صارت بالتدريج يمكن من شهرين بس ما حسينا فيه ....الحين تطور الوضع صار له 5 ايام يحس انه خايف ومرعوب يرجف وممكن يتشنج بس ما يدري من شنو خايف ؟؟ لا صار عنده مشوار يالله يبكي ويرتجف ويفرك يد بيد بقوة وممكن يتشنج ويسوي تصرفات غريبة وبعد يتعب ويفكر شلون يروح للمسجد ومن قبل الاذان يضل يفكر ويفكر وانه لما ما يروح للمسجد ممكن يموت وخاتمته تصير سوء وبعدين يروح للصلاة وهو يرجف ولما يرجع يقول بغيت اصرخ اهرب من المسجد صرت اكلم روحي الناس تطالعني مع ان ولده رايح معه يقول ما صار ولا شئ من هالكلام كان عادي ويصلي ولا قال شئ؟؟ هو نفسه يقول مدري شفيني احس نفسي مو طبيعي انا مجنون ؟؟خايف اصير مجنون خلكم عندي..ما يحب يقعد لحاله واكتشفنا انه يخاف يسوق وكأن بيصير له حادث او بيموت مع ان سياقته عادية ما عليها ولما تصير عنده مراجعات ويروح يقول انا صرت اكلم نفسي والناس تطالعني انتو ما تدرون فيني احيانا يقوم من النوم مفزوع ويحس بغصةويرجف ويلصق فيني ويبكي ويردد لا تتركيني لا تتخلون عني لا تتركوني لحالي تاخذني الافكاروالشيطان يوسوس لي وحنا طول الوقت حواليه انا وعياله ومو تاركينه وهو يتكلم هالكلام وفاتح عيونه وكانه ما يسمعنا رافض رفضا باتا انه يحتاج علاج نفسي يقول العلاج النفسي يعني نهايتي سؤالي كيف اتعامل معاه معاملة تريحه ؟؟ يقول احيانا انا مقصر بحقكم انا داري ان قلنا له لا يقول تكذبون علي وان قلنا ايه يزيد بكى احترنا مدري شنسوي ؟؟ يقول ممكن تلاقوني فاتح الباب وطالع مدري وين لا تخلوني ؟؟ كيف اساعده انه يتخطى الحاله اللي هو فيها؟؟ وهل ممكن يؤذي نفسه ؟؟ بعد هالحاله يهدى شوي ويصير فيه تعب وخمول و مع الاذان اللي جاي او المشوار تبدا الحوسة من جديد نفسيته ونفسيتنا معاه تعبانة جدا ارشدوني شسوي وشنو الحل؟؟ المصدر: نفساني
|
|||
|
29-09-2010, 09:10 AM | #3 |
مراقب عام
|
السلام عليكم
أختي الفاضلة نحن ممكن نفيذك في هذا الملتقى أذا أستفساراتك عن الهلع 1- حاولوا قدر الأمكان أن لا يسمع أخبار مزعجة. 2- حسسوة بانهُ ليس مريض نفسي 3- وخليكم دائماً معهُ طوال الوقت عشان لا يجلس يوسوس 4- أعملي الأشياء التي يحبها 5- يمكن التواصل مع طبيب نفسي وتعرضوا لهُ الحالة من غير ما يعلم بالموضوع واذا قرر الطبيب بأعطاةُ دواء أبلغوة بأن هذا الدواء عبارة عن فيتمين وأخرجوا رشتت الدواء كي لا يعلم ما نوع هذا الدواء 6- أذا طلب الخروج من المنزل يتوجب على شخص آخر منكم بالخروج معهُ 7- مريض الهلع بحاجة للطمأنينة وراحة البال 8- أذا كان هناك مشكلة في البيت حالوا قدر الأمكان أخفائها عنهُ أي أستفسارات تابعوا كل جديد في الملتقى |
|
29-09-2010, 05:17 PM | #4 |
عضـو مُـبـدع
|
شفاه الله وعفاه اختي اخونا الشاكر جاب المفيد هو بس عشان لسه في بدايه التعب فهو حاسس بالتعب اوي كلنا كنا كدا في الاول حاولوه فعلا اهم حاجه تطمنوة
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|