اين المشكلة الرئيسية؟؟؟؟؟؟

اين المشكلة الرئيسية؟؟؟؟؟؟

انا بصراحة تاية جدا ومش عارف الى عندى ده وسواس قهرى بس ولا فيه حاجة تانية معاه فياريت تقولولى ارائكم فى المشاكل دى هو انا هروح عند دكتورة ان شاء الله بس لسة فى شهر 10 بس مؤقتا عايز اعرف ارائكم
انا هكتب المشكلات بأيجاز عشان هى كتيرة
نبدا على بركة الله

1- العادة السرية - مقتنع انها مش صح وحرام لكن لما ببطلها بتعذب جامد جدا ومش ببقى مستريح غير لما اعملها ممكن ابطلها اسبوع ولا اتنين لكن برجع اعملها تانى
2- فتور الهمة - يعنى انا واثق ان عندى ارادة لكن بعد فترة بيجيلى فتور فى الهمة يعنى مثلا ببقى نفسى اقرأ كتب مفيدة واتقرب من ربنا واشغل وقت فراغى وده ممكن اعملة يوم ولا اتنين لكن بعد كده بيجيلى فتور
3- الوسواس القهرى - عندى وسواس قهرى متعلق بالنقط السوداء الى على السيراميك والنقط السوداء الى فى الوجه يعنى مش ببقى مستريح عندما ارى هذه النقط السوداء فى اى شىء
4- الفراغ العاطفى - نفسى ارتبط ببنت واحبها وتحبنى لكن ساعات بدخل فى صراع نفسى واقول لنفسى ازاى هحب بنت وانا اصلا عندى كل المشاكل دى حرام اظلمها معايا
5- عدم وجود اصدقاء - عايز يبقى عندى اصدقاء يسألوا عليا واسأل عليهم ويشاركونى افراحى واحزانى ونخرج مع بعض وكده
6- لا استطيع التعامل مع الناس (رهاب-لعثمة) عندى مشكلة فى الكلام يعنى بتكلم بسرعة جدا وباكل الكلام وعندى لعثمة مع ان الحاجات دى مكنتش عندى وانا صغير وعندى خوف اجتماعى رهيب يعنى لما حد يكلمنى او اكلم حد ببقى مرتبك وبعمل حركات غريبة بجسمى
7- مش عارف انزل وزنى ده ناتج عن فتور الهمة ولقد ذكرتها قبل ذلك
8- الفطريات لم اجد لها حل حتى الان وهى توجد بين الفخدين وتسبب لى رائحة كريهة جدا لدرجة انى اخاف من الجلوس امام احد ولقد اتعملت اكثر من كريم لعلاجها ولكن دون جدوى انا كتبت هذه المشكلة لانها تضايقنى كثيرا ولا اعلم لها عامل نفسى ام لا
9- تقلب المزاج بشدة يعنى كل شوية بحال بتحول فجأة من مكتئب لانسان سعيد والعكس وممكن اقول حاجة وكمان دقيقتين اغير رأى
10- التردد وعدم القدرة على اخذ القرار - يعنى كل لما اجى اخد قرار بيبقى صعب عليا وبتردد كثير وبيجيلى قلق
11- وقت الفراغ - عندى حاجات ممكن املاء بها وقت فراغى لكن ده يرجع ايضا لمشكلة فتور الهمة
12- الميل الى ان اكون انسان غريب عن المجتمع ساعات بيجيلى الاحساس ده وساعات بحس انى عايز ابقى طبيعى جدا
13- بنصح الناس وانا واثق انى بنصحهم صح لكن مش بتبع النصيحة الى بقولها لنفسى
14- معنديش صبر وبذهق وبمل بسرعة جدااااااا من اى حاجة حتى لو ممتعة
15- ساعات بحس ان عندى ثقة بالنفس وارادة قوية جدا وساعات بحس انى مسلوب الثقة والارادة تماما
معلومات عامة عنى - انا انسان الناس كلها بتقول عليا انى طيب ومحترم وبصلى الحمد الله ولما المشاكل بتتقل عليا اوى ساعات بيبقى ايمانى بربنا كبير اوى وساعات للاسف ببقى ضعيف الايمان لكن فى كلا الاحوال بصلى وبدعى ربنا وانا بعانى من معظم المشاكل دى منذ بداية البلوغ وانا حاليا عندى 20 سنة يعنى بقالى 7 سنين فى هذه المعاناه وعندما كنت صغير كانت ايضا لدى امراض نفسية وكان سلوكى عدوانى جدا يعنى من الاخر طول عمرى عندى امراض نفسية حتى وانا صغير مع العلم انى تقريبا كان عندى نقص اكسوجين لما اتولدت وكان وجهى لونة ازرق فمش عارف ده ممكن يكون له علاقة بحالتى ام لا بالنسبى لعائلتى فهم يحبونىى كثيرا ويعاملونى احسن معاملة منذ الصغر هدفى فى الحياة طول عمرى حتى وانا صغير انى اكون بطل حقيقى ومازال ذلك هو هدفى ولكنى اريد ايضا ان استطيع مساعدة الناس وحل مشاكلهم واريد ان اصبح مميز وامتلك هيبة ووقار

المصدر: نفساني

9- تقلب المزاج بشدة يعنى كل شوية بحال بتحول فجأة من مكتئب لانسان سعيد والعكس

- ساعات بحس ان عندى ثقة بالنفس وارادة قوية جدا وساعات بحس انى مسلوب الثقة والارادة تماما

بحكم خبرتي الطويله في الامراض النفسيه يبدو انك تعاني من (الاضطراب الوجداني ثنائي القطب ) والله اعلم ولقد وضعت لك الكتابه بالخط الاحمر لأن هذا الاعراض مؤشر لهذا المرض.

احرص على ذكر ماوضعته لك بالخط الاحمر لدكتور النفسي .

اتمنى لك الشفاء العاجل عزيزي