فضفضه ويوميات اصحاب نوبات الهلع

المشاركة الأصلية كتبت بواسطة كلي أمل بالله

الله المستعان تطورت حالتي لاكتئاب ذهاني يعني أهلوس أشوف وأسمع ناس وأشياء مو موجودة بالواقع ..
اختلال الأنية لما تحس انفصلت عن نفسك أو عن واقعك تذكر قول الله تعالى " فمن استمسك بالعروة الوثقى لاانفصام لها"
يعني بينك وبين ربي حبل قوي حبل مو ممكن ينقطع الي هو حبل الإيمان وصدقني بتطمئن نفسك وترتاح ويخف القلق والاختلال ..
الحمدلله على كل حال معي وسواس قهري - نوبات هلع - توهم مرض - اكتئاب ذهاني - اختلال أنية وتبدد واقع - قلق - رهاب اجتماعي .. يعني كوكتيل علل نفسيية ,
بس أملي بربي كبير وراح نتشافى بإذن الله ..
تغيرت خطة علاجي لـ : بروزاك 60 مجم صباحا
مساء: 2 مجم ريفوتريل + 5 مجم زيبريكسا + 2.5 مجم كونكور
وآخذ فيتامينات د , ب 12 ناقصة عندي مرررة
وأنتم أغلبكم مشكلتكم بسسسس هلع وتتحلطمون بسكل يخلي الواحد يكتئب .. نبغى حلول وتفاؤل احنا هنا عشان نساعد بعض
الله يشفي الجميع يارب <3

الله يشفيج بس اذا مشكلتج نفسيه ليش تاخذين كونكور ؟؟
وبعدين زايبريكسا مضاد للذهان وزين لكن لو تاخذيه للفتره اكثر
من شهرين او ثلاث يأثر جدا على مستوى السكر في الدم ف ياريت تنتبهي

المشاركة الأصلية كتبت بواسطة حمداان

الله يشفيج بس اذا مشكلتج نفسيه ليش تاخذين كونكور ؟؟
وبعدين زايبريكسا مضاد للذهان وزين لكن لو تاخذيه للفتره اكثر
من شهرين او ثلاث يأثر جدا على مستوى السكر في الدم ف ياريت تنتبهي

آمين وياك ياربي
كونكور عشان يهدي ضربات قلبي وبالتالي تخف نوبة الهلع عرفت ؟
عارفه زيبركسا مضاد ذهان لأن معي أعراض ذهانية الي هي الهلوسة السمعية والبصرية مع الاكتئاب .. الدكتور كاتبه لي شهر بس ..

المشاركة الأصلية كتبت بواسطة كلي أمل بالله

آمين وياك ياربي
كونكور عشان يهدي ضربات قلبي وبالتالي تخف نوبة الهلع عرفت ؟
عارفه زيبركسا مضاد ذهان لأن معي أعراض ذهانية الي هي الهلوسة السمعية والبصرية مع الاكتئاب .. الدكتور كاتبه لي شهر بس ..

بإذن الله شده و تزول .. وطهور
أسأل الله أن يشفيج ..

انا وانا جالسه فجاه جاني شي غريب مرعب جداا حسيت كن جسمي طاير وكني مقدر اتماسك شعور معرف اوصفه لدرجه قعدت انادي اختى

خفت من هالشي الي مااعرف وش هو بالظبط وبعدين صار قلبي يدق بقوووه وقمت ارجف من الخوف


والله من غرابه الاعراض معرف اوصفها. هل هي تسمى دوخه والا ايش بالظبط




الخوف تملكني جداا وتوترت اعصابي لابعد حد

لا ولن يتمكن الهلع منك الا اذا انت سمحت له بذلك باذن الله سنشفى جميعا وتبقى هذه عبارة عنن قصص تروى

شافانا الله جميعا شفاء عاجل غير آجل يارب العالمين

اللهم اميييين يازهور ربي يشفينازويريح بالنا

المشاركة الأصلية كتبت بواسطة تعبت من الالم

رهايف .. انا يجيني فجاه ويجيني من افكار وانا اصلا من اصحى من نومي لحد مااانام وانا افكر افكار شينه وتخيلات اني بيصير لي شي شين

