نوبات هلع بالسياره

نوبات هلع بالسياره

السلام عليكم

بدخل بالموضوع

قبل ثلاث سنوات تقريبا كنت راجع بطريق سريع الساعه 2 باليل
طبعا جاني النوم قبل مدينتي 100 كيلو كملت بس لما اوصل منطقه مرتفعه اخاف افقد السيطره على السياره
ثم امسك يمين واهدي امشي تقريبا 40
طبعا وصلت ولله الحمد بالسلامه .
بعدها مشت الامور عادي
لما تزوجت اسافر عادي الحمد لله
بس الان وبعد زواجي بثلاث سنوات رزقت ولله الحمد بابنه
لما امسك طريق سريع مااقدر اتعدى 120 بالسرعه بالكثير
وبعد ماامشي تقريبا 300 كيلو ابدآ اخاف من اني اعدي سيارات ثم امسك الوسط وامشي 70 الى 80
يعني اسبق سيارات احس لو اني بسبق سياره وانا ماسك اليسار وهو جنبي يجيني خوف اني
مااقدر اعديه واذا عديته بتروح السياره مني طبعا اول مامسك الخط عادي لكن بعد فتره تبدا تجيني
قبل شهرين تقريبا كنت بالدمام وماشي بجسر البحرين رحت وصلت الجزيره ورجعت بس بالرجعه عجزت اكمل اخاف السياره
تطيح وافقد السيطره عليها ولله الحمد والمنه عدت على خير
طبعا اتجنب السفر بالليل .
سالت الدكتور طارق الحبيب بتوتر وقالي حاله نفسيه معروفه
وارسلني لمركز مطمئنه بعنيزه
وصرفلي دواء مع جلسات
الدواء cipralex
طبعا للحين مااستخدمته لانه قالي عن الاعراض الممكنه
وبصراحه خايف استخدمه ويسبب لي تعود .
ارجو اذا فيه احد من الاخوه مر بالتجربه يفيدني
طبعا افكر دائما ان شاء الله اني اقدر اتغلب عليها والله يساعدني

شاكر لكم

المصدر: نفساني

سلمان. لا تستعمل شي حالتك جدا. عاديه. توتر بس. اكثر من الاستغفار. واعطي نفسك رسائل ايجابيه. وراح تعود. وتروح منك. لا تاخذ ادويه الحاله ماتستاهل من وجهة نظري

حتى أنا اشوف انك ماتحتاج علاج دام ما تجيك الا وانت تسوق
أنا جربت السيبرالكس اربعه سنوات وارتحت الحمد لله عليه لكن عليه اعراض متعبه والاعراض الانسحابيه كمان متعبه
واحس أني محتاجه للعلاج مدري احس أني ادمنت عليه وهذا اكبر غلط

معروف العلاج النفسي مجرد مهدئ. الا اذا كانت الحاله تستدعي الواحد مضطر لكن مجرد خوف. من شي معين اخوي انت بس لما تسوق تجيك احمد ربك. انا اعراضي مستمره اتمنى ارتاح لو يوم واحد بس ياااارب ارحم ضعفنا وقلة حيلتنا

ياهلا وغلا بأخ سلمان هاذي الحالة عدت علي ولله الحمد والمنة
خذ علاجك الدكتور هو اللي يدري عن حالتك بالمناسبة هذا علاج ممتاز جدا وراح تواجه الخوف بإذن الله
عليك بالمواجهة واخذ العلاج
انا كنت ما اروح اي مكان لوحدي ولا اطلع الكوبري خايف اني تجيني نوبة الهلع وانا فوق الكوبري ولا استطيع ان اوقف السيارة
وهكذا ولله الحمد والمنة انك في بداية مرحلة الخوف
توكل على الله واستعمل العلاج محد بيحس في حالتك غيرك انت عالج نفسك وخليك من العالم اللي تقول لاتستعمل العلاج والحمدلله الادوية كلها امنة
ويمديك تسيبها بالتدرج
دعك من من كلام العالم وتوكل على الله
مدام انك رحت للدكتور طار الحبيب ومركزه من خيرة الاطباء كلهم

توكل علي الله سلمان ، انا من سمعت الناس تقول عن لادويه واعراضها الجانبيه ، من اول حبه اخذتها جلست اترقب وش بيصير لي الحين ؟ بنجن خلاص ،، الخ
لا انجنيت ولا جاني صرع ولا فقدت عقلي !؟ بالعكس ندمت اني ما استخدمته من اول نوبه جاتني وذقت المر سنتين وبالقوه راحت

