اين انت يا غريبه

الله أكبر كبيرا وو الحمد لله كثيرا و سبحان الله بكره و أصيلا

الحمد الله على السلامه زوزي اخبارك علومك
جامعيه موسوسه وش اخبارك ان شاء الله تمام

غريبه رجعتي و اختفيتي 😡😡😡

اعذريني يازوزي وش اسوي كله من هالوسواس اللي هلكني انتي لو تشوفين حالتي الايام اللي راحت كان تعذريني يووووووه جاني اكتئاب الله لايوريك هذا غير الاحساس اللي لعب فيني لعب شفتي الكوره مره تنشات يمين ومره تروح يسار
افكار توديني وافكار تجيبني لكن الحمد الله على كل حال
بس الحمد الله على سلامك من ذاك المشوار
ابقولك يازوزي الحين انتي بالحج وتقولين خايفه صح اقولك ياقلبي لاتخافين شفتي احساسك اللي تحسينه الحين تراه مثل احساسك ذاك اليوم يعني احساس خرابيط يعني ارتاحي واذكري الله ترى اذا استسلمتي للخوف راح تخسرين
انا عارفه ان هذا الشعور لايوصف وانه صعب لكن وش راح تستفدين اذا استسلمتي لهذه الافكار ماراح يجيك الا الهم والغرابيل ا

اسمعي ابغاك تدعين لي وش بعد ايه ذكرت ابغاك تدعين لامي باللشفاء ووش بعد ايه ذكرت ابغاك بعد تدعين لنفسك لاتنسين ياحلوه هههههههههههههههههه الحين ودك تجين وتعطيني طراقات محترمه ههههههههههه

لو اني درايه انك بتحجين كان عزمت وتشجعت وحجيت معك بس انا غبيه وخوافه صدقت الافكار اللي تجيني وخفت وجلست بس الحين ندمت واللي زاد الطين بله وحده الله يهديها ماغير شغلتها انها تخوفني كل يوم صاكتني بخبر يزيد الوسواس وعاد انا مايحتاج لاتوصين حريص تقوم هالافكار تشتغل الله يهديها اذا زراتنا ماودي اقعد عندها بس وش اسوي غصب اقابلها هي تسولف وانا اسلك لها ماادري وش تقول عايشه بوادي ثاني انا هههههههههههه ايه الله يعين بس

المهم بس اتركي عنك هالافكار اللي مالها سنع واذكري الله وماهوب جايك الا العافيه



الله يتقبل منك اللهم امين ويارب يسهل عليك اللهم سهل عليها وابعد الوسواس عنها يارحمن يارحيم يالله يافارج عظيم الملمات ياكاشف غموم يونس نبـيـه فرج لعبدك يارفيع المقامات وسهل عليها الحج يارب البريه

أمين يا رب و الله دعيت لكم كلكم

بس و الله الوسواس لاعب فيني اللحين مره خايفه 😭😭

لكن الله يرجعني لولدي بالسلامه

الله يجزاك الجنه حتى انا مانسيتك من الدعاء

حبيبي زوزي بسم الله عليك تعوذي بالله من الشيطان الرجيم لاتمشين مع هالافكار ترى بتزيد الوسواس يعني اذا جاك احساس انك بتموتين لاتمشين مع هالاحساس على طول تعوذي من الشيطان
طيب ابقولك امس اكيد كنتي خايفه او اقول الايام اللي قبل كنتي خايفه صار شئ يوم خفتي الحمد الله مابك الا العافيه اجل ليش تمشين مع الوسواس المشكله مانعترف انها وسواس
لاتخافين بأذن الله راح ترجعين لولدك وانتي بصحه وسلامه الحين حاولي تهدين اعصابك واي فكره تخطر في بالك حاولي قدر الامكان انك ماتمشين معها
ياقلبي انتي الحين عقلك مليان مخاوف وتوقعات وخيالات كلها سلبيه يعني اللي تحسين فيه الحين من خوف تراه مجرد اوهام ووساوس

صدقيني انا يوم كنت في السفر جاني احساس مو طبيعي اني خلاص ابموت وكل يوم يزيد الاحساس وعشت كل السفر في رعب ورجعت الحمد الله والحين ندمانه ضيعت كل ذيك الايام باحساس كذاب فاقولك هذ شئ طبيعي للموسوسين مثلنا انهم اذا كانو في سفر او ابتعدو عن البيت
تزيد الاحاسيس الكاذبه وتزيد وسواس الشيطان عشان يخلينا نعيش برعب وصدقيني اللي تحسين فيه موب صدق كله مجرد اوهااااااااااام
الحين قولي معي حسبي الله ونعم الوكيل حسبي الله ونعم الوكيل ابغاك تقولينها من قلب يعني وانتي تستشعرين كل كلمه
لاتقعدين فاضيه يعني اشتغلي بالذكر خلي لسانك يشتغل بالتسبيح والتهليل والتكبير

الله يسهل عليك وترجعين سالمه غانمه اللهم امين
استودعتك الله الذي لاتضيع ودائعه
استودعتك الله الذي لاتضيع ودائعه استودعتك الله الذي لاتضيع ودائعه

الحمد لله رجعت بالسلامه و الله يتقبل

دعيت لك يا غريبه انت و أمك 😘

و الله الوسواس لاعب فيني لعب و الله اني الحج كله و انا كل يوم أقول باموت

ولكن ما نقول غير الحمد لله

الحمد الله على السلامه
الله يجزاك خير يازوزي على الدعاء

الحمد الله على كل حال