|
|
||||||||||
الملتقى العام لكل القضايا المتفرقة وسائر الموضوعات التي لا تندرج تحت أي من التصنيفات الموجودة |
|
أدوات الموضوع |
03-09-2003, 12:48 PM | #1 | |||
عضو
|
عائلتي والخوف من الحشرات ( الصراصير )
بسم الله الرحمن الرحيم
ايها الاعضاء الاعزاء .. ايها الزوار الكرام لمنتدانا المحبوب السلام عليكم ورحمة الله وبركاته كيف انتم والاجازة بهالقيظ الممتع ؟ اكيد انكم مبسوطين وتحسون بالمرح والحيويه والنشاط >>> اخرف شفتوا الحر وش يسوي المهم اللي قعد معنا بهالحر الله يعينه واللي هج برا سوى خير خفف من الزحمه شوي. عادة كل صيف نسافر الى بيت جدتي نقيم عندها ايام لانها تسكن في مدينه اخرى والحمدلله انها في مدينه ثانيه والا كان ماسافرنا ولا طلعنا المهم في ثاني يوم لنا في بيت جدتي كانت ليلة مرعبة وفجأة سمعنا صرخة مرعبة فجع كل من في البيت واذا باختي تصرخ صرصاااااااااااااااااااااار .. عادة تسميه صرصارايه وهذي المرة سمعتها تصرخ وتقول : صااااااارووور صاااروووور .. وتتمتم بكلام لا افهمه قد يكون من شدة الرعب .. ماعلينا نرجع لسالفتنا البيت كله اتكهرب كلن قام يركض واللي يهرول واللي جزمه واللي صندل واللي علبة مناديل وامي من بعيد تقول : لاتوسخون الجزم فليت خذوا فليت .. وانا اعرف امي ممكن تهاجر بلد علشان صرصار .. المهم ماشاء الله على اخوي الصغير هو اشجعنا وهو اللي قضى على ذلك المرعب المخيف بكل قوة وشجاعة ثم عدنا الى اماكنا سالمين وكاننا راجعين من حرب وفي اليوم الثاني وانا في امان الله فاذا امامي شيئا يلمع وقرنا استشعار لا تهدأ كانه يريد ان يغرزها في عيني فصرخت باعلى صوتي وخرجت اركض في ارجاء البيت لا ادري الى اين اذهب ؟؟ وبعد ان قضي عليه ايضا بفزعة اخوي الصغير الشهم الشجاع >>> والله لو انه ذابح بوش قالت امي الليله نبات عند خالتكم الى ان نشوف حل لهالصراصير .. لكن جدتي الضعيّفه قالت : والله ماببيتي صراصير !! ماعمري شفت ولا صرصار .. بس يمكن من شدة الحر طلعن !! >>>> شفتوا الحر وش يسوي ؟؟؟؟؟ وبينما نحن نستعد للذهاب سمعنا صرخه اخرى يااااااويلي اكيد صرصار !! وبدا الرعب يدب في قلوبنا ولكن اخي الصغير الشجاع سمعته يصرخ ويقول لاختي : ياخوافه هذا ورق يلمع مو صرصار .. ياخوافين ... يحووول من الرعب صار يتهيألنا ان في كل مكان صرصار .. وركضنا على طول لبيت خالتي .. لقيناها عند الباب هي وبزرانها ... يقولون تفضلوا اقلطوا ناموا عندنا وعليكم الامان ماعندنا صراصير . وما رجعنا لبيت جدتي الا بعد ماجت شركة رشت البيت مع اني كنت مبسوطه عند خالتي عشان عندها نت وجدتي ماعندها !! تقول مااعرفله !! ولا ادري وشو ؟؟ هو شي يوكل ؟؟؟ لكن القرب من جدتي يشعرني بالدفء والحنان الله يخليها لنا ويعطيها الصحة والعافيه .. امين .. لنعود لقضيه ذلك المرعب المخيف .. اللهم لاحوالينا ولاعلينا اعرف انه سبب مشاكل كثيرة فاحدى قريباتي اجهضت لانها سقطت من السرير هربا من صرصار !! واخرى عندما عاد زوجها من العمل وجدها لم تطبخ ولم تحرك ساكنا في البيت وملطخه بالصابون والشامبو لانها شافت صرصار بالحمام !! اكيد انكم ايها الاعضاء الكرام ممروا بمواقف مشابهه وخاصة الحريم .. مارأيكم كل من له موقف مع الحشرات يكتبه لنا !! وما رأيكم بموضوعي قصه تناسب الاطفال بس لاترعبون اطفالكم بدل الصرصار قولوا فراشه .. ولا ادري مارأي الاطباء النفسيين هل الخوف من الحشرات بالذات الصرصار مرض نفسي ؟؟وهل اللي مايخاف من الصراصير يدل قوة الشخصيه والثقه بالنفس ؟؟ وووووووواترككم الحين بسرررررعه لاني احس ان فيه صرصار يمشي على رجلي .. الله يستر .. مع السلامه من الصارصير . المصدر: نفساني
|
|||
