فضفضه ويوميات اصحاب نوبات الهلع

بسوم الله يوفقك ويسعدك ياقلبي انتي .. ولو حنا خوات واخوان ونوقف مع بعض ولو مانعرف بعض شخصيًا لكن نتساعد على الخير .
صراحة احلف لك ان كل ماجتني نوبة الهلع أيام اول كنت اركض امسك جوالي على طول على نفساني ههههههه ..

واللي عنده سؤال أو اللي وده يفضفض حنا هنا معكم والله معكم اولاً ~

المشاركة الأصلية كتبت بواسطة تعبت من الالم

كلي امل بالله .. اجل بحاول اسوي تحاليل للي قلتي عنهم دام انها مالها علاقه بالكالسيوم



رهايف. الله يسعدك على هالرد واحاول اطبق كلامك واتجاهل الوسواس انا لو اقدر اتجاهل كان انا با الف خير


قسم بالله تتكلمين نفس كلام خواتي يقولون لي مرضى السرطان والي فعلا عندهم امراض مستعصيه عايشين حياتهم ومتفائالين وراضين


وانتي مافيك الا العافيه وجايبه المرض لنفسك


بس هالشي غصب مو بيدي اني اصير كذا ولاني راضيه عن نفسي لاني ابي اكون قويه ايمان وتوكل على الله سبحانه وتعالى




خلاص زززهقت لابعد حد استغفر الله ياربي بس احس مافي اي طاقه للحياه كني ام ميه سنه


الله برحم ضعفنا ويفرج لنا

لبى قلبك شوفي انتي تقولين ابي اقوي ايماني .. طيب خلنا انا وياك ننظر للجانب الإيجابي من الموضوع

اللي فيني وفيك وفالجميع هو إبتلاء من الله .. والله سبحانه يبتلي عبده لأنه يحبه .. لأنه يبي يمحصه من الذنوب يعني يمحي كل ذنوبة ولو اذنب .. هنا خليك مرتاحة والله ارحم بك من امك ومن كل الناس سبحانه .. هنا المفروض نرضى ونحمدالله ونثنيه ~

والله يحب المؤمن القوي مو المؤمن الضعيف .. يعني خليك قوية ولا تخلين وساويس الشيطان تخليك مكتئبة


وترا شوفي لا يكلف الله نفسًا إلا وسعها .. حنا نمرض بمرض عادي وبسيط بس عقولنا وانفسنا تكبر الموضوع ونحس اننا مريضين بمرض مستعصي .. فيه ناس تجيهم زكمة ويجلسون اسبوع كامل إكتئاب وعشان وشو زكمة ؟ اللي قطرات تستعملينها بثلاثة ايام ثم تروح ..

شفتي الزكمة مثلها مثل الوسواس .. انتي لا تحطينه برأسك انه موضوع كبير أخذيه بسهولة .. ولا تخلين وسواس الشيطان يقول لك لاااا ترا ماهو سهل ومحد يحس فيك .. لااا ياقلبي كلنا نحس مثلك واكثر منك .. بس نتفائل وندعي ربنا وحنا موقنين اننا بنتشافى وربي يقول انا عند حسن ظن عبدي بي ..

وبخصوص التجاهل نعم نعم انا حاسة فيك شوفي اول ماتجيك فكرة على طول فكري بشي ثاني لو شي سخيف حتى لو تفكرين بشي كذب عادي ترا تنفع .. وانتي حاولي وشدي على نفسك وبأذن الله مع المحاولة بتخف عليك ..


واذا عندك سؤال لايردك شي .

الهلع ضيّق عليّ وحاولت اتخلص ، بآيات الشفاء والسكينه، لكن رجعت لي الاعراض لما تركت الآيات ، ماهو الحل ؟

هل اطنش ، او آخذ حبه عن دقات القلب ؟!!!!!!!

هلا بنت الظبي .. اختي أكيد القرآن شفاء والحمدلله نعمة من الرب
لكن حنا لازم بعد نعالج نفسنا بنفسنا ..

وتاخذين حبة عن القلب ؟؟؟؟ .. اذا تقصدين عن تسارع نبضات القلب هذي من اعراض نوبة الهلع وهي تجيك فقط اشتداد الخوف ومعروووفع اكيد اذا خفتي وكل الناس خافوا لازم تتسارع نبضات القلب ... لا تاخذين اشياء مالها فايدة

شفتي الدوخة انا رحت واشتريت حبوب تمنع الدوخة واستعملتها مدة ولا فادتني ابدًا حتى زادتها علي



علاج نوبة الهلع هو من نفسنااااا .. بعد التوكل على الله اللي نسويه التجاااااهل وطنشي وهي بتروح وبتتركك (:

مرحبا رهايف، ايوه اقصد عن تسارع الدقات يوم الواحد يشعر بخوف، وطبعا هالدقات غير عن

اي انسان يوم يشعر بيخوف، نحن بعد غير ، رجفه ودوخه وتسارع دقات القلب.

