يوميات المكتئبين تعال نسولف

المشاركة الأصلية كتبت بواسطة رسوم متحركة

ما شاء الله فيصل دندن يا شنب أهم شي راحتك و سعة الصدر مع هبات الريح أخوياك

وش السلاح اللي معكم ؟

دوم تتهنون يا فيصل أنت مع اخوياك يا رب ما يفرقكم عن بعض

خل بس اتعلم العود . ان الله شاء لا اخلي العود يكتئب و لايعزف الا حزن

السلاح فايروخ 100 ضغط هواء

وانا ناوي على فولكان او كريكت بس خل تجي الفلوس

اسعارهن تبدا من 7000 و مع الاغراض الكاملة توصل ل 10000

المشاركة الأصلية كتبت بواسطة رسوم متحركة

الفقر من صوب و الإكتئاب من صوب

لو ماني مكتئب و شايل هموم و جروح كان الحال غير ذا الحال

أحاول اكون قوي و أقوى من الوضع اللي عايشه لكن ترغمني رغما عن أنفي أن أَولِّي و أكون بالنهاية مستلما بالهزيمة

أعذروني يا حبايب ما ودي أكسر خاطركم و الله العظيم و يا رب ما تشوفون مكروه فيكم و لا من يعز عليكم

أفرحوا أرقصوا ألعبوا غنوا ما عليكم

والله ان الفقر اهون من الاكتئاب

لكن اذا اجتمع مع الفقر اكتئاب ما اقول الا

صبرا جميل والله المستعان

احياء ولكنا اموات . اغرباء في هذي الحياة

المشاركة الأصلية كتبت بواسطة فيصل KSA

ما شاء الله تبارك الله . سفرة دائمة ان شاء الله

المائدة الشامية من اجمل و اروع الموائد العربية

ويكفي انها مائدة متنوعه فيه مالذ و طاب

و ما شاء الله عليك باين انك طباخة ماهرة

انت كنتي متزوجة يابخت زوجك فيك ما شاء الله والله يهنيكم

وان كنتي عزباء فهنيأ للي راح يتزوجك وان شاء الله تاخذين

بن الحلال الي ما يتعبك و يكون لك سند في هذي الحياة المُتعة

ههههه تسلملي يا طيب

الله يسعدك اخي فيصل والله انك امير
ربي يرزقك كل ما تتمنى يا ذوق
ويشفيك ويحميك ويحفظك من كل شر
وصباحك جنة :)

فيصل KSA معجب بهذا

اللهم صبح أحبتي بما يسرهم
وكف عنهم ما يضرهم
وارزقهم نعيم الجنة يارب

ward

سائل الراحة ,رسوم متحركة معجبون بهذا

المشاركة الأصلية كتبت بواسطة فيصل KSA

خل بس اتعلم العود . ان الله شاء لا اخلي العود يكتئب و لايعزف الا حزن

السلاح فايروخ 100 ضغط هواء

وانا ناوي على فولكان او كريكت بس خل تجي الفلوس

اسعارهن تبدا من 7000 و مع الاغراض الكاملة توصل ل 10000

يا جعل يديكم ما يجيها العطب يا رب

الله يهنيكم و يا جعل صيدكم بمحادير العافية

بخصوص العود عند الشباب عود و في اثنين من الشباب يدندنون عليه صح اما الباقي ما عندهم ما عند عنز جدتي و من ضمنهم انا ههههههههههه و أنت دندن يالذيب لا يهمونك العواذل :)

أنا أقولك فيصل ان الفقر لعين و الإكتئاب ألعن و ألعن

أنا فقري بسبب الإكتئاب و الا لو ما الإكتئاب و أنواع القلق كانت أموري زينه

أبوأمل معجب بهذا

المشاركة الأصلية كتبت بواسطة رسوم متحركة

يا جعل يديكم ما يجيها العطب يا رب

الله يهنيكم و يا جعل صيدكم بمحادير العافية

بخصوص العود عند الشباب عود و في اثنين من الشباب يدندنون عليه صح اما الباقي ما عندهم ما عند عنز جدتي و من ضمنهم انا ههههههههههه و أنت دندن يالذيب لا يهمونك العواذل :)

تعلم العزف يبي له وقت و صبر .. اذا استعجلت النتائج راح تكسر العود بالاخير

وكثير ناس كسرو اعوادهم . والفنان المعروف خالد عبدالرحمن قال انه كسر 5 اعواد

ثم الان تعلم العود اسهل . عكس السابق كان صعب جدأ لان مافيه دروس ل تعليم العود .. لازم تدور لك مدرب او تتعلم من تلقاء نفسك

