فضفضه ويوميات اصحاب نوبات الهلع

يالله غربة الف سلامه عليكي الله يخفف عنك وترجعي زي اول واحسن
انتي تقريبا زيي أنا اخاف من الضغط ودايما اشيك عليه بس يكون عالي وقت التعب ووقت التوتر خصوصا اللي تحت وانادي على كل اهلي علشان ياخذوني للمستشفى لحد ما طفشو
وانا زيك في الحمل جاني بس انتي يمكن بعد الولاده جاكي
شوفي إذا ما عندك خوف من الادويه روحي لدكتور باطنيه اشرحي له حالتك وهوا بيعطيكي الدواء المناسب
الخفقان مع الخوف واذا تحبي الموز كلي لانه يخفف من الخفقان شويتين
الله يعينك ويعيننا عندنا اطفال نشيل همهم وهمنا غير ازواجنا مالهم ذنب في الي بيصرلنا
الم المعده من الخوف هوا والحرقان ولما ما تاكلي بيزيد الالم لان المعده فاضيه

مشكووره اختي ام لبنتين الله يسلمك ويفرج همك انا الضغط عندي هوس اقيسه ويطلع ارتفاع بسيط ويجيني خوف وتوتر وارجع اقيسه وكل مره يرتفع لارقام عاليه فارجع اخذ نفس واهدي نفسي واقيس يكون طبيعي بس ماني عارفه هل انا مريضة ضغط والا توتر فقط ..وانا حملي الاول ارتفع بعد العمليه وحملي ثاني ارتفع فالتاسع وتنومت ورجع طبيعي بدون ادويه ..وضعي غريب كل مره يطلع شي يستقر الضغط يصير عندي نزيف...
اما الالام المعده انا اساسا عندي قولون بس الشي الجديد الحرقه الي فصدري ممكن لاني كنت اكل الثوم النئ بكثره عشان يضبط الضغط سبب لي حرقان.. خايفه ارووح اكشف يطلع فيني شي خطير ..

احيان احزن على اطفالي احس اني ام فاشله خوافه ماني قد المسؤليه احيان اندم اني تزوجت اقول لو ماتزوجت يمكن كان حالي احسن وهمي اصغر لاحمل اخاف منه ولا اطفال اخاف عليهم:(..

أنا زيك والله اقول ليتني ما اتزوجت حتى استغفر الله اوقات افكر بالطلاق ،اقول ايش ذنبه يستحمل وحده زيي
والضغط نفسك بالضبط لما اقيسه يكون شويا مرتفع في التسعينات واخاف ويطلع للميه وبعدها لميه وتسعه هنا أنا انهبل طبعا اللي تحت ، اما اللي فوق اخر حد كان لميه وستين وينزل بسرعه الحمد لله
ما اعتقد فينا مرض الضغط بس وحده قالت لي إذا كل شوي طالع نازل بيصير فيكي ضغط وخوفتني
تعرفي كان عندي جهاز للضغط وخرب واتجننت رحت اشتريت واحد في نفس اليوم
الم المعده متعب بشكل يزيد الخوف ويزيد التوتر ، دحين اكلمك وعندي الم في المعده واخاف ادخل الله يكرمك الحمام ويزيد الالم فماسكه نفسي وابغى انام قبل ما البنات يصحو مو قادره

ام لبنتين نفس تفكيري الله يكتب اجرنا ..
انا عندي جهاز الكتروني لا واحيان مااثق فيه جري ع اقرب طواري اقيس وغالبا يكون طبيعي ..
وانا سمعت ان التوتر وشد الاعصاب ممكن يسبب الضغط.
بس قررت اطنشه ولا اقيسه لي كم يوم ماقست مع انه تراودني فكرة قياس الضغط .واحيان اواسي نفسي انه لو فيني شي كان كتبو لي داوء الضغط ..
وكمان الحجامه مره كويسه ووقائيه تضبط ضغط الدم المرتفع ..
حاولي تسمعي سوره البقره بسماعات راح ترتاحي وتنامي ..
انالاحظت لما انشغل بشي او اخرج تختفي كل اعراضي ..
ان شاء الله تكون عندنا الاراده القويه وايمان قوي ونتغلب على مشاكلنا .

