يوميات المكتئبين تعال نسولف

[يارب الفردوس]

عن عائشة رضي الله عنها عن رسول الله صلى الله عليه وسلم قال : (إن المؤمنين يشدد عليهم لأنه لا تصيب المؤمن نكبة من شوكة فما فوقها، ولا وجع إلا رفع الله له بها درجة، وحط عنه خطيئة) .تخريج السيوطي ‌(‌صحيح‌)‌ حديث رقم‌:‌ 1935 في صحيح الجامع‌

[بنت الظبي]

محمد لهذا السبب يوم حد يعرف انك مبتلى يقولك الله يحبك عشان يطهرك من ذنوبك وتكون انت الفايز بعكس اللي يكون لاهي

بس ان شاء الله ربي يتوب علينا ويفرج همنا يارب

بحيث يوم الله يشفينا نكون ملتزمين

[فهد الغريب]

افكر اللحين ابي انام بس ارق لاني سبحان الله اذا تعبت ما انام عكس الناس فاقول زماان يوم كنت انام واصحى ولا افكر بشيء ودي انااام وارتاح في نوممممي ابي اناااااااااااااااااااااااام نوووووم بعمق
يااااااااارب رحمتك

[سارون]

معقولة تاخذ زيبريكسا وما نمت للحين

الدوا هذا يخليك تنام وانت تمشي من قوته

[فهد الغريب]

قطعت العلاج سااارون هي مررره وحده بس
افكر بكره ارجع له بس للسيبراليكس فقط

[سارون]

تقطع العلاجات وترجع لها من راسك

هذي بربسة يا أنك تقطع مرة وحدة او تنتظم اما طريقتك ذي بتعفسك زود

[فهد الغريب]

ياساروون برجع للسيبرالكس بس
الاثنين الباقين بكلم الدكتور يغيرهم ماناسبوا

[سارون]

اوكي

تبي تنام جرب تاخذ لك دش في هالجو البارد وبيخليك تنام غصب عنك

[أبوأمل]

هههه ليش تكرهيني يا سارون جرحتيني

[فهد الغريب]

توي ماخذه قبل ساعه والله

[سارون]

ما أكرهك لحالك اكره كل العالمين
الموت مع الجماعة رحمة ياعبد الله

فهد غمض عيونك وعد الخرفان الين تنام

انا فيني نوم عشان عندي اختبار بس لو ماعندي كان منفنجلة عيوني ومرتكزة كني جني في الصالة

ياحياة الشقى ..،

[فهد الغريب]

ههههههههههههه خرفااان
نعدها وليش لا
الله يوفقك في اختبارك

[أبوأمل]

انا كنت مثلك اكره الناس كلهم
حتى امي وابي
واشك في كل من حولي
انا الان زال عني هذي
وسيزول عنك
متى ما سيطرت على الاكتئاب وغيرت تفكيرك السلبي الى
ى ايجابي
اليوم حصل لي موقف
اهلي وصوني اجيب لهم فول وتميس وحمص
وانا راجع وكنت موقف عند اشارة
تعرفون التميس لازم يتقرم منه قبل ما يوصل البيت يتقرم يعني ينأكل
اخذت قطعة واكلتها والتفت يساري احصل بنت عمرها يمكن 5 سنوات
قاعد تطالع فيني اول ما انتبهت لها ابتسمت وانا ابتسمت تلقائي بدون شعور واستحت ووطت راسها
انا بعدها سويت نفسي ما اطالعها لان الابتسامة خرجت مني لا شعوريا
مدري بس بعدها حسيت بشعور غريب اول مرة احد يناظرني بالهطريقة ويبتسم ابتسامة بريئة ججولة
الشعور الي اقصده الشعوري بشيء من الفرح
....
الله يحفظها لاهلها

[خبز تحت المطر]

لدي شعور أتنمى أن يكون صحيحا :) أشعر أنني الأكثر كآبة في هذا المنتدى..... اللي يلعب تريكس و اللي يشوف مباريات....و اللي يذهب لأقاربه أو أقاربه يزورونه!!!!!!!!! عيني عليكم باردة :)

[سارون]

ليه تتمناه شعورا صحيحا ياسيد خبز
كل واحد يشوف نفسه هو اكثر واحد ميت من الاكتئاب :)

لازم تدور ع اي شي يسعدك ويطلعك من مودك حتى لو اضطريت تكذب على نفسك
كاعدة اخفف عليك وانا بموت من الضيقة وعندي اختبار ماخلصت مذاكره تقدر تسميه هروب او اي شي

اتمنى لك ولجميع المتواجدين يوما منزوع الكآبة