زواج السعوديه من غير السعودي ( الأجنبي ).

المشاركة الأصلية كتبت بواسطة حكايه

صح كلامك
أنا معاملتي راحت كامله
بخطاب من الامير
وخطاب الشرطه
وخطاب المستشفئ
يوووووه كل قصه حياتنا كتبوها وسجلوها بعقد النكاح
بالتاريخ وبخطاب مين وموجهه لمين

سبحان الله في ناس تيجي المعاملة كاملة وناس تيجيهم ورقة الموافقه
بس الافضل كاملة عشان كل شي فيها مايطلوبو ولا صورة الا البطايق الاصليه للمطابقة وبطايق الشهود
بس حلوه قصة حياتنا كتبوها وسجولها بعقد النكاح حتى المهر والشروط علني ههههههه

المشاركة الأصلية كتبت بواسطة صابره سنين

راجع خطيبي والمعامله حفظت 💔💔💔
الحمدلله ع كل حال وحسبي الله ونعم الوكيل

حسبي الله ونعم الوكيل لا تيأسي
ممكن تقدمي بمكة افضل واسرع ان كان عندك احد في مكة يسويلكم تعريف بالسكن للطرفين

او استثناء للامير
الله يسهل امرك وان كان لكي نصيب بتتزوجي بتتزوجي امر الله فوق كل شي

المشاركة الأصلية كتبت بواسطة يارب يسر امري

اخويا ((( هندسة )))

ممكن لو سمحت تقولي كم العمر قالولكم في الشرطة اخر مرة روحتو 25 ولا 30 ???

كمان سؤال تاني


انتو مرفقين خطاب موقع عليه بالموافقة ????
وفوقها رفضو يكملولكم المعاملة ????

العمر في جدة وفي مكة 30 باستثناء مطلقة او قرابه
في المدينة والرياض 25
وتوفيق من ربي ثم واسطة ممكن يكون عمر السعودية 21 وتمشي وتيجي الموافقه

المشاركة الأصلية كتبت بواسطة هدوء جدة

العمر في جدة وفي مكة 30 باستثناء مطلقة او قرابه
في المدينة والرياض 25
وتوفيق من ربي ثم واسطة ممكن يكون عمر السعودية 21 وتمشي وتيجي الموافقه

يالنسبة لسؤالك الثاني الشرطة ترفض تماما اي خطاب او ورقة توصيات يعني ممكن الخاطب يجي ورقة توصية من امام الحرم مثلا
او من الشخصيات الي تشهد انه رجل دين ومصلي وسيرته الذاتيه طيبه من التوصيات هذي او من خطابات من امير او او
الشرطه ترفض تحط شي في المعاملة غير الطلبات الي جاتهم من الداخليه

المشاركة الأصلية كتبت بواسطة الانسه قمر

خطيبي راح اليوم الشرطه وطلع الحمد لله نقص بالوراق ....ورقة العمده والتحاليل لسه ماسويناها كم تاخد وقت علشان تتطلع النتيجه حق التحاليل .

قلتلك في نقص بالأوراق التحاليل بوسطة 5 ايام مع الجمعة والسبت بدون واسطة 10 ايام بدون الجمعة والسبت يعني 12 يوم
المختبر الاقليمي بالمحجر
ورقة العمدة بوقتها للطرف الاجنبي عقد الايجار وفاتورة كهربا صوره بس وصورة اقامته
الطرف السعودي لو ايجار نفس الشي او ملك صورة من الصك

اخوي تركي القيسي انا الي اعرفو العمر 35 اذا من بره تاخد وكمان الواسطه لاتدفعلو شي الين ماتروح المعامله للمحكمه مو للاماره
لانو اصلا الداخليه كل المعامﻻات ترسلها للاماره وكمان شي ثاني كيف عرفت قبل جاءهم رفض هو الواسطه قلك ب نصحيه لاتدفع الالمن تشوف اتحولت للمحكمه

المشاركة الأصلية كتبت بواسطة شذى الورود

السلام عليكم
الحمدلله الذي بنعمته تتم الصالحات
انا كنت بكتب كتيير في الموضوع ده
انا سعودية 23 سنة و خطيبي امريكي
قدمت مرتين على تصريح الزواج و اترفضت
و جاني إكتآب و زعلت و كل شي
بعدين تركت الامور على ربنا و قلت اذا في نصيب حنتزوج
قدمت تالت مرة طوّلت في الداخلية 3 شهور
بعدها راحت على الامارة راجعناهم قالولنا انو تمّت الموافقة 💃💃
و راحت نسخة منها على المحكمة و الاصل في الشرطة
يعني بس باقي التحاليل
لا تيأسو اللي ربنا كاتبو حيسير ❤️❤️
طوّلت عليكم

مبررروك ياعسل اهو الواحد لايائيس الحمدالله انو الواحد يتفائل ويحاول

المشاركة الأصلية كتبت بواسطة يارب يسر امري

سوووري
اقصد اذا الخطيب غير سعودي
سواء مواليد او غير مواليد
تروح للداخليه



هههه معليش كنت مشغوله وانا اكتب وهذا اللي طلع ههههه

الرجل الاجنبي مواليد ماتروح الداخلية بس ممكن بحالة وحدة اذا كان عمر البنت اقل من المطلوب موتاكد منها ناسي
والرجل الأجنبي غير مواليد تروح الداخلية والخارجية
والبنت المقيمة مواليد ماتروح
والبنت الغير مقيمة تروح الدخلية والخارجية
والبنت المقيمة لكن غير مواليد تروح الداخلية