وفجاه الاقي قلبي يدق بقوه واحس بتوتر وبطني يمغصني ودوخه اصير غير متوازنه وخلاص اظنها نهايتي واتوقع اني بودع


واساسا عدم الاتزان تلف اعصابي وضيق صدري وهالفتره زايد علي ماقدر اجلس مع اهلي على سفره الاكل احس اني ارتج واهتزز ماني ثابته


وراسي ثقيل ويتارجح يروح ويجي الله يجعل سنين هالتعب تكفير ورفعه لدرجاتنا


قسم بالله اني احيانا اوصل لا اقصى درجه من الاحباط والاكتئاب واقول خلاص بقضي عمري على فراشي وبعزله عن الدنيا

اختي تعبت من الألم لا تصيرين يائسة .. هذاني انا عندك من اول ماجتني وصلت حالتي إلى اني خلاص ما احس بجسمي من قوة الاعراض والدوخة تقولين احس الارض زي القطن واعتزلت الناس ودراستي كلها بسببها .. طيب هل طحت ؟ هل اغمى علي ؟ لا لا لا لا ابدا .. فيه ناس يقولون الهلع يسبب خلل بالمخ -مدري عن كلام الناس وانا اختك هو صح ولا لا هههه- بس يقولون انك تحسين بعدم التوازن ومثل ما قلت انا اني احس ان الارض زي القطن ، لكن هل بالحقيقه ان الارض زي القطن ؟ اكيد لا إذًا من الهلع


طيب الافكار الشينة تتوقعين وش بيتبعها ؟ اكيد الخوف ثم الهلع

طيب الافكار الزينة والمريحة تتوقعين وش بيتبعها ؟
اكيد الراحة

انا وصلت من كثر الافكار المخيفة والمتعبة إلى اني اناظر الناس واقول كيف عندهم راحة بال وكيف هم مرتاحين وانا 24 ساعة خوف وترقب ..

شوفي هو الهلع درجات .. يبدا معك بخوف مفاجئ واحساس ان الروح بتخرج .. اذا كنتي تطنشينه وتشدين على نفسك بيخف معك بيصير بس خفقان القلب وتعرق وخوف .. واذا طنشتيه بيصير بس خفقان بالقلب .. واذا طنشتيه وتجاهلتيه بيكون بس فكرة سيئة عابرة الييييين يختفي تماااما .. اهم شيء انك ما تسترسلين مع الفكرة ثم يبدأ الخوف معك ثم الهلع ..

شدي على نفسك وخليك قوية يعني اذا حسيتي انك كان الهلع جاك وانك بتودعين .. اذا كنتي واقفة اجلسي واذا جالسة انسدحي او اذا كنتي قدام الناس < مايصير تنسدحين قدامهم كذا فجأة ههههه .. حاولي تتحركين اهم شي تشغلين نفسك .. والفكرة انا بدوخ وانا بموت .. تجاهليها ولو حسيتي انها هالمرة صدق لالالالالا طنشيها وتصبري جربي مررره تتجاهلينها وبتلاحظين ان هالخوف أختفى


يعني انا بقول لك الفكرة اللي كانت دايم تجيني ثم يصيبني الهلع منها .. ومن حقارة هالهلع ما يتركز معي الا ب صلاتي والمناسبات او في حشود كبيرة من الناس وافكار ( انا بدوخ ، انا بموت ) ثم ابدئ افكر وافكر واقول يوووه لو صار كذا وطحت عليهم وش بيصير والخ ثم تبدا الافكار .. اصلا الافكار مثل السيارة اذا فكرتي فيها كانك تسوقينها وتمشيك الى ماله نهاية .. اذا طنشتيها وقلتي خله يصير اللي يصير الله معي وانا مطمئنة .. كذا وقفتي الفكرة ومارح يجيك الهلع ولا الخوف ، بعد شوي تجيك الفكرة ويووووووه لو طحتي ووصار فيك ومتي والخ وكلام كثير .. طيب نفس السالفة مره ثانية طنشيها وتجاهليها وقولي الله معي وانا مطمئنة .. مره ثم مرتين دربي نفسك الين تقنعين قنااااااعة تاامة بالإطمئنان وهنا يختفي الهلع

