يوميات المكتئبين تعال نسولف

المشاركة الأصلية كتبت بواسطة بنت الظبي

شفيق كل يوم بسألك على كشخة اليوم، حتى لو في لبيت وكل يومين او ثلاث بسألك عن الحلاقه، لين تمل 😎

يالله يارب يفرج علينا ، ونصير مبسوطين

صدقيني اختي لو الواحد بيده شي ما يقصر على نفسه

الحمدالله على كل حال انا قبل مرضي كنت استمتع بالاشياء البسيطة

يعني مثل لما كنت في الثانوية عندي ولد اختي نفس عمري كنت نروح لمزرعتهم انا وهو بس يعني اثنين ومع ذلك رغم ان جلستنا كانت بسيطة يعني نصلح مكرونة وبعدها نشغل الفديو على مسلسل خالتي قماشة وكنا في قمة الوناسة تقول مسافرين باريس

الحين ما استمتع لو حتى اسافر اشتري سيارة اشتري عمارة ما فيه اي شي

السعادة كنز

على فكرة ولد اختي كمل تعليمه والحين يدرس الدكتورة في كندا وماسك وهو مهندس

وانا لي عشر سنوات منعزل ومحطم

كل ربعي تزوجو وجاهم عيال وكملوا دراستهم وعندهم بيوت الا انا جالس لحالي مع احزاني ما غير الدوام والبيت لا اصدقاء لا زوجة لا عيال لا وناسة كل يوم بكاء وحزن والم

الدكتوراه والزواج والعيال مو كل شي

فرق بين انك تدرس عشان يقولون عنك الناس واو واا تدرس عشان انت تبي الدراسة

نفس الشي الزواج والعيال في ناس تزوجت وخلفت بس عشان لا يتكلمون عليهم الناس والا هم مايبون

خلك واضح مع نفسك وانسف الناس كلهم ع جنب

انت تبي تدرس ؟

تبي تتزوج وتبي عيال ؟

مو عشان لازم وكلالناس سوت شي يصير لازم انك تسويه

اذا انت ماتبي لاتقارن نفسك بالناس انت مختلف

ترا الدنيا كبيرة وما وقفت ع هالامور

شفيق، يمكن انت خايف تقدم على فكرة الزواج

عشان موضوع الاكتئاب، يمكن يروح عنك هذا

الشي، بغض النظر لو عندك حق حفلة الزواج أو لا

ياليت ياشفيق نصرخ بأعلى صوتنا ونقول :

بسسسسسس انا بخير انا قوي اصلاً انا مافيّه شي

انا مب مريض

يكفي يكفي، يكفي ألم وتعب

انا اقدر اشتري اللي ابغيه لكن ما احس بسعاده

انا هذا اللي صار لي احس بكتمه وبكاء وكل شي ممل

شو الحل ؟!!!!!!! غير عن الادويه

اشوف الكثير يتذمر منها

خاصه اللي ياخذونها من سنوات وهم مازالوا

مكتئبين، طيب شو الحل يعني ؟!!!

كيف ينصحون غيرهم بالادويه دامها مافادتهم ؟!

المشاركة الأصلية كتبت بواسطة سارون

الدكتوراه والزواج والعيال مو كل شي

فرق بين انك تدرس عشان يقولون عنك الناس واو واا تدرس عشان انت تبي الدراسة

نفس الشي الزواج والعيال في ناس تزوجت وخلفت بس عشان لا يتكلمون عليهم الناس والا هم مايبون

خلك واضح مع نفسك وانسف الناس كلهم ع جنب

انت تبي تدرس ؟

تبي تتزوج وتبي عيال ؟

مو عشان لازم وكلالناس سوت شي يصير لازم انك تسويه

اذا انت ماتبي لاتقارن نفسك بالناس انت مختلف

ترا الدنيا كبيرة وما وقفت ع هالامور

مع احترام الشديد لك اختي سارة لكن مب صحيح الدراسة والزواج والعيال هي نجاحات تبعث لك امل في الحياة وكل نجاح يعطيك دافع حول للحياة يعني لما تشوف انك حاصل على الدكتورة ومتزوج وعندك ابناء ناجحين هذا كلها نجاحات في حياتك


انا اشوف الزوجة نبع حنان ودافئ لكن لا يمكن ان اظلم بنت الناس معي انا داخل نفق مظلم لا اريد ان يدخله معي شريك واكون انا السبب في معاناة انسان هذي انانية حقيرة والا انا نفسي يروح الاكتئاب واتزوج مب عشان الناس لكن عشان الاقي روح تشاركني حياتي وافراحي واحزاني امضى معها بقيت حياتي

لم اغيب ساعة الاقي اتصال لم انام الاقى روح جنبي

اختي اعرف الكثير تغير حالته مائة في المائة بعد الزواج اصل هذا شي طبيعي فطري في حياة البشر

