لا احد يساعدني في مرضي لا ادري ماذا افعل

لا احد يساعدني في مرضي لا ادري ماذا افعل

السلام عليكم

شكيت حق ابوي بين كل فترة اني ابي اروح حق دكتور نفسي
لكن مافي فايده وكل ماقوله بين فتره تطول عن الي سبقت وآخر شي قال الدكاتره يزيدون حالة الواحد

انا ماعرف شاسسوي صرت كأني احيانا اخضع حق وسواسي وافكاري
افكار جدا سيئه وغير طيبه تشوهات تفكير انحطاطي او تخيلات شاذه او الحان مزعجه تتردد فبالي
او صفات احد تتردد على بالي كأني شريط يسجل ويزعجني

عمري الحين 16 احس من كثر ما حسيت من هالجانب النفسي صرت كأني انهار فداخلي
لكن ماسكه نفسي عادي صرت احيانا بين فتره وفتره دقات قلبي اتغير الي عرفته بسبب القلق او توتر او حته السبب احد احبه تخلى عني او ابتعد بغرض السبب العمر ولا حاالات شخصيه ثانيه
ماعرف شاسوي مستواي الدراسي قاعد يتدنى ينزل وانا احل ولا ادرس تشتت في افكاري ماعدت اقرى طبيعي مثل قبل كله تداخلات مثل لما تتكلم مع احد حوار جاد واحد آخر يدخل صلب الموضوع
يا يقاطعك او ينرفزك او تترك المكان وتكتم فقلبك ومادرس او ااجل الدراسسه

شنو الحل ممووعارفه شاسوي
اصيح واكتب خواطر واكتب اشياءات خسرت علاقات بسبب يمكن وسواسي لكن مهما كان هالقاعده معروفه الي يبيك مايتركك مهما كان
اهلي احيانا يضغطون علي كأن يبون كل شي عالي اسويه وتفوق احيانا اتم اصيح ماعرف اتكلم حق من ومن يساعدني من يفهمني يوديني دكتور نفسي

احيانا مانام زين ويخترب نومي انام طول النهار خصوصا احين عطله صيفيه امس آخر امتحان قدمته الحمدلله

ياليت احد يحس فيني ويقولي شنو اسوي
انا احس شلت الامل اني اقول حق ابوي بعد اني احتاج اروح
كل ماكبر احس تتعلق اموري
وهاي غير الوسواس الي فداخلي سب وشتم ودعوات لا اراديه تذبحني حته لو مجابله احد كان قريب من شخص احبه او شنو

المصدر: نفساني

لا تفكري كثير حاولي ما تقعدين بروحج
اقري المعوذات



بس قبل كل شي احذرج من ادوية النفسية هي لها ايجابيات و سلبيات شوفيها بالنت
سلبيتها تبط الجبد تعيشج بجحيم لما تركتها بس مع شهور تروح و انا زاد وزني 30 كيلو تقريبا من هذة سبة ما اروح الجامعة لكن الحمدالله تحسنت من ادوية سكتت الافكار انا مشكلتي تقريبا مثلج .


ان شاء الله هذه وسواس يروح عنج :)

و عليكم السلام و رحمة الله و بركاته

لا تفكرين وايد انا أنصحج و انا روحي غارقة في التفكير :'(

بس شو بنستفيد من التفكير في النهاية ؟ في النهاية نحن اللي بنتعب و بس ..

تركي كل شيء على جنب و قعدي استغفري وادعي و بسسس.

ربي يشرح لج صدرج وينزل السكينه في قلبج ، الله قادر على كل شي، الدعاء لاتنسينه لعل الله يستجيب لج في لحظة وينتهي هذا الجحيم

جزاكم الله خير