التعديل الأخير تم بواسطة بنت الأجواد ; 03-09-2003 الساعة 12:51 PM
|
03-09-2003, 01:26 PM | #2 |
عضو
|
بسم الله الرحمن الرحيم
اللهم حوالينا ولا علينا انا لي موقف مع البقر والله صحيح مره اول ما توظفت كنت بمنطقه نائيه وكنا بشقه الله يعلم بحالها وكنت نايم وفجأه الا صوت المكيف يوم فرقع وانا اقوم ماادري انا اتشهد ولا اتعوذ من ابليس المهم المكيف انفجر وربك ستر خذيت فراشي وحالتي حاله من الحر وطلعت برا عند باب الحوش وافرش واتعوذ من ابليس وانام وبآخر الليل ما ادريت الا اللي يلعب في وجهى وآذاني والله وافز كاني عنتر بن شداد( والله من الشجاعه) ماعندك احد الا ذاللي في وجهي ( يالله مساء خير يالله) الا هي بقره لقيتني نايم قدام باب الحوش وهات يا لحس في وجهي والله اني خذيت يومين ما رقدت من الروعه بس احسن مافيها انها قومتني لصلاة الفجر تحياتي |
|
03-09-2003, 08:51 PM | #3 |
عـضو شرف
|
هههههههه بنت الاجواد يازين سوالفك هي قضيه حساسه عند بعض الناس يموت ولايشوف صرصور ذكرتيني بخوي مايقوم لو نفجر قنابل عند راسه بس يوم يسمع ان في صرصور دخل الغرفه نقزززززززز وماشوف الا غبرته مع الباب سبحان الله انا ماشوف شي يخوف ماني هاضم فكرة الصراصير انها تخوف بس يوم شفت اخوي اقتنعت ان فيه ناس تموت بثيابه خوفا من المارد الصغير ......... ::8
ههههههههه الهاشمي انتبه من البقره لاتلحسك ثم ماتدري الا وانت وسط الامعاء عدت على خير معك تحمد ربك والف سلامه حبيبي انت :) |
|
08-09-2003, 03:27 AM | #4 |
عضو نشط
|
انا اخاف من الحشرات واقرف بعد بشكل فضيع واحس انها دخلت جسمي من الخوف لدرجه ما احب المزارع حتى احرجت امي معي الناس مستغربين مني عشاني اخاف ......
تخيلو مره بمزرعه طلع عقربين وماشاء الله ما خافو وانواع الحشرات طلعت وانا حالتي حاله كرهت حتى نفسي ........ولو يكون فيه حشره بالبيت يمكن انحاش منه واخليه للحشره هههههههههههههههههههههههههههههههههههه |
|
08-09-2003, 07:27 AM | #5 |
عضو نشط
|
السلام عليكم ورحمة الله وبركاته
صرصار ..بقر..عقرب..إيه هين..وش قولكم بالفيررررررررررران... عاد قصتي ولو إنها قديمة.. كح ..كح... لكن والله إلين يومنا هذا وهي معلمتني درس محترم...::12 القصة ياسادة ياكرام صارت من حوالي 7سنين ..يعني يوم كنت بالمتوسطة وكنا رايحين نزور احد المعارف ويوم جيت ادخل البيت أصرت الوالدة -الله يطول في عمرها- إني أدخل بدون الجزمة -الله يعزكم -وعاد أنا مو لابسة جزمة لا حشى ناطحة سحاب ( على أساس كنا في الشتاءلابسة بوت) ما علينا ..المهم سهرنا عند الجماعة وأتعشينا وما طلعنا إلا قرب الفجر ..عاد انا منتهية خلاص ماني شايفة قدامي ::4 لبست ناطحة السحاب ..اقصد الجزمة وركض على السيارة .. وحنا في الطريق للبيت احس في الرجل اليسار في شيء داخل الجزمة ..بس من العجز الله لا يبلاكم ما فيني شدة أفسخ الجزمة ..بس لقيت الوضع ما ينسكت عليه أقول لأهلي والله ياجماعة الجزمة فيها شيء ..وخليت عني الكسل وفسخت الجزمة وكان أقلبها ..(أنفضها بالعامية )..و عينكم ما تشوف إلا النور هو شيء طاح على الأرض بس السيارة ظلمة ما اشوف زين ..a::1 وكان أنور اللمبة الصغيرة في سقف السيارة ..:( تسألني الوالدة إيش لقيت ؟! كان أقلها :ههه ههه هاااااااااهاااااااا..ولا شيء بس فار::9 ومن يومها للحين ما ألبس الجزمة - الله يعزكم - إلا وأنا منفضتها زين::12 وسامحوني على الإطالة ::7 |
|
08-09-2003, 03:00 PM | #6 |
( عضو دائم ولديه حصانه )
|
ان صاحبة مواقف مشرفة مع الصراصير ..وعععععع ...طبعا مشرفة للصراصير ...ما ادري وش سر الجاذبية اللي فيني بالنسبة لها وانا صغيرة ...الاقيها قدامي وين ما اروح ..الله لا يعيدها ايام ..