آخر مره يتني خسيت بغصه في حلقي، وكنت بروح عند اهلي ينقذوني، قلت بيخافون

قفلت باب الغرفه وتميت اطبطب على صدري وامشي لين خف عني

اللهم لك الحمد والشكر .

سبحان الله انا نفس الشي دقات قلب سريعه وصعوبه البلع انا تستمر معاي اكثر من نص ساعه تتعبني كثيير قبل اسبوع رحت الطواري كان موجود دكتور قلب فحصني وقال قلبك طبيعي جدا بس عندك قلق المهم علمني طريقه اخلي النبضات ترد طبيعيه قالي يوم تجيك ثاني مره خذ نفس واكتم وسكر خشمك وحاول كانك تطلع الهوا من خشمك بس خشمك يكون مسكر كانك تغطس في الماي لمده خمس ثوان او اكثر وطلع النفس ثلاث مرات وقال هذي الطريقه نسويها الي عنده النبض 200 وفوق في الدقيقه وتنفع معاهم اكثر من الدواء واحيانا يوم نفكر نعطيه خافض ضربات القلب في الوريد نخليه يسوي هذي الطريقه وتنفع معاهم احيانا وما اخفيكم بعد يومين زاد عندي النبض واتنفس بسرعه وتذكرت كلام الدكتور وسويتها والله دقيقه ونص اختفت بسرعععه الحمدالله جربتها مره بس وفعلا نفعتني اول كنت استخدم الزانكس بس يطول مفعوله لين يحدي الضربات نص ساعه تقريبا.

لازم الواحد يتعلم تقنيات يتخلص فيها من الهلع؛ يشوف في اليوتيوب بدل الادويه !

بس انا الزناكس ماعرفته لأي حاله بالضبط ؟

هل للأرق وإلا القلق

لأني يوم خذته عشان اهدأ وأنام حسيت بثقل في راسي

بنت الظبي خذي نص حبه انا كنت اخذ حبه احس بخمول يوم خذيت نص حبه الوضع تمام من دون خمول اخف جرعه الي هي 4.0

علاج فعال للهم والغم والقلق

المشاركة الأصلية كتبت بواسطة ممنصور علي

بنت الظبي خذي نص حبه انا كنت اخذ حبه احس بخمول يوم خذيت نص حبه الوضع تمام من دون خمول اخف جرعه الي هي 4.0

متى افضل وقت ؟

والله يابنت الظبي ما ادري اي وقت احسن انا كنت استخدمها اثناء النوبه بس والنوبه في اي وقت تجيني الزانكس ماله وقت معين عجيب في كل الاوقات بس احسن ما يكون يوميا ممكن قبل الطلعه نص حبه او الاعراس والعزائم وغيره عشان تجنب الاحراج .

الحمدلله قبل 3 أسابيع كانت زيارتي للعيادة في حالة انهيار تام واليوم الحمدلله الدكتورة طمنتني إن نفسيتي زانت وارتفعت معنوياتي شوي يارب لك الحمد ..
وسألتها عن السيروكسات قالت فعلا بالبداية يزود القلق وهذا طبيعي مع بداية العلاج وبرفع الجرعة لحبة كاملة بعد 3 أيام يارب ماتزود علي الأعراض عشان ماأضطر آخذ مهدئ معاه ..
مشكلتي فيني قناعة من جوا إني ماراح أطيب أبد من الوسواس القهري والهلع والقلق والاكتئاب .. لو أترك هالأفكار السلبية عني كان من زمان أنا بخير ..
اللهم لك الحمد على كل شيء .. دعواتكم ..

منصور انا اليوم كنت متنرفره وحسيت برعشه في ايدي وخذت لبراكس

لأنه البعض يقول انه مع الوقت يكون ادماني، خاصه وانه ناخذه بوصفه .

فأنت نفس الشي ماتاخذ الزناكس الا للشديد القوي، ماتاخذه كعلاج يومي

بس وقت الحاجه ؟

أو اذا تخاف يصير موقف فتاخذ نص حبه مثلا

اختي كلي امل، كيف كل طبيب يقدر يقرر العلاج ، اذا شخصين يعانون نفس الشي مل طبيب تشخيصه غير على نوعية الدواء والمده

وفي اطباء يساعدون المريض اكثر والبعض يكتب من هالادويه من غير قياس

بس ان شاء الله بتشفين ، غلط تقولين عندچ احساس مابتتخلصين من هالاعراض

بنت الظبي صح انا ما اخذه الا وقت الحاالات الشديده لني اخاف ادمن عليه ومن ناحيه الرحلات الطويله احط في البوك حبتين احتياط وقبل لا اطلع الطياره بساعه اخذ نص حبه بس هذي المواقف الي مجبور استخدمها .