المشاركة الأصلية كتبت بواسطة يارب يسر امري

حبيت ابشركم
اليوم سمعت عن واحد عقد
وخطيبتو عمرها 22 مدري 23
وهو من المواليد وابن مواطنة

واليوم كان عقد قرانو وفي جدة


الفال لكم ولي ياااارب

يارب يسر امري
والله كله رزق من الله قبل كل شي ثم واسطة والنهاية الواسطة دي سبب من أسباب التوفيق للطرفين من ربنا
وذا سمعتي فهو موجود فعلا وشبة يوميا وانا واحد منهم

طال انتظاري

في مكة قدمي من شرطة العاصمة في حي النسيم كملي الشرطة واهم الشروط ورقة العمدة
طبعا قي ورقه للاحوال عشان البرنت وورقة للبصمة للطرف الاجنبي وورقة لمستشفى الولادة
لمن تكمليهم تجلس اسبوع وبعدها تتحول لامارة

المشاركة الأصلية كتبت بواسطة بريق الذات

الله يفرج همومكم اجمعين يا اغلي الحبايب.

اللهم امين ويسعدك يارب ويوفقك ويتتملك ع خير💐 ..

المشاركة الأصلية كتبت بواسطة الاندلسيه

اختي صابره سنين يارب يربط قلبك ويصبرك بجد كلامك ومعاملتك مع هدا السنين والانتظار تعب والله يعينكم ع توثيق العقد بعدين لانو شروطها قوويه وانا زيك متزوجه بدون تصريح وفاضلي 8شهور ويتوثق عقدي
ابغ اسالك التوصيه الي لاقيتوها كانت من امير بالاماره نفسها ولامن بره وغريبه ليش يرفض وجاء فيها بموافقه يارب يعينك ياختي

امين يارب الزمن صعبو الحلال وسهلو الحرام استغفرالله ودام انو الحلال مايبغو يعطونا هوا بالطيب ناخده بالقوه ..
وتوثيق العقد الي فهمته من معقب انو لو مواليد المملكه ويمنيه كمان تتسهل لها .. انو عكس الي ماتكون مولوده بالمملكه تترحل وسجن ع زوجها وغرامه ..
ولو تسمحيلي ابغا اعرف بالضبط كيف توثيق العقد !؟ طبعا المجرب غير واني اسمع كلام من احد شي تاني..
وهل عندك اطفال ولا لسا وانتي من المواليد اولا!؟

والتوصيه اخدنا من امير زوج اختي بيشتغل عنده ووالله له كلمه بس الايام الجايه ان شاءالله يبين معايا السبب الاكيد للرفض وراح اقول اش صار معايا ..

يارب ويكون بعونا جميعا والله الكل تعب وانتظر والله يعوض صبرنا خير 🌹

المشاركة الأصلية كتبت بواسطة تركي القيسي

صباح الخير والتفال بالله فئ كل شي. السلام عليكم ورحمته الله وبركاته. بعد البحث والتحري باوراقي في الحقوق الخاصه في وزاره الداخليه ادخلت واسطه فيها لاانو ثلاث معاملات رفضت وانا سعودي وعمري 32سنه والبنت مواليد خارج المملكه بس الاان مقيما هناالحاصل انو الرجال قالي اعطيني رقم المعامله فقط واعطيته وجلس يومين ودق عليه قالي اسمي كامل وقال المعاملات الئ راحت جده ورجعت موجوده قدامي الأولى جت فيها حسب النضام اقفل الجوال واتصل فيه مره ثانيه فقلت له انا باتجه للبنك لكي اطلع قرض واعطيك المبلغ المتفق عليه فقال ليه لاتستعجل الئ لمن اقول لك تمت الموافقه فانتضرت فكنت لا اسال عنه فاتصل بي وخيرني الي اين تبيني اصدر معاملتك الي جده او مكه قلت له ليه فقال توصل الاماره لكي تصدر للمحكمه وعدت خمسه ايام وهيا في الحقوق الخاصه سالت الرجال قللت له باقي ماصدرت فقال لي اول ماتصدر راح تروح الاماره وبعدها المحكمه فالي الآن لم تصدر فما رايكم بالذي قلت لكم فيه نتمني من الله في هاذي الجمعه ان يفرح قلوبنا بنص دينناانشالله

بالمختصر المفيد لاتدفع لحد ماتتحول ع المحكمه وتعقد كمان ..
تورطنا مع معقب من سنه ونص ودفعنا 40 الف كاش وتمرمطنا سنه وكدب علينا قال خلاص حتعقدو
ولما خطيبي اخد رقمها منه عرف انها حفظت وما اخدنا المبلغ منه الا بعد تعب .. فنصيحه لاتدفع الا بعد ماتعقد وموفق ان شاءالله

المشاركة الأصلية كتبت بواسطة طآل انتظآري

اختي صابره سنين ! مين الطرف السعودي فيكم انتي ولا خطيبك

و بسالكم كمان ممممم التشديد ف التحاليل ع السعودي او الاجنبي

اهلين اختي طال انتظاري..
خطيبي الطرف السعودي وانا يمنيه مواليد السعوديه
والتشديد ع الاجنبي .. والطرف السعودي لو كان مريض مو بس حامل للمرض يوافقو له
صديقتي اجنبيه تزوجت سعودي عنده فايروس الكبد الوبائي ونشط وجاب واسطه صغيره عشان الفايروس نشط وتزوجها
يعني الطرف الاجنبي طز فيه ويتحمل اي شي 😓

المشاركة الأصلية كتبت بواسطة متوهق

صابره سنين

الله يعينك ويوفقك ويسعدك بحياتك

ويسعدك يارب ويوفقك فحياتك ويتتملك ع خير وعقبال الذريه الصالحه يارب 🌹