لكن الان فيه دروس باليوتيوب تعلمك العزف خطوة خطوة . و من اشخاص معهم شهادات موسيقية

المشاركة الأصلية كتبت بواسطة رسوم متحركة

أنا أقولك فيصل ان الفقر لعين و الإكتئاب ألعن و ألعن

أنا فقري بسبب الإكتئاب و الا لو ما الإكتئاب و أنواع القلق كانت أموري زينه

صدقت .. على الاقل لو كنت غني فيه امل تسافر و تروح و تجي

وتروح ل اكبر المستشفيات في العالم

لكن مع الفقر يصير الوضع مزري

رسوم متحركة معجب بهذا

عندنا بالدمام مؤسسة لتعليم العود و الله ما اذكر إسمه لكن لو احد يبغي أدله إياه يبشر اكلم لي شباب يدلونه صح و أظن الدورة ثلاثة شهور إلى ست شهور

صادق تعلم العود لازم له طولة بال و طول نفس و الا ما راح تنجز التعليم

بالتوفيق فيصل الغالي :)

المشاركة الأصلية كتبت بواسطة فيصل KSA

صدقت .. على الاقل لو كنت غني فيه امل تسافر و تروح و تجي

وتروح ل اكبر المستشفيات في العالم

لكن مع الفقر يصير الوضع مزري

إيه هذا اللي أقوله بالضبط بالله يا فيصل ما ودك تغير جو و تسافر و تطلع من الجو المعتاد عليه بالسعودية و الخليج

بس هذا مو مشكلة بقدر ان المشكلة هي في قل الدراهم بالاساس ما يمديك تقضي لوازمك الشخصية إلا و تروح برمشة عين و أنت ما خلصت لوازمك

المشاركة الأصلية كتبت بواسطة رسوم متحركة

عندنا بالدمام مؤسسة لتعليم العود و الله ما اذكر إسمه لكن لو احد يبغي أدله إياه يبشر اكلم لي شباب يدلونه صح و أظن الدورة ثلاثة شهور إلى ست شهور

صادق تعلم العود لازم له طولة بال و طول نفس و الا ما راح تنجز التعليم

بالتوفيق فيصل الغالي :)

بالدمام بتحصل اصلا مدربين يعلمونك حتى لو مافيه مؤسسة وكذالك بالرياض و جدة

اما بالقصيم ماعندك احد .. العود منبوذ عندنا . اداة شيطانية ههههههههههه

ههههههههههه يا أداة شيطانية طيب خذلك ناي خفيف المحمل ما أحد يكفشك فيه

بعدين أنا أخبر أهل عنيزة فالينها بعكس بريدة

بسألك للحين الدخان ما ينباع الا تهريب في بريدة و الا ألغوا هذا البند :)

المشاركة الأصلية كتبت بواسطة رسوم متحركة

ههههههههههه يا أداة شيطانية طيب خذلك ناي خفيف المحمل ما أحد يكفشك فيه

بعدين أنا أخبر أهل عنيزة فالينها بعكس بريدة

بسألك للحين الدخان ما ينباع الا تهريب في بريدة و الا ألغوا هذا البند :)

ههههههههه يارجال ما يطربني الا اوتار العود

بالتهريب هذا قديم ههههههه لكن قبل كم يوم حدث انقطاع وكانت الشرطة تداهم المحلات

لانهم كانو يبيعون ب اسعار مجنون . وكان الكل يدور دخان

يارجال واحد من العيال يبيع شاهي جمر و ياكثر الي يجونه يقولون معك دخان ؟

عالي كم عمرك ومن متى بدا عندك الاكتئاب ؟

سلام عليكم جميعا
جمعة مقبولة للجميع ان شاء الله
راني زعفان و كاره حياتي حتى للحد..... أستغفر الله الغفور الرحيم
اليوم لقيت صديق قديم كان من نفس الدفعة بالجامعة ..... تبارك الله رب العالمين حاليا هو اطار كبير كبير بالجيش ، انسان طيب
و يعرفني اشد المعرفة
سألني عن احوال العمل و الاسرة ....... ما لقيت رد الا الحمد لله ، الحمد لله
بدون إطالة ،لم يصدق بانني انا انا
استغفر الله ، رجعت للبيت منكسر الخاطر
لولا صلاة الجمعة بالمسجد لكان حالتي اشتدت
قطار الحياة راح راح ... و انا في نفس المحطة منذ زمان ............. انتظر
لعل و عسى ......

بسم الله الرحمن الرحيم
( لعل الله يجعل بعد ذلك أمرا )
صدق الله العظيم

فيصل KSA معجب بهذا