إخواني بليز ردوو علي عاجلا

اهلين

اخوي ماعليك شر

وهذي اعراض التوتر والقلق العام والهلع

مريت بكل الا وصفته وخصووصا انك تحس حالك فوق سفينه وانت راقد

الماي يوديك وجيبك وكل ماتبي تنام ماتحس دماغك يووصله اكسجين وتحس بضيق نفس

وبعدين بتوتر اكثر وبتفكر بحاله اكثر وبصير عندك هلع وراح يعطي جسمك اشارات خاطئه للمخ

انك قاعد تتعرض للخطر ووبتزيد عندك لعراض

ياليتك تطنش كل عرض يجيك حتى لو استمر يوم كامل عيش وتصرف ولاكانه عندك نوبه هلع

وشوي شوي راح تتغلب عليها

بعطيك مثال في السابق لما كانت تجيني هالحاله

استرخي وواخذ نفس عميق واكتمه اربع ثواني وطلعه من فمي 6 ثواني بهدؤ مده
عشره دقايق
اشرب لك يانسون او بابوونج

لاتفكر واايد بالاعراض حط في بالك انه الكل يعاني من هذا الشي والكل يطنش

وياليت تقرا موضوع فووق مثبت بالقسم للعلاج السلوكي 1&2 للاخت ملكت السكوت


معافى

والله شوف نوبات الهلع الي عندك زي الي عندي بس اانا اكثر منك وااااجد اانا خلاص اشوف القموت قدامي بكل لحظة في اليوم بس ااااحاول اطنش قد المستطاع امس جتني الصباااح والله مت خلاص رحت للمستشفي وقبلني دكنور قلب بريطاني وقالي كل شي في الطب من تحاليل واشعه عملناها لك وكلها سليمه انسي موضوع قلبك انساها طنش شوف من ايش تخاف واعمله اانا بقااااوم بعيد عن الادويه

إخواني أنا الحمد لله تمام
بس وقت النوبه كان الألم شديد والدوخه شديده وعدم الاتزان شديد جداً علشان كذا كل ما جئت أنام أخاف اكثر وصداع وكذا
أتوقع انها نوبه هلع قويه وانا ما قدرت تسيطر عليها.
لكن مؤ المفروض أني اكون تعودت عليها خلاص

المشاركة الأصلية كتبت بواسطة ملحوس من عام 27

اخي الصبان انت فعلا تحتاج الى علاج لمكافحه نوبات الهلع صدقني خذ بنصيحتي وخذلك علاج لفترة سته اشهر هذا اذا انت تبي تعيش مرتاح بحياتك لانك مبين عليك من الذين يفكرون كثير صدقني ماراح ترتاح اكثر الا بالعلاج بس فتره واتركه تدريجيا وراح تحس براحه كثير انصحك بعلاج سبرام حبه كل يوم بعد الغدا اذا ارتحت عليها كويس ولو مو مرتاح كل حبه ونص بعد اسبوعين من تناول حبه من قبل يعني زد الجرعه وصدقني راح ترتاح كثيييير مرا ولا تترك العلاج من نفسك بعد ست شهور اذا شفت ان فيه تحسن مرا اتركه بالتدريج من حبه ونص الى حبه كل يوم بعدين حبه يوم وراء يوم بعدين كل يومين حبه اللين تنتهي من فتره العلاج ... وصدقني انت محتاج علاج لاتقول انا راح ارتاح بدون علاج كل اللي هنا في المنتدى ياكلون ادويه لاتخاف غير مظره هي ...
اتمنى لك من كل قلبي الشفاء العاجل والحياة الطيبه الكريمه
اخوك ،/ ملحوس

أخى ..ممنوع وصف الأدوية بالمنتدى إلا من قبل الإخصائيين ،،،،

السلام عليكم اخي الصبان انا اكثر وحدة حاسة بك لانني مررت ولا زلت امر بهذه الاعراض ولي ستة اعوام ولا زلت لو اتاقلم مع الوضع وانا غبت على المنتدى لان الدوخة اشتدت بي وانا لا اخاف من الدوخة قدر ما اخاف من الدوار لان هناك فرق بين الدوخة والدوار ماذا اقول غير الله يشفينا لان لا شافي الا الله فنحن نا بالسباب والنتيجة على الله

ربي اني مسني الضر وانت ارحم الراحمين

إخواني المشكله نوبه الهلع كانت شديده جداً وكنت خايف جداً حتى تمارين استرخاء ما عرفت اسوي تمارين استرخاء والدوخه والدوار ما راحت ابد تصدقون حيويتها غير مدري ليش إخواني
هل احد مر منكم ينوبه هلع قويه جدا
وكيف يتصرف معها

السلام عليكم اخوي الصبان انا مرت علي نوبه هلع قويه جدا مع دوار ونفس الاحساس الي انت حسيت بيه اول شي انا رحت دورت على سبب الدوار وطلع عندي ضعف نظر ولبست نظارات والحمدلله اختفت الدوخه الان تاتيني بسيطه جدا بس بنصحك نصيحه لوجه الله كل ماتجيك النوبه اشغل نفسك باي شي مثلا اذا عندك سير قوم امشي علي او اتصل علي اي احد من اصحابك معارفك وحاول تتكلم معه عللى الاقل ثلث ساعه او ربع ساعه صدقني انا مجربه انا كنت كل ماتجيني النوبه اقوم ادخل المطبخ اسوي اي حاجه او اني اطلع اي موضوع ولو تافه واتكلم فيه مع زوجي او اتصل عللى اي احد واتكلم معه صدقني الي فيك شي عادي لاتخاف كلنا مرينه فيه
وارجو من الله الشفاء لي ولكم

سوري بس بنصحك نصيحه ثانيه لا تستخدم اي علاج حاول تتاقلم مع الوضع الي انتا فيه وتعالجه سلوكيا نصيحه انا استخدمت ادويه احس عللى قد مافادتني ضرتني بصراحه

اشكرك ام حور أنا استخدمت ادويه وما نفعت
أنا تعاليت سلوكيا والحمد لله فادني كثير
أنا الان أختي فقط من زمان ما جأت نوبات هلع قويه يعني تخيلي البارح حتى نوم ما نمت والله ما قدرت دوخه شديده كل ما جئت أنام احس راسي كان يحركه المومياء شرقه غصه في الحلق كتمه في النفس خو ووف شديد من المووت ما اعرف تسيطر على نفسي
قلت شكلها نهايتي وكذا حتى استرخاء ما قدرت عليه والله
المهم إخواني هل هذه هي يسمونها نوبه هلع قويه
وكيف استطعتم وتجاربكم معها كيف تغلب تو عليها أسف على الاطاله وشكرا

اخي الصبان كل هذه اعراض عاديه ونحن بالانفعال والفزع نزيدها بكثرة التوقعات السيئه وكل مره تجي الحاله نقول هذه المره غير هذي اشد وهي كلها نتيجة مخاوفنا
هدي من روعك ومافيك الا العافيه
شفانا الله جميعا

أنا اعرف هذا الشي الله يجزاك خير بس تعرف المرض هذا ما خلانا نفكر بعقل لذلك اسأل ولما ألقى احد زي اطمئن فهمت اخوي
علشان كذا اسأل هل احد مرت عليه هذه الأعراض وكيف تغلب عليها