|
|
||||||||||
ملتقى أصحاب الإكتئاب أكره مرض الإكتئاب بنفس القدر الذي أحب به مريض الإكتئاب .. فهو أرق الناس وأصفاهم وأصدقهم .. و من لا يدمع قلبه حين يعايش مريض الإكتئاب ، فإن قلبه من حجر ، أو أشد قسوة " |
|
أدوات الموضوع |
09-05-2011, 04:22 PM | #16 |
عـضو أسـاسـي
|
اييه والله مالنا غير التطنيش ..
بس عائشه عندي مشكله بسيييطه .. ادري كثرت عليكم بس والله ابي اسمع ارآئكم .. مثلا عندنا عمال في البيت حلوو .. اطلع اصلي وارجع .. سبحان الله يجيني التفكير يقول امك طلعت عند العمال وتسولف معهم .. طبعا مجرد فكره انا داري انها كذبه .. بس احساس سئ مع شويت كئآبه مع شوية وهم من الماضي مخلوط بقصه ماضيه .. يتعكر جوي .. غير لما اكون مستانس .. وصاري لي الموقف نفسه .. يكون وضعي عادي جدااا بس احيانا يضيق صدري .. ليش تفكيري كذآ .. ليش ما يصير مثل العالم واثقين مو مثلي .. وانا ما جتني الأفكار ذي الا من صدمات الزمن |
|
10-05-2011, 05:32 AM | #17 |
عضو نشط
|
ممكن السؤال مو موجهه لي بس اذا تسمحلي ارد
فعلا انا مثلك تجيني افكار بسبب مواقف سابقه بس صار لمى تجيني هذي الافكار اقول لنفسي انا مو مسؤله عن الناس الله راح يحاسبهم اش راح استفيد لمى افكر صاراو ماصار حتى لو صار الشي اللي افكرفيه مادمت مااعرف مالي حق احاسب نفسي عل شي صار بدون علمي لو صارقدامي راح اتخذ موقف بس من وراي الله اعلم عارفه كلامي مومرتب بس اتمنى وصلت الفكره |
|
14-05-2011, 10:23 PM | #18 |
عضـو مُـبـدع
|
في البداية الحمد لله انك تشافيت من الوسواس ومليون ومليون مبرووووووووووووووووك بمناسبة زواجك والله ييسر أمورك وعقبال الذرية الصالحة والله يتم عليك الصحة والعافية
اول شيء أخوي أحبك أنت قلت أن عندك مشكلتين : 1- التفكير في الناس واسترجاع المشاعر السلبية الي كانت تجيك أيام ماكنت مصاب بالوسواس اذا بدأت تفكر بالناس 2- الظن السيئ و أنك ليش ماتكون مثل الناس واثقين من أنفسهم ومايجيهم مثل هذه الأفكار السيئة أخوي أحبك 1-اجبر نفسك انك ماتراقب سلوك الناس أبداً أبداً أبداً ولو حسيت مجرد احساس في أي فكرة أن فيها التفكير في الناس فتجاهلها وغيرها بأي فكرة ثانية ولا يهمك رأي الناس فيك والاهم من كذا لاتخليها تأثر في نفسيتك أبداً لا بالسلب ولا بالايجاب يعني اعتبرها فكرة عابرة تجيء لكل انسان ولا تعطي عقلك الفرصة أنه يتفاعل معها لانه بمجرد تفاعله معها راح تتذكر المشاعر السلبية الي كانت تجيك أيام ماكنت مصاب بالوسواس فيه محاضرة للدكتور صلاح الراشد عنوانها كن مطئمناً ممتازة جداً تعلمك كيف تهون من الماضي وكيف تتخلص من المواقف السلبية والذكريات المؤلمة وملخصها أن الذكريات المؤلمة هي فكرة مزيفة لكنها تؤثر على نفسية الشخص اذا تجاوب العقل معها مع أنها فكرة مزيفة فيقول الدكتور صلاح الراشد حاول أنك تهون من الماضي وأنك تغير من احساسك تجاه هذه الفكرة فتتغير نفسيك بمعنى انك لو جتك فكرة التفكير في الناس أو بالذكريات المؤلمة فأول شيء تسويه: 1- تجاهل هذه الفكرة 2- لا تتفاعل معها ولا تعطيها قيمة أبداُ واعتبرها مثل الفكرة العابرة تجيء لكل انسان ولا تنظر اليوم الي تتخلص فيه من هذه الفكرة ولا تفكر في انه في أي موقف راح تتكرر هذه الفكرة لان هذا يعتبر انك تفاعلت مع هذه الفكرة واعطيتها قيمة 3- صحيح ان ذكرياتك يوم كنت مصاب بالوسواس القهري مؤلمة جداً لاكن