تحياتي لك اختي بنت الاجواد ...وتحية لجميع صراصير العالم |
|
08-09-2003, 03:33 PM | #7 |
عضـو دائم ( لديه حصانه )
|
تقول إمرأة بوسنوية : (( كنت أطعم أولادي أفخر أنواع السمك ... والآن مستعدة لأن أطعمهم الفئران )) ..
حالة الترف الذي نعيشه ... جعلتنا أمة هشة ... تخاف من الأوهام .. أم تخاف من الصراصير ... كيف تكون أم لمجاهد شجاع شهم ؟؟!! ------- بنت الأجواد ... أسلوبك الجميل ذكرني بلمياء ------ لك الله يا شراني لك الله يا مثايل لك الله يا واهمة لكم الله يا من أفتقدكم... |
|
08-09-2003, 07:25 PM | #10 |
عضو جديد
|
السلام على الجميع و رحمة الله و بركاته
أقدر شعور كل من يقرف من الحشرات لدرجة الرعب ::4 و كلما زاد عدد أرجلها ..... زادت رعبا... بالنسبة لي فان أكثرها رعبا على الاطلاق هي العناكب... يا ماااامييي!!!! هل هذا الخوف من الحشرات نتيجة لحياة الترف التي نعيشها.. على رأي النشمي؟؟..... أم أنها من طبيعة النفس البشريه؟؟؟؟ بنت الأجواد....قصتك حلوه مررره..يعني اذا أخوك الصغير الله يخليه لكم مو موجود في وقت أزمه صرصوريه من هاالنوع... ايش راح تسوون؟؟؟؟ بسمة أمل.... فاااار؟؟؟؟ .....في البووووت؟؟؟؟ قويه!!! و الله يسكنهم في مساكنهم ! |
|
10-09-2003, 07:44 AM | #11 |
عضو
|
الهاشمي
انا حدي يطلعلي صرصار .. جرادة .. وان مرة مرة طلعلي عقرب بالبر اما بقررررة .. كان انهبل .. بس احسن مافيها انها قومتك لصلاة الفجر *********** ثامر وهذي من فوائد الصراصير !!انها تصحينا من النوم :) هههههههههههه يعني المفروض انا واخوك واللي زينا مانشري منبه !! المفروض نطلع البر ونلقط لنا كم حشرة تصحينا كل يوم :) *********** نبض الوجدان هو خوف على قرف .. حتى ماتقدرين تطالعينها تحسين جسمك كله يتقشعر من منظرها وعععععععع ويابخت الحشرة اللي بتطلع لك .. بتفوز بالبيت ههههه *********** بسمة امل يووووووه الا الفيران بس انتي ماشاء الله عليك قويه بس ههههه ولاشي بس فار لو انا كان : وااااااااع واااااااااااااااااع واااااااااااع فااااااااااااااااااار ********** رسيل هههههههه طبعا الشرف لهم انهم يطلعون لنا ويفجعونا والا حنا نسميه حادث ماساوي .. رسيل ... صراصير العالم تبلغك تحياتها :) ********** النشمي تقول إمرأة بوسنوية : (( كنت أطعم أولادي أفخر أنواع السمك ... والآن مستعدة لأن أطعمهم الفئران )) المرأة تقصد انها لاتجد ماتطعم اطفالها وهذا اسلوب مجازي ومايمنع انها تخاف من الفيران !! طيب فيه ناس يخافون من الخرفان وياكلون لحمهم !! والهاشمي انفجع من بقرة واكيد ياكل همبرجر :) وفيه ناس مايخافون من الخنزير بس ماياكلونه :) ههههههههههههههههههههههههههههههه وهذا امي هي اللي ربت اخوي الصغير اللي مايخاف من الصاراصير عموما .. انا مانيب شايفه رابط بين ردك وموضوعي !!!!! و مين لمياء ؟ :) *********** مثايل .. سمير الشاطئ مشكورين لمروركم *********** بدره وعليكم السلام ورحمه الله وبركاته انا اقول انها الاثنين سوا .. حياة الترف وطبيعه النفس البشريه يعني تجيك وحدة عمرها ماشافت خاروف بعدين شافته شي طبيعي بتخاف بس وحدة عايشه بمزرعه متعودة عليهم من طفولتها :) وممكن وحدة متربيه بمزرعه بس برضو تخاف .. طبيعه النفس البشريه :) 8 8 ( تتفلسف ) |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|