تعبت بالحيل

تعبت بالحيل

السلام عليكم


انا اعاني من الوسواس 5 سنين وعمري 17


انا قبل تقريبا 3 شهور رحت لدكتور في الرياض وقلت لة عن الوسواس تجيني افكار تتعبني واكثر الأفكار تتعلق بيوم القيامة يعني يجيني تفكير ان الساعة قريب ليش اشتغل ولية اكل ولية اسوي اي شيء وفهمني الدكتور قلي الدنيا لسة بخير والدجال للحين ماطلع والقران ما اختفى الحمدالله وارتحت اشوي وانا اللي كان يجيني افكار وسلوكيات بس كانت السلوكيات كثيرة اما الأفكار قليلة بس بعد مافهمني الدكتور قعدت اسبوع والحمدالله تركت اغلب السلوكيات صارت قليلة لاكن اللحين المشكلة الأفكار اللي هدت حيلي وصرت على طول متوتر وافكار تعبتني بالحيل يعني الحمدالله السلوكيات خفت بس الأفكار صارت اكثر وهدت حيلي والله كل الأفكار تتعلق بيوم القيامة واحس اني بتجنن ماعاد ادري وش اسوي الدكتور قلي هاجم الأفكار يعني اذا جاتك فكرة ان القيامة قريبة وكذا قلي قول خليها تقوم ماعلية والحمدالله هاجمت الأفكار وخفت عني بس اللحين رجعت لية الأفكار واقوى من اول والله انهد حيلي دراستي تركتها حتى اكل معد اكل ولا حتى اقدر اضحك كلة متوتر وتعبان حتى قران ماعاد اقدر اقراة يعني كرهت كل شيء مدري وش اسوي ومن القهر احس ابي ابكي

المصدر: نفساني

وعلى فكرة انا اللحين استخدم دواء فافرين ودواء ثاني الظاهر اسمة زيبريكس لاكن والله احس الدواء مافادني

شافاك الله أخى .....

من متى وانت تستخدم العلاج ؟؟؟؟

اختي نوفا شكرا لأهتمامك


من يوم بدأت مع الدكتور وانا استعملة يعني من ثلاث شهور

اخي (الوسواس ذبحني ) مع ان اسمك هذا هو جملة مفيدة وليس اسم ، ما ادري وش جاء الناس اليوم يسمون انفسهم بجمل مفيدة هل انتهت الاسماء المستعارة ، يمكن لان الشخص يكتب اي شي يخطر على باله اذا اراد التسجيل ، لكن هذا يجعل هناك مشكلة اذا اردنا ان نتخاطب معه اثناء الحديث فلا تدري هل المتكلم يذكر اسمه العضو الان ام هذه جملة تابعة .فلو قلت لك مثلا : انا مثلك اخي الوسواس ذبحني !. فلا تدري هل انا اذكر اسمك ام اذكر جملة ، كما ان هذه العبارة فيها ايحاء لك ان الوسواس يجب ان يتغلب عليك ويذبحك .

اخي الكريم خوفك من قرب وقوع يوم القيامة والخوف منه في كل لحظة اعتقد ان هذا ليس عرض وسواس بل يدل على انك تعاني من قلق نفسي شديد والقلق النفسي الشديد يجعل الشخص يخاف من الموت ويعتقد انه سوف يموت في اي لحظة كل ساعة يقول الان سوف اموت ، كذلك الخوف المستمر والملازم لشخص من شي خطير مستقبلي يوشك ان يقع هذا من اهم اعرض القلق النفسي الشديد ، ويظهر بصور كثيرة مثل الخوف من الموت كما ذكرت لك او الخوف من وقوع القيامة كما حصل معك وبعض المرضى يكون خوف من شي خطير يوشك على الوقوع دون معرفة كنهه . ولا يعني كلامي اني انكر انك تعاني من وسواس قسري لكن اعتقد انك تعاني من المرضين سويا وربما ان الوسواس هو الذي سبب لك القلق النفسي ، او القلق النفسي هو الذي سبب لك هذه الوساوس هل تستطيع معرفة ايهما اصبت به اولا هل هو القلق ام الوسواس ، على كل العلاج تقريبا واحد في كل الحالتين لكنك تحتاج الى علاج للوسواس من العلاجات التي فيها تهدئه او يكون معها مهدي .

اذا ممكن تشرح لي حالتك بالتفصيل من اول ظهور المشكلة معك

بالنسبة لدواء كم لك تاخذه بالضبط ، وكم الجرعة وهل تاخذ ادوية اخرى معها وكم نسبة الاستجابة

تقول كان عندي سلوكيات ماهي هذه السلوكيات

كما ابشرك ان حالتك سهلة وعلاجك سهل وسوف تشفى 100% ان شاء الله