طيب كويس الحمد لله ماشالله تختفي الاعراض لما تنشغلي، لاني أنا لما اشتغل تزيد الاعراض بس أنا معاها اعراض انسحابيه للدواء اللي باخذه
المشكله غربه انه أنا جبانه جدا لا اقدر اسوي حجامه ولا اخذ علاج كله من الاعراض الجانبيه ، كل ما اخذت علاج طلعتلي مدري ليش
والتوتر يسبب الضغط اكيد بس ايش نسوي غصبا عننا نتوتر وحتى لو كنتي رايقه الاطفال يوتروكي
بس ما قلتيلي كم يطلع ضغطك لحد كم يوصل

اهلين اختي فعلا احيان التوتر يكون خارج عن ارادتنا ومع الاطفال دايما نكون مضغوطين انا احيان اتركهم واروح فغرفه مظلمه استرخي ما اتحمل الاصوات واحيان انزعج حتى من الكلام الكثير اتعب لما اخذ واعطي مع احد فالكلام فمبالك مع الاطفال وشقاوتهم .وانا دايما راسي حار لازم اصب مويا بارده عليه ومره قست وحصلته 140/110بس كنت متوتره ومنزعجه مره .وبعدها صرت اخاف ولما اقيس ويطلع فيه ارتفاع بسيط اتوتر ويوصل 155/150 ممكن من الخوف واما النبض غالبا عندي خفقان يعني يكون من 90الى115 بس ممكن النفسيه والقلق له دووور .
بس مره رحت لموعد لي فالعياده وقاسته لي 145/80 قالت الرقم الي فوق توتر بس انتبهي هدي وريحيي نفسيتك لانه ممكن تكون عندك قابليه للاصابه به مستقبلا.
وكمان خايفه من الحجامه ماسووويتها ..
انا مره خووووافه اي شي احسه فجسمي افسره شي خطير فاتوتر ويرتفع الضغط ..

اسعد الله اوقاتكم بكل خير كيف كانت جمعتكم اليوم
اختي غربه وام لبنتين الشعور بالضعف وقت النوبه مزعج لكن يضل وهم قابل للعلاج لكن ماسألنا انفسنا لمتى والمعاناه هذي ليه مو راضين نتقبل الي احنا فيه ونتوكل على الله !
بالنهايه احب اقول النوبه غير مؤذيه لكن متعبه وافضل علاج لها هو تقبلها بجميع اعراضها

غربه تبين نصيحتي لا عاد تقيسين ضغطك ولا تشوفين هو مرتفع او لا لان قياسات الضغط تحتاج وقت ووضعيه معينه

حاليا انا وزوجتي نتمشى بالسوق وصراحه جاني دوار واختلال بس راح اكمل ونشوف شيصير مع هالحاله لان متاكد انها وهم /:

اناقلت ماراح اقيسه ويصير الي يصير بس ماقدرت اكلت مخلل وحسيت دوووخه وخفقان وقسته كان طبيعي بس النبض94.

أنا والله ما ابغى اقيسه كمان لكن الم المعده والصداع من قله النوم تخليني اقيسه
ما انام كويس ودحين الضغط اللي تحت وصل ل 96
وخايفه ولحالي وبناتي حولي ما اعرف ايش اسوي ياربي رحمتك
طالع نازل الضغط

ام لبنتين قومي اعملي لك كوب ينسون يريح معدتك واستغفري وغمضي عيونج وتذكري شي جميل في حياتج ونامي حبيبتي ماعليج شر كله وهم وهم وهم واحنا خاضعين للوهم ..

حبيبتي هدي نفسك الضغط مره الخوف يلعب دور كبير فارتفاعه بس احنا مومقتنعين يومين نطنشه وبس نحس الم ع طول نجري نقيسه وممكن انتي قستيه وانتي خايفه اكيد بيكون مرتفع وبعض انواع الاكل تسبب صداع انا بعد الاكل دوخه وخمول موطبيعي وخفقان انا دحين خايفه عندي الم الله يكرمك لما اروح الحمام مثل الدبوس يشد علي ووخز فبطني وحراره وانا ما معي امساك خفت انو مسوين لي شي وقت العمليه وحسيت الوخز لما كنت فالمستشفى بس خفت اقول لدكتوره ونسيت الموضوع بس اليوم جلست افكر فيه ..ومره خايفه ان فيني شي..

ام سيوفي يا قلبي مع الخوف مو قادره احط شيء في فمي وبس ابلع ريقي واضغط على اسناني
الم المعده دايما يرفع ضغطي والصداع من قله النوم
الله يعين والله احاول افكر في شيء حلو مو قادره ما افكر الا بالبنات

غربة الله يلعن الشيطان ، أنا ماكنت افكر بالضغط الا لما فجعوني في المستشفى وقت الحمل وعلى طول ولاده ،الوخز يجيني بس على فترات عادي ما افكر فيه لانه مو قوي مره
غربه ليش ما تاخذي علاج للضغط وتفكي عمرك أنا اخاف اخذ ينزل ضغطي مره او له اعراض جانبيه