حاول انك تتبع طريقة التهوين من الماضي إذا جتك الفكرة وغير من احساسك تجاهها فمثلاً ابحث عن النقاط الايجابية الي حصلت عليها من الابتلاء بالوسواس مثلاً 1- انه تكفير للذنوب وعلامة على محبة الله عز وجل لك 2-أنه اكسبك صفة الصبر فأنت الان قادر على انك تواجه مصاعب الحياة أكثر من الاشخاص اللي ماصيبوا به 3- ـ أنه جعلك تتقرب الى الله عز وجل أكثر فأصبحت تحافظ على العبادات أكثر وترد الحقوق الى أههلها وغيرها من الايجابيات باختصار غير من احساسك تجاه الذكريات المؤلمة باحساس ايجابي تتغير نفسيتك ويتبرمج عقلك مباشرة على أنه كل ما جت الفكرة تحس بارتياح ولا تؤثر في نفسيتك تأثير سلبي أبداً في الفقرة الثانية 2- الظن السيئ و أنك ليش ماتكون مثل الناس واثقين من أنفسهم ومايجيهم مثل هذه الأفكار السيئة. مسالة أن هذه الفكرة السيئة تجيء في عقلك وأنت تدري أنها مزيفة وتكرها اشد الكره فهذا دليل على انك انسان عندك ضمير حي وأخلاقك عالية جداً لانك تكرها وتحاول انك تدفعها وأنت مالك أي ذنب أبداً في هذه الفكرة فإذا جتك مثل هذه الفكرة السيئة اتبع نفس الكلام في الفقرة الاولى 1-تجاهلها 2-انت مالك اي ذنب فيها 3-وأنت ماكرهتها الا لان اخلاقك عالية جداً وضميرك حي والله لو تحس الاحساس الكامل بأن مالك ذنب فيها صدقني ماراح تؤثر على نفسيتك أبداً ولاتقول أن هذه الفكرة أو غيرها من الأفكار أنك مسئول عنها او المصائب الي حصلت لك في الماضي هي الي خلتك تفكر مثل هذا التفكير. ومسألة انك تقول ليش الناس ماتجيهم مثل هذه الأفكار صدقني أن الناس تجيهم أفكار شاذة وسخة ولاكن ماتتأثر نفسياتهم ولا يعطيونها أيه قيمة هذا كلام الدكتور الي كنت اعالج عنده ولكن تتأثر نفسية المصاب بالوسواس لانه شخص ضميره حي وشفرة الفضيلة عنده مرتفه جداً وأخلاقه عالية جداً والله يتمم عليك بالشفاء ويوفقك في زواجك |
|
14-05-2011, 10:56 PM | #19 |
عـضو أسـاسـي
|
احب الله صرآحه كلآم بلسم والله ثلّج صدري .. الله يثلج صدرك قولي آمين الله يجزاك الف الف خير ويجعلها في موازين حسانتك يآآآرب وينفع بك الأمه .. ما شاء الله عليك مشآركاتك 6 وكلامك كذآ .. الله لا يضرك .. والله يآ احب الله اني مدري وش اقولك .. اول مره اسمع كلام مثل كذآ .. يعني فعلا ثلج صدري .. بس انا مشكلتي من اول .. كنت انبش في الأفكار وانبش واتوهم و اشوف و و و وتعععععبت .. انا مشكلتي مو وسواس بالضبط .. انا مشكلتي اوهآآآآم ... وسؤالي لك يآ احب الله .. هل الاوهام مع الوقت تزول التصورا هل تختفي اذا كان عندك علم لا تحرميني منه لان انا وضعي في السليم .. لكن الآوهام تذبحني ,, مع محاولتي لتجنبها عدة مرات افلح في اغلبها لكن تهزمني كل ما كنت مكتئب و قلق .. لان الدعوه صآرت ترابط .. يعني كل ما حسيت بإكتئآب .. جات الآوهام والافكار .. يعني ارتبطت ببعض .. لو اقدر افصلهآ .. اصير اتحكم فيهآآ .. .. .. الله يوفقك ويجزآك خير .. وعقبآلك الزوآج .. بالزوج الصآلح يآرب , . . ملاحظة هذآ رابط بمحاظرة الدكتور صلاح الراشد .. حجمها 10ميقآ .. http://www.zshare.net/download/514962095d08ff/ رآح اسمعهآ بإذن الله ... |
|
15-05-2011, 04:38 AM | #20 |
عضـو مُـبـدع
|
شكراً أخوي أحبك على هذا الاطراء
