فضفضه ويوميات اصحاب نوبات الهلع

اسعد الله مسائكم بكل خير وموده طمنونا عن اخباركم وتجاربكم

اتمنى اسمع اخبار جيده للمهلوعين وكيف سيطرتهم للهلع

من زمااان احتاج الهذا الموضوع

والله في حاله احتاج أتكلم
اجلس بس احسب دقات قلبي
أقول الاهلي احس فيني نغزات قلب يقولون بس يتهيئ لك
خموووول و تعب حراره
نبضات قلبي اشعر فيها و اشوفها في صدري😭


صدق الم لا يعلمه الا الله

الله يلطف فيني وفيكم

اهلين اختي صحيح اغلب اهلنا او من يعز علينا يفكر المسأله سهله وكلها اوهام وصحيح هي اوهام لكن اعراضها مزعجه وحقيقيه لكن الحمدلله غير مؤذيه والحمدلله الطب اطور وصار في خيارات كثيره للشفاء والله يشفيك

ابو هلع

انا حاولت اطنش لكن تحسنت شوي

من يومين كنت برع البيت فجأه يتني الحاله وكنت مع اختي

قلت اقولها افضل ...

بعدين قلت لا

خلني اطبق حركه ذكرها احد الاعضاء في هالمنتدى

ظليت اطبطب على صدري واذكر الله

الحمدلله اختفت النوبه

اتمنى الشفاء التام

الغازات باستمرار وتطبل البطن هو اللي يسبب

هلع، فالهلع مش مرض خطير ولكن حاله تضايق

لما تينا

احيانا فجأه نحس بدقات قلب قويه وتحس شي

عند البلعوم يفرفر

فالكل يفتكر الموت

لازم خلاص نرتاح من هذا الموضوع ، بما انه

دايماً نقرأ نفس المواضيع !

مرحبا حبايبي شخباركم .... احس بقلق و توتر :(
و يعد كم يوم ان شاءالله بروح العمره ... احاتي الطياره
و احاتي كيف بطوف و كيف بصلي :( خايفه وايد

هلا اختي بنت الظبي والله يااختي احس فيك والتطنيش صعب ونا فيني اعراض ممكن الاراده والاقتناع هي مفتاح الحل ومايمنع تخبرين شخص قريب منك وتفضفضين له ويكون سند لك
والله يشفيك ويشفينا

اهلين اختي ياره ماشاء الله الله يتقبل منك باللعكس انبسطي. وفضفضي وانتي بمكه بالدعاء لله والطمئنينا
وممكن تاخذي مهدئ عند ركوب الطياره بتريحك

ابوهلع انا فضفضت لوحده، لكن دايما تقول طنشي واطلعي وانبسطي واهتمي في نفسك

الحمدلله، شو نسوي ؟!! الله كريم

حمدلله مو سر الطتنيش صعب وقت النوبه والله مهما صار مريض الهلع والقلق يحتاج مسانده واراده ونا من عام 2008 وفيني هلع ومع ذلك كل يوم اكتشف اعراض جديده وعجزت اتعود لكن قضاء وقدر

ماعليك الا العافيه

يقول واحد منهم، قول في نفسك يارب اتمنى تجيني النوبه في اسرع وقت

عشان اتحداها، يعني العلاقه طرديه

بمجرد ماتتمنى انها تجيك على اساس توقفها عند حدها، ماراح تجيك

فتنقهر ، ليش قبل تبهدلني، ويوم عزمت أ أدبها ماعادت تجي !!!!

فعلا اختي من خبرتي افضل شي المواجهه والاقتناع هذا افضل حل لكن تحتاج اصرار

بنت اختي حاليا انا الحمدلله مافي مكان مااروح له وصراحه بالبدايه كانت صعبه المواجهه بس الحين الحمدلله تغلبت عليها صحيح مازلت اعاني بين فتره وفتره بس بكيف وضعي على الاعراض وبقنع نفسي بالعافيه

السلام عليكم ورحمة الله.
كيفكم اخواني اناعضوه جديده كنت اتابعكم وارتحت كثير فاحبيت انضم لي هالملتقى المبارك.
انا اعاني وتايهه وماني عارفه اصنف حالتي.انقلبت حياتي فوق تحت بعد ولادتي كانت قيصريه وارتفع الضغط ودخلت العنايه والحمدلله مرت بسلام بس بعدها انقلب حالي احس اني فحلم ووكل شي فحياتي ماله طعم حتى لما اكون مبسوطه تجيني وساوس تعكر علي فرحتي من غيرالخوف من الامراض والموت والخوف ع فقد طفلي او احد اهلي وكنت احس تشويش براسي وخفقان وارق ومره جاتني نوبة هلع كنها سكرات الموووت وكانو روحي بتطلع ووووو اعراض لاتعد ولاتحصى وبعدين تحسن وضعي شوي وحملت وتحسنت حالتي مره الحمدلله بس تعبت اثناء العمليه وتعرضت لنزيف داخلي واجرو لي عمليه ثانيه وجلست انزف 5ساعات ودخلت العنايه وانا بين الحياة والموووت والدكاتره كل دكتور يمر علي يقول سبحان من يحيي العظام وهي رميم والحمدلله بفضل الله ورحمته ربي كتب لي عمر جديد وخرجت بس نفسيتي مره تعبانه خوف وهلع ووسواس امراض واحس الم فقلبي ورقبتي وكتفي مع حراره والم
فالراس وصرت اخاف من الضغط والا مراض الخطيره ولما اقيس الضغط احيان يكون مرتفع صرت ما تهنى فشي تجيني افكار ليش تهتمي فنفسك وفبيتك وزوجك وانتي بتموتين عملت تحاليل شامله كلهاسليمه الحمدلله.بس دايم معاي خفقان وحرقه فصدري والم فالمعده ولما قريت اعراض الذبحه الصدريه زادت علي وصرت اوسوس كثير وخايفه اروح اكشف...
واسفه على الاطاله وعلى رداءة الاسلوب بس حبييت افضفض مخنوووقه حيل الكل مل مني صرت انسانه كئيبه وممله ..اسال الله ان يشفيني وجميع مرضى المسلمين