توكل علي الله واخذه مدامك استشرت الدكتور ، ونا ما اخذه الا مع ماء زمزم ، ولي متخوف من الادويه النفسيه ادخلو اليوتيوب واسمعو كلام طارق الحبيب عن الادويه النفسيه + اسالو البروفسور محمد عبدالعليم في الاستشارات عن الادويه

والله يشفي الجمييع

لايهمك طارق الحبيب لو تقول له راسي يوجعن صرف لك سيبرالكس . تدري وش علاج الي يقضي على هالخوف التافه بريجابالين (Pregabalin)، المعروف باسمه التجاري ليريكا (Lyrica) تةكل على الله وخذه ابدا بجرعة75 ملج لمدة اسبوعين ثم ارفع الجرعة الى 150 ملج استمرعليها لدة شهر ثم خفض الجرعة ال ى75 يوم وراى ويوم لمدة اسبوعين وتوقف ورايح ترجع مثل اول وخل عنك مضادات الاكتئاب مابهن خيررررررررر يارجال نصيحة مجرب مو دكتور انا اعاني لي 10 سنوات وجربت جميع الادوية التي عرفتها البشرية وانت براحتك تبي تاخذ السيبرالكس رايح تعاف الدنيا كله كلام فاضي سيرتونين والله كل الدعوى اقتصاد خرابيط السيرتونين ماله علاقه بالاكتئاب والخوف والقلق . ذولي امراض عضوية صدقني الخوف الي بك من اعصاب الراس مشدوده وهذا الي يخليك تخاف لما تاخذ الليريكا يظبط يريح اعصابك ويعطيك مززززاج على كيفك ولا له اعراض جانبية ولا هم يحزنون ولايؤثر على الجنس ابد بالعكس يزود هذي نصيحيتي لك لاني حسيت بالشعور الي يجيك بن كلب يقهر والمثل يقول اسئل مجررررررب ولا تسئل طارق الحبيب

من بالمنتدى كله تعافى بشكل كامل من الادويه النفسيه كلكم تشكون منها ومن ااثارها الجانبيه وبعظكم له اكثر من عشر سنوات يستعملها وشلون نثق فيها اساس حتى لوسألت طارق الحبيب اساس هو دكتور نفسي يبي يقولك لا تستعمل الادويه النفسيه مستحيييل هذي شغلته اساس ليش فتح مستشفى عشان يقول للناس لاتجون

اشكركم كل بأسمه

ثانيا: السميري انا فعلا اشيل هم للكوبري اذا جاء وكنت منتصف فيه احس بيجيني عدم تركيز وخوف
ثالثا: رعد القلوب ياليت توضح لي وتشرح كيف استعملته هل دكتور وصفه لك ولا كيف
وهل الاعراض اللي ذكرتها انا كانت تجيك؟
ياليت تفيدوني تكفوون

قالي بمجرد انك تتركه ترجع مثل اول
ولاراح يسبب لك اي تعود؟
والتعود خايف منه بقووه

طبعا قالي لازم العلاج مع الجلسات
قلت له صعبه الجلسات ماديا قالي تقدر تاخذ العلاج لحاله بس افضل نتيجه تكون مع الجلسات <

رعد القلوب كيف ماله علاقه ؟! ، الحين وش تقول للمتشافين من الله ثم من الادويه ؟! ورجعو لحالتهم قبل المرض ، يعني معقوله التحسن الي نشوفه فالادويه خيال ولا كيف ، وبعدين كل مرض يختلف عن الاخر يا استاذي ، وودي اعلمك شي المرض اذا ما تعالج راح يتطور ومع اني ما ودي اقولها لك ، واسال الدكاتره فهالمعلومه + المرض كل ما تاخرت وما عالجته كل ما طالت مده علاجه ، ( ققطع العلاج فجاه + عدم الاهتمام باخذ الجرعات ) يضر بدال ما يفيدك ، كل ما حسيت بتحسن راجع دكتورك ينزلك الجرعه شوي شوي

صحيح
لازم تاخذ العلاج
تتعب في البدايه من اعراضه الجانبيه بس كلها اسبوعين والا شهر وانت نتعود عليه
اذا تبي الراحه
اما اذا تبي القلق والتوتر فاستمر بما انت عليه والله اعلم