أنصحك نصيحة انك تكتب موضوع في موقع استشارات للدكتور محمد عبدالعليم وهو من أفضل المواقع من وجهة نظري وراح تستفيد منه كثير وهو راح يقدم لك الطريقة التي تقدر بها انك تتخلص من الاوهام ويوضح لك كل شيء أشكل عليك والحمد لله أنك قدرت تتخلص من الوسواس القهري وصار عندك تحكم في أفكارك بنسبة كبيرة فهذه نعمة عظيمة وأنا ماعندي جواب لكل استفسارتك فلست متخصص في علم النفس ولكنها تجربة شخصية مريرة مريت فيها لكن اقدم لك نصائح على عجالة : 1-الوهم هو عكس الحقيقية فليس من العقل والمنطق أن يضيق صدرك على شيئ ليس بحقيقي وحتى لوكان منطقي . لان الاوهام بعضها مشكلته أنه منطقي ولكنه ليس بحقيقي !!! فالرجل مثلاً الي يتوهم أن زوجته مثلاً تخونه فالفكرة في أساسها وهمية ولكن العقل الوسواسي يصورك لك هذه الفكرة أنها منطقية فيقول لك مثلاً أن فيه احتمال ولو بنسبة واحد من مليون أن زوجتك تخونك أو هل زوجتك مثلاً ملاك ولاترتكب الخطيئة ويبدأ الوسواس يجيب لك المشاكل والاضرار الي راح تصير لك لو كانت زوجتك فعلاً خائنة. فهذه مشكلة الاوهام أن كانت تقوم على أساس منطقي ولكنها ليست حقيقية ومنطقها هو الشيطان أو العقل الوسواسي المزيف فحاول انك ماتشغل نفسك بها ولاتخليها تأثر عليك فما دامك تدري أنها وهمية فحاول انك ماتنزعج منها وحتى لو كانت فظيعة جداً جداً جداً ولا تخليها تأثر عليك واعتبر أنها ذكريات راحت مع مهب الريح وانك غير محاسب عليها وارد واقول وحتى لو كانت فظيعة وحتى لو كانت فظيعة ولا يقبلها دين ولا خلق لانك خلاص تخلصت من الوسواس ومابقى الا اوهام تروح بإذن الله 2-حاول انك تمارس الرياضة لانها تجهد النفس وتوسع الصدر ولا تخليلك مجال للتفكير 3-كن واثقاً من نفسك 4- ولا تتردد أبداً في اتخاذ أي قرار 5-افترض حسن النية في الناس 6-تعلم كيف تحب نفسك وبالنسبة لسؤالك هل تروح الاوهام مع مرور الوقت اذكر ان الدكتور محمد عبدالعليم اذا ماكنت ناسي أنه كان يقول أنها تروح مع مرور الوقت افتح صفحة جديدة مع الدنيا ووسع صدرك فيها وحاول انك تخالط الناس واضحك معهم ولا تخلي أي شيء يضيق صدرك واذا ضاق صدرك خالط الناس والعب على نفسك بالضحك مع الناس واالتفاعل معهم لان سبحان الله الضحك يوسع الصدر وحتى ولو كان متكلفا فيه الله يشفيك ويعافيك |
|
15-05-2011, 05:50 AM | #21 |
عضـو مُـبـدع
|
وبقى شي مهم جداً
1- تأنيب الضمير : لاتؤنب نفسك أبداً مهما سويت ومهما عملت لأنه مدخل للشيطان 2-لاتنشد الكمالية ولا المثالية فهي كالسراب الذي يعتقده الضمأن ماءأ وآخر نقطة الله سبحانه وتعالى رحيم كريم عفو غفور يغفر الذنوب جميعاً اذا دعوته ولاكن لايدخل عليك الشيطان ويقول أن دعائك غير مستجاب أو كرر الدعوة |
|
15-05-2011, 07:45 AM | #22 | |
عـضو أسـاسـي
|
مآآشآء الله علييييك .. كأنك تقرى افكآآآري يآ ولد انت فضييع .. انا اقولك انا ماني شكآك لا .. الحمد لله انا بعيد عن الشك .. بس انت عارف كل واحد في العالم يكره الخيانه او ما يتمنى تحصل له .. ولازم تكون وآثقه من الطرف الآخر بس يآ احب الله الي يعذبني دآئمآ مقولتك الي جت ع الجرح ... اقتباس:
بس قلق اقدر اتحكم فيه بقددددر المستطآع ... وبصرآحه احيآنآ يجي القلق لا شعوريآ وبدون سبب .. وسبحآن الله الشيطآن حريص .. اول ما يجي القلق .. يدف عليك وآحد من الآوهام . ويلعب في حسبتك .... لكن مآ اقول الا الله يبيض وجهك ولا يحرمك الآجر يآآآرب انت انسان تحب الخير وقلبك طيب .. وحبيتك .. |
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|