بالعكس الدنيا مب كبيرة الدنيا صغيرة جدا

ما ابي اشتيك ااكثر خلي الا في القلب في القلب

مدري اذا عاجبك الوضع كذا تتدهور نفسي وانعزال و وحدة والم كل ليلة اعيش حياة وهميه

المشاركة الأصلية كتبت بواسطة بنت الظبي

شفيق، يمكن انت خايف تقدم على فكرة الزواج

عشان موضوع الاكتئاب، يمكن يروح عنك هذا

الشي، بغض النظر لو عندك حق حفلة الزواج أو لا

ياليت ياشفيق نصرخ بأعلى صوتنا ونقول :

بسسسسسس انا بخير انا قوي اصلاً انا مافيّه شي

انا مب مريض

يكفي يكفي، يكفي ألم وتعب

انا اقدر اشتري اللي ابغيه لكن ما احس بسعاده

انا هذا اللي صار لي احس بكتمه وبكاء وكل شي ممل

شو الحل ؟!!!!!!! غير عن الادويه

اشوف الكثير يتذمر منها

خاصه اللي ياخذونها من سنوات وهم مازالوا

مكتئبين، طيب شو الحل يعني ؟!!!

كيف ينصحون غيرهم بالادويه دامها مافادتهم ؟!

هلا بنت الظبي بالنسبة للزواج الحمدالله لو على الفلوس الفلوس جاهزة واكثر من قيمة الزواج

لكن وين اتزوج لو اقدمت على هذا القرار سوف يقودني للانتحار تخيلي معي ادمر بنت الناس معي عصبي ومكتئب وفصامي انا متزوج الليل والهم

بالنسبة للحبوب والعلاجات صراحة الكثر ما استفاد منها بالشكل المطلوب لكن هي تخفف لكن ما في مثل الرقية والصلاة لكن من يواصل ويجاهد لانها صعبة

لو على الصراخ كان الامر سهل لكن لازم الوحد يعترف بالواقع لو صرخ المشلول باعلى صوت على سوف يمشى وتنحل مشكلته الواقع مر جدا لكن هذا لا يمنع ان الانسان يحاول ويجاهد والدنيا صغيرها مصيرها للزوال والاخره خير وابقى

الحمدلله على كل حال ياشفيق

انا فهمت عليك، في الاخير مافي اي فرحه

حتى لو اقدمت على الزواج او حد اهداك سياره فارهه

والسبب نفسه، الاكتئاب

يعني نفس الفكره اللي في الشغلات الصغيره

ان شاء الله ياشفيق ربي بيفرج همك في يوم

صح انت ماتعلم متى !!

لكن ان شاء الله تفرج

مشكورة اختي بنت الظبي

ياليت اخواني تشاركون في تصويت فتح الرسائل الخاصة وكذلك في موضوع في قسم الملتقى العامة بخصوص تغيير استايل المنتدي ياليت تشاركون


================================================== ===========================================

المشاركة الأصلية كتبت بواسطة شفيق

مع احترام الشديد لك اختي سارة لكن مب صحيح الدراسة والزواج والعيال هي نجاحات تبعث لك امل في الحياة وكل نجاح يعطيك دافع حول للحياة يعني لما تشوف انك حاصل على الدكتورة ومتزوج وعندك ابناء ناجحين هذا كلها نجاحات في حياتك


انا اشوف الزوجة نبع حنان ودافئ لكن لا يمكن ان اظلم بنت الناس معي انا داخل نفق مظلم لا اريد ان يدخله معي شريك واكون انا السبب في معاناة انسان هذي انانية حقيرة والا انا نفسي يروح الاكتئاب واتزوج مب عشان الناس لكن عشان الاقي روح تشاركني حياتي وافراحي واحزاني امضى معها بقيت حياتي

لم اغيب ساعة الاقي اتصال لم انام الاقى روح جنبي

اختي اعرف الكثير تغير حالته مائة في المائة بعد الزواج اصل هذا شي طبيعي فطري في حياة البشر

بالعكس الدنيا مب كبيرة الدنيا صغيرة جدا

ما ابي اشتيك ااكثر خلي الا في القلب في القلب

مدري اذا عاجبك الوضع كذا تتدهور نفسي وانعزال و وحدة والم كل ليلة اعيش حياة وهميه

الشهادات والزواج والاطفال مجرد قشور و أيضا ً اراها قيود يحبس فيها الواحد نفسه أكثر مما هو محبوس في نفسه اصلاً

ضرب لك مثال بسيط ابوي شخصية وحدانية انسان منعزل يكره الاجتماعات والروحات والجيات ومايحب يتعامل مع الناس