الهلع : فكرة سيئة ~> الاسترسال فيها ~> الخوف ثم الهلع

عكسه طمني نفسك ومارح يجي الهلع ابدا

ناهيتك ان اعراض الهلع اذا تجاهلتيها تزيد لانها ماتبي تتركك .. انتي شدي ولا يقول لك الشيطان انتي ضعيفه ولا ما اقدر ولا تعبت .. لا توكلي على الله وخلك قوية وتفائلي وانا متأكده وباذن الله انها بتروح منك اذا سويتي اللي قلته

رهايف اقسم بالله ان وانا اقرا كلامك كاني انا الي اتكلم. سبحان الله لاحظت كل المهلوعين والموسوسين. افكارهم واعراضهم متطابقه تمامااا

نفس الخوف ونفس الهلع ونفس الافكار


واهلي يقولون لي. كل يوم تضيعينه من عمرك في خوف وتوقع الاغماء


وبالفعل انا تمرني اوقات كثير ايأس الله يغفر لي ويتوب على لاني مابي اكون من القانطين الياأسين من رحمه الله سبحانه وتعالى


وكل ماجيت اعزم على تحدي هالخوف والبعد عن هالتفكير احس على ماقلتي بالارض مثل القطن او مثل البحر تحتى وهالراس مشالله يرقص وغير متزن وقتها يرجع لي الخوف ويروح التحدي


لكن كلامك زين وبحاول اطبقه قد ماقدر


مشكوره عالرددد وربي يعافيني ويعافيك وكل مسلم ياررررب


وترجع حياتنا طبيعيه ويرجع هالمخ الي داخل هالراس نظيفف ومتزن بعيد عن هالافكار التعبانه المتعبه لنا الي ارهقتنا جدااااا حتى النوم مانرتاح فيه


انتي انفطعتي عن دراستك وانا تركت كل فرصه توظيف بسبب الخوف اقول شلون اتوظف وانا كذا اترجرج وغير متزنه

سؤالي عن الزناكس هل يستخدم عند الضروره

او يستخدم يوميا لفتره كعلاج ؟

وهل فعلاً اللي ياخذه يخف عنه التوتر او هو منوم

اسعد الله اوقاتكم بكل خير اخواني اخواتي ان شاء الله تكونون بافضل حال اشخاص وناس كثيره غبت عنها اتمنى يكونون باحسن حال
صراحه زمان مادخلت النت لكن يوم رجع لي الهلع رجعت للمنتدى الطيب لكن صار عندنا خبره افضل من قبل

مسا الخير جميعا

اتمنى تكونوا بخير

المشاركة الأصلية كتبت بواسطة ابو هلع

اسعد الله اوقاتكم بكل خير اخواني اخواتي ان شاء الله تكونون بافضل حال اشخاص وناس كثيره غبت عنها اتمنى يكونون باحسن حال
صراحه زمان مادخلت النت لكن يوم رجع لي الهلع رجعت للمنتدى الطيب لكن صار عندنا خبره افضل من قبل

عودا حميدا اخي ابو الهلع

كيف حالك ؟؟

اهلين اختي امل الحمدلله اموري طيبه لكن الايام هذي امر (بمطبات نفسيه )انتكاسه خفيفه كذا مسميها وان شاء الله نتحسن انتي طمنينا عليك ان شاء الله تكونين بأفضل حال
تحياتي

السلام عليكم .. شخباركم .. لكم وحشه ... للأسف رجعت لي النوبات و خلتني ما اقدر اسوق و صرت ما احب اطلع
كله قاعده ف البيت .. ان شاءالله تكون حال عابره يارب ... ادعولي أرجوكم

هلا اخت ساره الحمدلله اخبارك الحين تصدقين انا مثلك متجه للدوام وضيقه نفس وخفقان بس علاج الهلع هو تحدي يعني كملي لا ترجعين للبيت صدقيني مره مرتين وراح تخف تدريجي