وهذي شخصيته من وهو صغير

تزوج اخوه الكبير قبله وجلس ابوي فتره طويله بعد ماتزوج اخوه الي اكبر منه وجدتي وجدي يلمحون له واهو مايبي بس بعد الضغط عليه ومثل مايقولون كثر الطق يفك اللحام رضخ لهم في الاخير وتزوج الضحية أمي

طبعا همه الوحيد دراسته وشغله لايروح يمين ولا يسار اشفق عليه لما امي تزعل لانه مايوديها ولا يجيبها ولايعطيها وجه وهي تتشكى وأنا احسه بينهار ماله نفس لأي شي واذا الحت عليه امي او اخواني يطلعنا لمشوار او يسوي الحاجة الي نبيها ونفسه في خشمه

طبعاً أخذ الدكتوراه وتزوج وعنده عيال هالاشياء قيدته أكثر وأكثر وصار محبوس في الاشياء
مجبر انه يدرس في الجامعة مجبر انه يعول اسرة مجبور مجبور باشياء كثيره وانا اشوف انه قيد نفسه بنفسه

اوقات اجلس واتكلم معه احس انه متضايق من نفسه ودايما القى عند راسه كتيبات ومطويات احكام تمني الموت
ماذا بعد الموت ادعية الضيق كتب تصرع لابوه لابو جوه هههههههههه
هو ضحية المجتمع الغبي وأمي ضحية القدر كلهم مساكين الي ابي اوضحه لك ان الزواج والشهادات والاطفال بتقيدك

انت الحين حر طليق استمتع بهالشي الي يحسدونك عليه المتزوجين، عندك احساس قوي بالابوه اكفل لك يتيم وتواصل معاه
فكرت تربي حيوانات اليفه ؟ انا عندي قطوه فكر تشتري قطوه تملي عليك حياتك وبنفس الوقت ماهي قيد ابدي اذا فكرت انك ماتقدر تعطيها حقوها وترعاها بالشكل المطلوب تقدر تبيعها اتمنى الفكرة وصلت
عندك طموحات دراسية ادرس في جامعات نظام تعلم عن بعد او ادخل دورات .... عندي كلام كثير بس خلاص تعبت بكمل بعدين !?

ياليت يغيرون الاستايل ويفتحون خاصية الرسائل

هم يخافون تصير مشاكل، لكن بإمكانهم يراقبون

وعلى سبيل المثال لو حد آذاني ممكن يتصرفون معاه ....

هالمنتدى كثير صارم

المشاركة الأصلية كتبت بواسطة سارون

الشهادات والزواج والاطفال مجرد قشور و أيضا ً اراها قيود يحبس فيها الواحد نفسه أكثر مما هو محبوس في نفسه اصلاً

ضرب لك مثال بسيط ابوي شخصية وحدانية انسان منعزل يكره الاجتماعات والروحات والجيات ومايحب يتعامل مع الناس

وهذي شخصيته من وهو صغير

تزوج اخوه الكبير قبله وجلس ابوي فتره طويله بعد ماتزوج اخوه الي اكبر منه وجدتي وجدي يلمحون له واهو مايبي بس بعد الضغط عليه ومثل مايقولون كثر الطق يفك اللحام رضخ لهم في الاخير وتزوج الضحية أمي

طبعا همه الوحيد دراسته وشغله لايروح يمين ولا يسار اشفق عليه لما امي تزعل لانه مايوديها ولا يجيبها ولايعطيها وجه وهي تتشكى وأنا احسه بينهار ماله نفس لأي شي واذا الحت عليه امي او اخواني يطلعنا لمشوار او يسوي الحاجة الي نبيها ونفسه في خشمه

طبعاً أخذ الدكتوراه وتزوج وعنده عيال هالاشياء قيدته أكثر وأكثر وصار محبوس في الاشياء
مجبر انه يدرس في الجامعة مجبر انه يعول اسرة مجبور مجبور باشياء كثيره وانا اشوف انه قيد نفسه بنفسه

اوقات اجلس واتكلم معه احس انه متضايق من نفسه ودايما القى عند راسه كتيبات ومطويات احكام تمني الموت
ماذا بعد الموت ادعية الضيق كتب تصرع لابوه لابو جوه هههههههههه
هو ضحية المجتمع الغبي وأمي ضحية القدر كلهم مساكين الي ابي اوضحه لك ان الزواج والشهادات والاطفال بتقيدك

انت الحين حر طليق استمتع بهالشي الي يحسدونك عليه المتزوجين، عندك احساس قوي بالابوه اكفل لك يتيم وتواصل معاه
فكرت تربي حيوانات اليفه ؟ انا عندي قطوه فكر تشتري قطوه تملي عليك حياتك وبنفس الوقت ماهي قيد ابدي اذا فكرت انك ماتقدر تعطيها حقوها وترعاها بالشكل المطلوب تقدر تبيعها اتمنى الفكرة وصلت
عندك طموحات دراسية ادرس في جامعات نظام تعلم عن بعد او ادخل دورات .... عندي كلام كثير بس خلاص تعبت بكمل بعدين !?

================================================== ======================

الله يخلي لك الوالد والوالدة

بالنسبة للقيود اختي الدنيا كلها قيود العمل محتاج صبر ومثابرة والثمرة المال كذلك الزوجة والعيال يعني تبي حنان واطفال وبيت سعيد من غير ضريبة تقدمها هذا غير مقبول لازم تواجه التحديات والقيود مقابل انك تاخذ زوجه صالحه وابناء يملون عليك البيت

لو فكر ابوك لحظة وااحد تخيلي مع ابوك الوحيد في اسرته ما عنده ابناء وزجه وبيت وعايش مدرس في الجامعة وعايش في بيت لحالة هل معناته حياته احلى اكيد لا الان عنده زوجه وعيال وبيت ووظيفة لكن طبيعي لازم تكون هناك تضحيات تقدمهها مقابل الشي هذا


اختي حتى الحيوانات لم تتتزاوج لازم لكل واحد دور والزوج دوره يضحي في حماية زوجته واطفاله وبيت هذي الامور طبيعي لا يوجد شي مقابل لا شي

بمعنى انت تبي عيال وزوجة وبنات وبيت لازم فيه بعض المعوقات مثل المجالات والمناسبات وتوفير لقمة العيش لهم واذا كنت ما تقدر لا تتزوج وهذا الي مانعني عن الزواج هي الواجبات والتضحيات يعين لو كنت شخص مب مريض كان تزوجت على طول

لكن انا شخص مريض وتعبان فلم ازيد على التحديات والقيود واتحمل مسولية بيت وتربية وتوفير معيشة وبيت صالح هذا الشي صعب مع المرض النفسي

في نظري لازم اقدم كل شي لبيتي واسرتي من الحنان والمال والامان واالتربية والا فلا لا اريد ان يكون بيتي يعج بابناء مرضى ومشاكل
================================================== =============================

اما اني حر وطليق هذا غير صحيح المرض مكبل الشخص تكبيل لا تخرج ولا تطلع ولا تسمتمع ولا يسمح لك باي شي فقط يسمح لك بنفث السجائر ومتابعة االتلفاز فقط لا غير

تذكرة انشودة تقل انت حر رغم القيود انت حر رغم السدود

================================================== =================================================

سوال اختي سارة هل انت في بداية العشرينات من عمرك


تحيتي لمن سرق بسمتي

اللهم أني أسألك تفريجاً لكل هم ، واستجابه لكل دعاء ، وشفاء لكل مريض ، وغفران لكل ذنب ، ورزقاً لكل محتاج ♥♥

عسى گل من بقلبہ ضيقہ . .
ربي يرزقہ فرحة تنسيہ كل آلليّ شقآه

أخي أنت حرٌ وراء السدود أخي أنت حرٌ بتلك القيود
إذا كنت بالله مستعصما فماذا يضيرك كيد العبيد

توكل على الله وتزوج يا محمد باين عليك الشايب بيننا ههههههه

شف انا مثلك افكر نفس تفكيرك

بس شوف الإيجابيات احد يسمع لك تحبه و يحبك تبادل مشاعر وان شاء الله طفل تلعب معاه راحه نفسية استقرار وعيالك بكره يوقفو معك

ولازم تفكر بالقرار وتبحث عن الشريك المناسب

المشاركة الأصلية كتبت بواسطة بنت الظبي

اللهم أني أسألك تفريجاً لكل هم ، واستجابه لكل دعاء ، وشفاء لكل مريض ، وغفران لكل ذنب ، ورزقاً لكل محتاج ♥♥

عسى گل من بقلبہ ضيقہ . .
ربي يرزقہ فرحة تنسيہ كل آلليّ شقآه

امين يا رب العالمين اجمعين والله ارحم الراحمين

الي ابي اوصل له معاك ياشفيق انك ماتندب حظك وتعيش مقارنات مع الاصحاء والي وضعهم سليم مادامك مقتنع تماما بفكرة عدم الزواج وعندك مبرراتك الي تمنعك من الاقدام على هذي الخطوة فتوقف فوراً عن المقارنات

انت انسان مختلف، لما تقارن وتندب حظك بينك وبين نفسك او هنا في المنتدى انت تتعب نفسك اكثر وأكثر

افكارك واضحة وقلتها بصوت عالي ومبرراتك ايضا واضحة ف ليش الزعل ؟

بالنسبة لعمري الي احس فيه احس اني في الثمانينات اما الفعلي فهو بداية العشرينات مثل ماخمنت !